Analysis Services
السلام عليكم ورحمة الله وبركاته

لا اله الا الله وحده لا شريك له له الملك وله الحمد وهو على كل شيء قدير

اللهم صلي وسلم على سيدنا محمد

بسم الله ماشاءالله ولا حول ولا قوه الا بالله العلي العظيم

اخواتي حبيباتي

كل تاجره

وكل وحده تفكر في التجاره

وكل وحده تبا تستثمر فلوسها بطريقه مربحه


انا ملاحظه شي مهم واتمنى يكون هالموضوع للنقااااش بعيد كل البعد عن المتاجره بسلعه معينه

ياليت التاجرات يتقيدون عشان ما حد يحذف موضوعي بنتكلم بشكل عام


البضائع المعروضه في المنتديات الخليجيه كلــــها تتشابه في تميز في البضائع بقدر بسيط جدا 2%فقط

تحصلين عندهم اشيء يديده شو السبب في ذالك هل نص البنات هنيه مندوبات والتاجرات كمن وحده وياخذن

بالجمله عندهن ؟؟ ولا تشوف الموضوع مش عند سين من الناس وتبدا اتيب مثله

التجـــــــــــــاره بحر كبييييييييير والاحظ الكثير على الشاطئ يصتادوووون فقط الاسمااااااك وينكم عن الؤلؤ الي

في قلب البحر وينكم عن الكنوز الي في بطن الحووووت هل هوه خوووف من الجديد او هوه من التعمق في

التجااااره ليش يوم اشوف الشي منتشر بقوه ماابعد عنه ؟؟ بقولكم اكثر الي في النت شووو



1_منتج بدون ذكر اسماء متوفر بقوه في السوق ليش يباع على النت حلووو تخلينه بضاعه فرعيه مب رئيسيه للبنات الي ما يتوفر عندهم في المدينه نفسها

2_بضاعه اكاد اشوفها عند كل تاجره ليش ما تحاولين تتميزين ببضاعه يديده العالم كل يوم فيه شي يديد وانا اشوف من سنين في جميع المنتديات معلقه على سلع معينه

بالطريقه هذي بيكون تشبع عند الزباين
وما بيكون البيع عندج قوووي


كل وحده تحاااول تيب شي يديدبكميات قليله اذا مشى تيب غيره واذا مامشى عند بنت مب لازم يمشي عند ثانيه

ترا حسب المكان والمجتمع وغيره يعني مستحيل تيبين كريم رااااااااااائع جدا ومفعوله اكيديمنع النمش في البلاد الافريقيه لان الله منعم عليهم بحمايه طبيعيه ومايصيرلهم نمش يمكن يباع بس نادر جدا



الي الاحظه الحين انتشرت منتوجات تاكل !! بنات ماتخافون يعني انا يوم افكر في مشروع ماء ابتعد عن الاشي الي تاكل(اقصد ادويه وما شابه )يعني لو يصير شي لبنت معينه هيه في ذمج ((اذا اكل ومتاكده من نظافته وجودته عادي ))

بس البعض يبيع ادوريه وماشابه ما ابا اقول اسماء عشان ماحد يقول قطع ارزااااق

انا شخصيا في اشيء بعيده كل البعد عنها ما فيه لدعاوي الناس
في وحده كانت تاخذ شي شاريتنه من السوق واشوف وايد بنات هنيه يبيعون منتج يشبه بس شركه ثانيه
البنت يتها الدوده الزايده وشلوها !!!!لان جسمها حساس وانا ماعرف الي ببيعلها جسمها يتقبل ولالا



فالي بتبيع ادويه اتمنى تتاكد منهامليون بالميه قبل المتاجره فيها لانها مسؤليه امام الله سبحانه

ثاني نقطه ليش مب كل وحده قبل لا تيب المنتج تطبعه على ورقه وتسال الناس كستبيان تشوف ردت الفعل
الي عندها محل ومشغل وغيره اذا مشى تتوكل على الله وتتاجر فيه نوعن يابنات نوووووووعن خلن بضاعتكن وااااااااااااااااو وحلووووووووووووووه ما ابا اذكر بلدان معينه بس فيها اشيء لا تخطر على بال بشر من جمالها
وسعرها في متناول الجميع ليش ما تسافرون وتنتقون اجملهن خصن الي عندهن محلاااات


نقطه اخرى


المفروض كل وحده تبيع لا تكتفي بالنت


يكون الها موقع تجاري او اسم تاجره في احد المنتديات
تكون متفقه مع محل تعرض عنده
توزع بروشورااات

والاهم من هذا حددي انتي في 4 اشهر كم تبين ادخلين وتبيعين اعرف كل شي على الله
بس يوم ترسمين كل شي جدامج بالارقام تتشجعين اكثر

بنات الي عندهم ملاين ومليارات شو زايدين فيه ؟؟في ناس بدت من الصفر !!

الموضوع يباله صبر
الموضوع يباله دراسه
الموضوع يباله اجتهاد كبير

والاهم من هذا كله ابصراحه
كل مشرووووووووووووووووووووووووووووووووووووووووووووووووووك مبروووووووووووووووووووووووووووووووووك
انا الحظ الي حولي الي يبتدن كمجموعات يوصلن اسررررررررررررررررررررررررررررررررررررررررع من المفرد
شو فيها لو تساعدتن شوفيها لو حطيتن اديكن بادين بعض

ليش ما تشترك 10 او 20 تاجره باستاجار كوشك في مول معين وتوظيف سيده تبيعلكم
وجذيه الاجار على كل وحده اقل
والفايده اكثر
وستفادة السيده الي بتبيعلكن الي بدون شغل


بنات لازم نحط ايدنا في ادين بعض لازم نساعد بعض
الي عندها افكار تساعد الثانيه
والله انا القسم هذا حبيته ودائما ادخل عليه من الاب او من البيري مالي يوم اكون خارج البيت
في بنات احسهن عندهن رغبه شديده شو يمنع ما نحتضنهن ونوجهن
تارا نجاحهن من نجااااااااحج كل ما استفادت هيه انتي بتستفيدين


الاسلام جمييييييييييييييييييييييل

اسمعوا معايه
الابتسامه في وجه اخاك صدقه
يعني يحثنا على الجمعه والخروج ونشوف الناس كيف بناخذ الصدقه اذا ماعندنا شخص نبتسم في ويهه؟؟

يعني مب بروحج

وصنا على الجااااااااااااااااااااااااااار يعني بعد لمه وناس وجماعه

يعني مب بروحج

وصانا على صلت الرحم ولمه

يعني مب بروحج

يوم يكون الانسان في عون اخيه كان الله في عونه

يعني مب بروحج

شوفي الاعمال الي حثنا عليها دينا كلها مع الناس مب بروحج



ما في اجمل من المشاركه والسعاده مع الاخرين
ليش يوم يت عند المال كل انسان يحاول انه يجمع اكثر قدر من المال على حساب الاخرين

ترا لو كنتي تملكين مليارات ما بتركبين طيارتين في نفس الوقت ولا بتركبين سيارتين في نفس الوقت المال في مبلغ تصلين فيه للاكتفاء والتشبع كل شي عندج كل شي حولج وشو يمنع ما نساعد الناس شو يمنع ما نكون مع بعض ؟

ليش ما يشارك الاخرين بربح بسيط انه يساعدهم ليش ما نسوي اسر تجاريه ونساعد بعض وكل وحده تدعم الثانيه بدال ما نعطي المسكينه 1000 حبه عشان انا اخلص الي عندي انصحها اقولها بعطيج بسعر الجمله 12 حبه شوفي ربحج فيهن وقبل مااعطيهااوجها مب كل انسان نشاء في بيئه تاهله للتجاااااااره



انا يوم اقرى المواضيع ودي ودي ودي اساعدكل البناااااااااااااااااااااااااااااااات
ودي اسوي شي الحين النت عولم العالم ونعيش في عولمه
يعني قرب البعيد شو المشكله ما نحط ادينا في ادين بعض وفعلن نكون تاجرات في اشيء يديده في اشيء مميزه ماشبعتن من بيع الليفه والصابون ولا استصغر البضاعه لا والله بس انا اتكلم عن الهمم

عن البنات الي يبن المبالغ الحقيقيه ملاين حقيقيه من حق كل مسلم ينعم بخيرات الله والحمدلله دولنا وحكوماتنا مب مقصره يكفي ان هم سبب الامان بعد الله سبحانه وتعالى الي عايشين فيه بسنا تذمر اقسم بالله العلي العظيم ان بنات الخليج كااااااااااااااااااااااااااااااااااااااافه ينحسدوووووووووووووووون خلونا نتميز اكثر واكثر ونخليهم يشوفون الفتاه المسلمه الي تخاف الله شو ممكن تسوي يالله خلونا ندخل ميادين يديده خلونا نثبت وجودنا خلونا نرررررررررررررررررررررررررررررررررررقا بهذا القسم في عالم حواء نخليه مول حقيقي لبضاعه رااااااااااااااااااااااااااااااااااااااااااااااااااااااااائعه واتمنى من كل البنات الي يفكرن في مشاريع ضعفه الاستغناء عنها وما تدخل في شي مب مضمووون لو بريال الفلوس هذي يت بعد تعــــــــــــــــــــــــب شديد مب من الشارع


انا الحمدلله يالسه اوفرلي بضاعه بسم الله ماشاءالله ولا حول ولا قوه الا بالله وبرتب اموري كله وبتوكل على الله

ماقلت لالالا يديده ما بيتقبلونها لا ادرس اول شي الموضوع بشكل جاد وافكر جيدا واستخير اذا لي خيره واذا لم تباع بالقدر الي انا اتوقعه وين المشكله البضاعه مب فاشله الطلب عليها قليل ابيع الموجود واوفر شي اخر حسب حاجت مجتمعي مافي شي ما يمشي ولا فاشل في البضاعه الصحيحه في مكان غلط وجهيها لمكان اخر



بنات انا اقدر احتفظ باشيء وايد وايد لنفسي بس ابا اشاركم بافكاري علها تفيد شخص في امس الحاجه لها
غير جيه ابا دعاااائكم لي ربي يوفقني في حياتي وتاكدي انج يوم بتفتحين بعد الله وبتكونين سبب في باب رزق لغيرج ان الله بيوسع رزقج ارجووووووووووووووووووووووكم لا تنسون البنات الي حواليكم



انتظر مداخلاتكم الجاااااااااااااااااااااااده ارجووووكم وكل ما كان في تجاوب كل ما راح احط الي عندي اكثر في هالصفحااااااااااااااات باذن الله
07-02-1432 هـ, 03:13 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الله يرزقك ان شاء الله
انا في امس الحاجه انه احد يوقف جنبي وبجد عجبتني افكارك
احنا الي ما لقينا وظايف وجالسين في البيت نحتاج دخل خاص
وعندنا طاقات حرام تروح لاكن انا بالنسبه لي محتاجه توجيه
وبالفعل التجاره على النت كثير مكرره مع انه هاذا هوه الي في بالي ابدا فيه لانه ما عندي خيارات
لكن انا محتاره بالمنتج الي رح يتسوق اتمنى مساعدتك وذوات الخبره
ومشكوره على الموضوع الرائع
07-02-1432 هـ, 03:37 مساءً
 
كلااااامك رااائع
قلتي الي في القلب ووفيت
وانا مستعده اوقف مع مجموعه لين ربي يفتحها لهم
او لو حبت مجموعه تستأجر وننفع بنت تبيع في المحل وحنا ندفع الايجار
كلامك فالصميم يالغلا
07-02-1432 هـ, 04:36 مساءً
 
دنيا عجيبه بارك الله فيج علىالدعاء الطيب باذن الله يكون هالموضوع بعد الله سبحانه وتعالى فاتحة رزق على الكثيرين

دنيا ماحاولتي تشوفين المنطقه الي انتي فيها

شو ناقصنها
شو يحتاجون
شو يحبووون
شو الي ممكن تبحثين عنه في مواقع النت او مصانع النت ويمشي

خبريني شو تبين وباذن الله ادقدر اساعدج بالي عندي بس الله الله بالدعاااااااء



شيهانه والنعم والله كفووو قدها وقدووود ربي يعينج على فعل الخير
مب لازم نكون خسرانين في مساعدة الغير ممكنيكون ربحنى نسبي بسيط جدا لين نكون شجره او اسره تجاريه الكبير يرفع الصغير وباذن الله الكل ربحان في فكره انا عرضتها على بنت في موضوع سابق اقريها يمكن تفيدج

مثال

تشوفين مجمع عندكم او مول تجاري وتشوفين تاجير الكوشك كم يكلف

نقول شهريا يكلفج 1000

طبعا انتي تستاجرين هالكوشك
وتدورين تاجرات يبن مكان يعرضن فيه تجارتهن بس ماعندهم هالمبلغ شهري او بضاعتهن بسيطه ما تسدهالمبلغ
انتي جيه بتفيدين 3 جهات

انتي
التاجره
الي بتمسك الكوشك


انتي بتتفقين مع 20 تاجره فلنفرض كل وحده بتدفع 100 ريال شهري مقابل انهاتحط بضاعتها ويتم التسويق الها وفي شخص راح يبيع وطبعا من كل تاجره تاخذين كمه بسيطه ومن تخلص تيب غيرها عشان الكوشك ما يمتلي
تتفقون مع بنتين وحده تمسك الكوشك في النهاروالثانيه في الفتره المسائيه تعطين كل وحده مبلغ 300 ريال ولها نسبه من التاجرات في بيع الاغراض عشان تشجعون البنت تبيعلكم وتشد حيلها

المشروع بيكلفج 1000 اجار
البنات الي بيمسكن الكوشك 600
الربح مع الخسائر شهري 2000ريال
الربح الصافي 400 ريال بتقوليلي شويه تخيلي تفتحين مع الوقت عشر كشكات كانه بزار صغير والكل يعرض البضاعه عندج بدخلين شهريا 4000الف ريال صاااااااااافي كل شهر سنويا 48000الف ريال +المبلغ الي وفرتيه العشره 58000 الف ريال

طبعا تتنقين البضاعه تكون مختاره وغير متكرره عشان كشكج يكون متميز
07-02-1432 هـ, 05:29 مساءً
 
هلا بك عزيزتي
موضوعك يحوي الكثير من النقاط الهامه للاخوات الراغبات بالتجارة او حتى اللي ماشيين بتجارتهم
وخاصه في مسألة اختيار نوعية البضاعه والمنتجات او السلع
للاسف فعلا تشابه المنتجات بالمنتديات الخليجية صار بشكل كبير جدا
يعني تلقين نفس البضاعه متكرره عند الكل اكيد مو غلط تكرر البضائع لكن اكيد التميز ايضا مطلوب
يعني فعلا اتمنى نشوف سلع وابواب جديده من البضائع تنفتح في السوق
لانه التنوع اكيد هو اللي يسهم في زيادة المبيعات وتطور الاسواق عبر الانترنت

شكرا لك
12-02-1432 هـ, 10:15 صباحاً
 


الساعة الآن 07:15 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏