السلام عليكم كيفكم خواتي
بصرااحة أنا أستغرب من عزايمكم وفنكم بالطبخ الله يوفقكم ويحفظكم وماشاء الله عليكم أنا لي سنة ونص متزوجة وماأقدرأبدا على عزايم ومني صغيرة يعني عمري عشرين المفروض إني أكووون قادرة على عزايم بس مشكلتي بطيئة بالطبخ وما أعرف طبخات ولا أعرف أتصرف إذا نقص علي طلب يعني انتم في طبخات تطبخونها من اليوم اللي قبل ولاكلها بنفس الوقت ودي أبيض وجه زوجي وأسوي عزيمة لأهلة بس ماأعرف شلون أجهز كذا صنف وبنفس الوقت وماأدري وش أطبخ ودي أعزمهم على عشاء الله يسعدكم اللي عندها طبخات تعلمني وعلموني كيف أكووون طباخة ماهرة ؟؟؟ كثرت عليكم بس اللي عندها معلومة لاتحرمني منها
ربي يوفق ويسعد كل وحدة ترد لإني أعتبركم مثل خواتي وخصوصا إن أهلي مو بنفس المنطقة فما عندي أحد أستشيره إلاأنتم ربي لايحرمني منكم
08-02-1432 هـ, 01:43 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
حبيبتي كل البنات اللي تشوفي عزايمهم وطبخاتهم ماتعلموها في يوم وليله

كل وحده مننا تعبت كتير وعانت وخربت أكلات مالها أول من أخر

بس الشاطره هي اللي تتعلم من أخطائها وتحاول تعدل من نفسها

شويه شويه حبيبتي مع مرور الأيام راح تتعلمي وتتفنني في الطبخ

الله يوفقك في حياتك ويسعدك مع زوجك
08-02-1432 هـ, 01:50 صباحاً
 
بعض الطبخات يكونون البنات مجمدينها قبل العزيمه بيوم او يومين مثل المحاشي

وتنطبخ في يوم العزيمه تطلعينها من الفريزر قبل تطبخينها بساعتين

وبعض انواع الحلا تسوينها قبل العزيمه بيوم

والسلطات ممكن تسوينها في الصباح الباكر لكن ماتحطين الملح الا قبل التقديم بدقايق لانه يذوب الخضار


بعض المقليات ممكن تجمدينها مثل السمبوسه


واكيد عشان توصلين للقمه لابد من مشوار التعلم والتجربه


وعلى حسب قوة الدافع عندك بيقصر المشوار او يطول



طيب بقول لك على موقف حصل معاي


كنت احسب اني ما اضبط الفطاير مع اني اسويها نفس الوصفه


وكل ماتطلع من الفرن تطلع لي قااااااااسيه


المهم في الاخير وبعد تعب ومحاولات كثيره فاشله اكتشفت ان الخطأ كان بسبب الفرن


غيرت الفرن وصرت في يوم وليله أحسن فطايريه
08-02-1432 هـ, 02:14 صباحاً
 
حتى أنا الفطاير كانت عقدتي الحمدلله حاولت وصرت اسويها ماشاء اله تبارك الله مثل المحلات الحمدلله

هذا بفضل الله ثم بفضل البنات اللي يكتبوا تجاربهم وافضل نوعيه اعتمدتها عجينة العشر دقايق
08-02-1432 هـ, 04:53 صباحاً
 
لا اكيد بتتعلمين وبتصيرين احسن منا

شوفي حبيبتي كانوا اللي حولي يعايروني اني ماعرف اطبخ ولا حتى البيض

قسم بالله لاسويت شي من اول مره يضحكون ويتريقون علي طبعا خالاتي

وتعالي شوفيني الحين قسم بالله ان خالاتي نفسهم هم اللي يدقون علي ياخذون الوصفات والطبخات مني

يعني مثلك ماعرف اسوي للعزايم او جمعات الجيران والحين شوفيني وربي انا اللي ابيض وجه امي عند الضيوف

بعض الاشياء سويها من الليل مثل السلطات والحلويات واليوم الثاني سوي الحاجات اللي تحتاج لفرن بس حاولي تفرزني

اهم شي التفريييييز يخفف عنك كثير

اسفه بربرت عليك بس حبيت افيدك واساعدك ودعواتك لي
08-02-1432 هـ, 05:15 صباحاً
 


الساعة الآن 09:28 .