اقتباس مشاركة  (عسوله الدمام)
ابي الطريقه تكفين بس ابي الطريقه مع الصور


عاد الصور حبوبه ماصورتها سموحه بس اخذي الطريقه عاد تصدقين مرتين اكتب الطريقه ولما اسوى اعتمد يفصل النت بس لقيت وحده من البنات كاتبه الطريقه عاد نسختها منها بس ترا سهله مابتعبج



المقادير ...
كوبين طحين ( محمر ,مشفشف , محمص ) اكثر من تسميه له بس اهم شي يكون لونه فاتح
مب غامق ...
كوب سكر ( يعادل 5 فناجين سكر ) لاتقولون وايد لانها تحتاج سكر ولا بتطلع ماصخه
الماء ( عباره عن 6 اكواب ماء )
ملعقه كبيره زعفران منقعه بفنجان ماي ورد , ملعقه هيل مطحون
دهن او سمن مب زيت ..حلاته مع الدهن القطري يمي يمي


الطريقه :
نحمر السكر على النار لين يصير لونه عسلي اهم شي لايحترق
نضيف عليه كوبين ماء فقط ..ونخليهم يطبخون لين يذوب السكر تماما

طبعا الطحين جاهز ومشفشف ... انخليه عشان الكتل تروح منه وضيفي عليه 3 اكواب
ماء وحركيه وخليه على جنب

اول مايطبخ السكر والماء عدل ضيفي ماء الورد والزعفران والهيل
...ومن ثم ضيفي الطحين ( الي خلطيته بالماء ) ضيفيه كامل مع الماي حقه
طبعا اول ماتضيفينه بتلقينه يغلظ حركيه ..وزيديه كوب ماء ( هذا اخر كوب )
وقعدي حركيه ..وخليه على نار هاديه ..وحطي الدهن عليه تقريبا مقدار ملعقتين طعام
او اكثر على حسب الرغبه ... اذا حسيته يحتاج سكر زيديه لان حلاته بالسكر

وبعد 5 او 10 دقايق سكري النار وقدميه وهو حــااااااااااااااار ولو بغيتي حطي علي الوجه
شوي دهن ....وتمتعي بالطعم الرهييييييييييييييييب .


الوجه بيض مفتفت بالفلفل الاسود وشوي ملح وبالعافيه.
اللهم اني استودعتك زوجي في سمعه وبصره وقلبه ومشاعره وحواسه بان تحفضه لي اللهم اسالك ان ترفع قدري عنده وان تثبت حبي في قلبه وان تجعله يشعر معي انه سعيد واحفظ ابني
مشكورة ياعسل
هني وعافيه على قلوبكم
يسلموووو
رب أعني ولا تعن علي .وانصرني ولا تنصر علي .وامكر لي ولا تمكر علي .
واهدني ويسر الهدى إلي .وانصرني على من بغى علي .
غوافي


الساعة الآن 01:11 .