لارا سبنسر @lara_sbnsr

عضوة جديدة

وش اسوي مع زوجي ؟

السلام عليكم ورحمة الله وبركاته ..........

اخواتي عندي مشكلة واتمنى منكن بعد الله المساعدة

انا صار لي 6 شهور من زواجي والمشكلة في زوجي هو يتدخل بنظافة البيت بشكل زائد
انا الحمد لله نظيفة بس احس انه موسوس نظافة , لدرجه انه مايحسسني بالاعتماد على نفسي
فمثلا يقولي بكرا غسلي الملابس .. طيب انا ادري متى اغسلهن
بس ليش يقول كذا ؟؟
واذا جاء من دوامه يقولي وش سويتي اليوم ، حتى اذا غيرت المفرش يقولي ليش تغيريينه ؟
سؤاله مو تحسبنه طبيعي لآ .. هو يسأل يبي يطلّع علي انتقادات والحمدلله مالقى علي شي
ويسوي مشكله على اتفه شي .. ويتأمّر كثير .. وانا مابحياتي قلتله لا ..

عصبي جدّا ...

بالنسبه للبسي البس ترنجات حلوة واحيانا جينزات وارتب شعري واضع كحل واتعطر فقط >> طبعا اثناء الشغل
والله يابنات عندي الحمد لله اشكال اكسسوارات بس ماالبسهن ... تدرين ليش ؟
, اذا جيت من دوامي ارتاح شوي وبعد ابدأ بتنظيف البيت واذا خلصت جاء وقت اعداد العشاء طبعا غداء مافيه لان زوجي يشتغل في شركة خاصة ويطلع قبل المغرب بشوي
وابدا اسوي العشاء واذا جاء اكون مجهزه له شاهي والقهوة وفترة المغرب اصير رايحه وراجعه للمطبخ
وعشائه من نوع خاص وفيه شروط
واذا تعشينا وخلصنا ابدأ بتنظيف المطبخ واذا خلصت آخذلي حمام
والبس بجامة واجلس عنده عند التلفزيون

>> هنا وقت رآحتي ..

وهو من بعد مايتعشى , يجلس عند التلفزيون الين مااخلص
والله يابنات اذا طلعت من الحمام تدرون وش اسوي بشعري احط عليه جل او بديل الزيت يعني تجعيد على طول ولبس على السريع
ودي استشور شعري واتفنن بوجهي بس متى ؟ اذا هو بس جالس بالبيت
وتعرفون الاستشوار يبي وقت
وانا اخلص على السريع لانه يجلس ينتظرني
وهو من الرجال البيتوتي ..

راح اقولكن شئ يابنات ويمكن تضحكن علي : موضوع الاكسسوارات متى البسهن ؟ يعني ماعندي وقت للبسهن
وكيف شكلي وانا اطبخ وانظف وانا لابستهن احس انه خطا
أو اشتغل وعليّ فستان وشعري مستشور .. ولمن .. للطبخ ... وبلأخير ابغسله
يعني بس تعب على الفاضي

عندي تنانير وفساتين قصيرة متى البسهن وهذا انا اعطيتكن برنامجي وين الوقت اللي البسهن
وبعد مااجلس عند التلفزيون مانطول وننام
وبكرا نفس الموّال

وش الحل يابنات ؟

احيانا انتقد نفسي اقول ليش انا كذا ؟ مااهتم بنفسي
بس هو مايعطيني فرصه
واذا قصرت بشي من شغل البيت ينتقدن وبعصبيه
يابنات هل انا غلطانه ؟
مع العلم انني قائمة بواجباتي ولله الحمد كاملة بس احس انه مايعجبه العجب كثير النقد علي ويدقق في شغل البيت اما بشكلي مافيه تعليق ساكت ..
وزين مني بعد ..
وانا الحمد لله اهم شي عندي النظافه الشخصيه
لكن شكلي بسيط جدا كحل واخط حواجبي .. وعطر وارتب شعري
يابنات هل سكوت الرجل وراءه شئ ؟

وهذا روتيننا طول الإسبوع وطلعاتنا قليله مررررررررره

ماعليش طولت عليكن وانتظر ردودكن يا اهل الخبره ...

يلزم عليك تسجيل الدخول أولًا لكتابة تعليق.

تسجيل دخول

اميرة عوتو • 13 سنة

هلا حبيبتي ياقلبي عليك انتي لس عروسه عشان كذاا احسك خايفه انك اى شئ تسوينه مايعجب زوجك انتي مشاء الله قلتي انك نظيفه وحريصه على نظافه كل شئ طيب هذا اهم شئ وبالنسبه لنقد زوجك شوفي اهم شئ انك تكوني واثقه من نفسك دامك لسه في بدايه حياتك الزوجيه ولا تبينين له انك زعلتي من نقده دام كل شئ على اكمل وجه وبعدين بالنسبه للبس انتي تقولي عندك فساتين قصيره ولابس دلع خلاص كل يوم اول ماتجي من الدوام البس لبس منهم بدل ماتلبسي بجامه اوجنز مثلا غيري كل يوم مره فستان قصير ومره برمودا ومره جنز وكذا والشئ الثاني انتي تقولي بس احط عطر وكحل طيب ماراح ياخذ من وقتك لو حطيتي بعد قلوس ملمع بنكهه حلوووه انتي عروس وعارفه النكهات الحلوه والمثيره وحطي بلاشر على خدودك خفيف وردي او خوخي والا كسسورات عادي حطي سلاسل ناعم مع حلق بس وشعرك حلو لو تسوين استشوار لو خفيف وتحطين ورده على جنب اواى اكسسوار ع الشعر ومو لازم تستشورينه مره لابعد ماتحطي حمام زيت راح يكون الاستشوار سهل وحطي بديل الزيت او سيروم والله يوفقك ويسعدك يارب

ام المزايين 7 • 13 سنة

بعد ماتاخذي دوش استشوي شعرك وتمكيجي والبسي اكسسواراتك وتنانيرك واتعطري وانتي اتسوين كذا استمتعي فيه وفولي هذا لراحتي مو له علشان ترفعين من معنوياتك

Away the Torment.~ • 13 سنة

احسك عامله مشكله من لاشيء !

مشكلتك عاديه وتصير في اغلب البنات ..

т σ ห α <3 • 13 سنة

-

الحيآة مو كلهآ اكل و بس يختي : $
تجهزي و استشوري و تكشخي قبل يجي
و خلي العشا شبه جاهز بس باقي تشغلين النار
لآ تخلين حيآتكم روتينيه بس اكل و نوم : (

-

* Um_ToTo * • 13 سنة

الله يوفقك و يسعدك بحياتك كنك تتكلمين عني ببداية حياتي :)

بس كنت داااااااااااااايم اغير بشكلي و كل مره افاجأه بشي

تصدقين عقب فتره قال لي.. اني كنت وانا بالطريق اقول هالشيطانه وش مسويه اليوم بنفسها :):)

الله يذكر ذيك الايام بخير و يعيدها بسعاده و افاجأه بحملي هالمره ياااااااااااااااااااارب