السلام عليكم ورحمة الله وبركاته

كيف حاااااااااالكم عساكم طيبيييييين ان شاء الله ,, الله يبارك لكم جميعا في بيوتكم ويجعلها عامرة بذكره

اول سألتكم عن الجبس وساعدتوني والحمد لله اخذت برأيكم وسويته

الآن تقريبا خلاص بيتي خلص تلييس وجبس وكيشاني حمامات ومطابخ الحمدلله

جا دور اختياري للمطبخ وبصراحة وقتها زوجي رجني مرة لاااااااااااازم نختار كيشاني الحمامات والمطابخ

بسرعة بسرعة عشان نقدر ندخل الكهربا ورحت واخترت كدا بس وقلنا بناء عليه نختار المطابخ واحس اني اتورطت

لاني اتقيدت مرة والمفروض كان العكس اول شي اختار او احط ببالي لون المطبخ و على ضوئه اختار السيراميك

المهم وحصل اللي حصل شوفوه واعطوني رايكم



صورته بعد يوم من تركيبه طبعا لسه معدوم ومو نظيف

وحطيت ببالي ان مطبخي يكون استيل كله بس فكرت شوية شفت انه حيطلع كئيب ,, المطبخ استيل والثلاجة

والفرن والميكرويف وكلللله استيل ؟؟؟؟؟؟؟ حتى لو دخلت لون ثاني في الاكسسوارات برضو كئابة ايش رايكم ؟

المهم وشفت امس الوان المطبخ هذا وعجبتني مرة بغض النظر عن التصميم وشفته مرة مناسب للكيشاني

اتخيلوا معاية ,, بس زوجي قال طيب اللون الاخضر مرة مو موجود قلت مو شرط ,, انتوا ايش رايكم





واعطووني اقتراحاتكم في الوان المطبخ ,, وانا عارفه انه اللون البني الخشبي مرررررررررة مناسب وانا مستبعدته

لان المطبخ اللي اسفل بيكون بني خشبي وماابغاهم الـ 2 نفس الشي

هذاااااااا بالنسبة للمطبخ انتهينا

نجي لحمام الرجال الله يكرمكم جوا راح احط كرسيين والمغسلة خارجية

اخترت الكيشاني هذا وشكله مرة فخم وحلووو بس بصراحة الصورة بكاميرا الجوال مرة مرة ظالمته المهم ماعلينا






شوفوا هذا الكرسي تبعه وفي الكرسي التاني بس ماصورته وسؤالي هو على المغسلة بما انها نفس الديكور

هل احطها بشكلها هذا برة عادي ولا استغنى عنها واجيب من هاديك المغاسل اللي بديكور مخشب ومدري ايش ؟

وترى مساحة مكان المغسلة صغير شوفوا كيف



الصورة قديمة قبل التلييس وتركيب السيراميك

ها ايش رايكم ؟؟

وهذا كيشاني غرفة النوم الرئيسية



الصورة ماهي حزام كااااامل لا,, تجي ديكور يعني تحطيها بالشكل اللي تبغيه وانا حطيت صورتين في جدار

وصورتين في الجدار المقابل وهذااااااااا الجدار المقاااااابل هو اللي يجي ورا الباب بس نسيت مرة وبعد التركيب

انتبهت ,, سؤالي هل عادي احط باب قزاز ؟؟ ماادري كيف جات الفكرة على بالي وطبعا نقدر نسوي حركة بالستارة من جوة

بحيث ارخيها وارفعها للخصوصية الزااااااائدة خخخخخخ

لانه بصراحة الديكور مرة حلو وابغاه يبان يعني حتى لو باب الحمام كان مفتوح وهو قزاز حيبان ,, ايش رايكم


مرة معليش طفشتكم بس ساعدووني

وردة لكل وحدة تساعدني وتدلوا بدلوها وبارك الله فيكم وجزاكم الله خير

اذكروا الله وصلوا على الحبيب المصطفى
صراحة اللون الأخضر مو مناسب للكيشاني لأن فيه لون كحلي و أزرق ومرررررة بعيد اللون عن الأخضر وبيصير المطبخ حوسة بالألوان الكثيرة
وبالنسبة للحمامات روووووووووووووووووعة
ما شاء الله ذووووق وفخامة
الله يهنيكي
اللهم صل و سلم وبارك على نبينا محمد عدد ما ذكره الذاكرون و عدد ما غفل عنه الغافلون


الله يعينك على اختيار دولاب المطبخ بصراحه ماعرفت وش يناسب معاه
والحمامات تمام
والبنات راااااح يساعدونك


,,,.ااستغفر الله الذي لاالله الا هو واتوب اليه,,,,
بالنسبه للمطبخ ركبي دواليب عودي محروق احسها فخااااااااااامه
معليييييييييييييش بس مرررررررررررررره موحلو كله تقبلي موري


الساعة الآن 02:35 .