بنات عندي مشكله اتمنى القى الحل عندكم ؟؟

ملتقى الإيمان

السلام عليكم ورحمه الله بركاته ...


بدخل بالموضوع على طووول اتمنى القى الرد عندكم ..


الموضوع متعلق بمرت اخوي .. صار بينها بين اخوي مشكله علشان رحنا عرس وحده من اهلنا .. احد من الناس المؤذيه وصلت خبر لاخوي انه كان بالعرس تصوير مع ما كان في العرس لاتصوير فيديو ولا كاميرا بس الواحد وش يقول بالناس للي ودها تتسبب بمشاكل بين الازواج .. المهم كان داخل عليها غاضب حلف عليها بالطلاق ما تروح اي صالات مرة ثانيه
والحين هو نادم على اللي قاله .. المشكله الحين انه عرس اختها بيكون في صاله عرس اختي بعد في صاله يعني معقوله ما تحضر عرس اختها او حتى اختي ..

يا ليت يا بنات من تعرف مفتي او حتى عندها خبرة بهذا الموضوع لا تبخل علينا بالرد


تذكرت شيء هو قال بالحرف (( عليك بالطلاق بالثلاث ان رحتي عرس صالات مرة ثانيه )):06:
5
610

يلزم عليك تسجيل الدخول أولًا لكتابة تعليق.

تسجيل دخول

رغد الحياة
رغد الحياة
السلام عليكم
الله يهدي اخوك وجميع المسلمين يارب ..
شوفي عزيزتي انا ما افتي بس اللي اعرفه انه مايجوز ثلاث طلقات على طول مرة وحده لازم يفصل بينهم العده ..على كل حال غاليتي بحثت لك في موقع الشيخ بن عثيمين ولقيت لك فتوى لرجل مشابه لموقف اخوك وكان هالرجل غضب على زوجته وطلقها بالثلاث ..

اليك الفتوى


والسلام عليكم
بومزنة
بومزنة
أختي الكريمة لا بد أن يسأل أخوك بنفسه رجلا ثقة من أهل العلم

لا بد من مراجعة العلماء بأنفسكم

فأنتم أعلم بملابسات الموضوع

وماذا قال ولماذا قال وغير ذلك

وأعلم
!! شمووع بلا لهيب !!
اختي رغد الحياة

الله يجزاك خير يالغاليه ما قصرتي ...

ادعيلك من قلبي يا الغاليه بان بيزيل الله همك يفرج عليك كربتك ولا تنسي الادعيه المفرجه

للهم


فانها تريح النفس تشرح القلب ..
(( لا اله الا الله


انت سبحانك اني كنت من الظالمين .. يا حي يا قيوم برحمتك استغيث ..



افرج هم اختي رغد ويسر لها امرها
..))



اللهم أأمين ...







_____________________________________________________



بومزنة


الف شكر لك على ردك .. هو سأل اكثر من شيخ الي يقول يجوز الا يقول لا ما يجوز ..

عشان جذه طرحت الموضوع هنا قلت يمكن القى الرد الشافي ..

على العموم كلك ذووق اخوي ما قصرت ...
مروج الذهب
مروج الذهب
وعليكم السلام ورحمة الله وبركاته

إليكِ أختي هذا الرابط قد يفيدك في البحث عن الفتوى

http://forum.hawaaworld.com/showthread.php?threadid=125077
!! شمووع بلا لهيب !!
هلا فيك اختي مروج الذهب ...


مشكورة يا الغاليه ما قصرتي بصراحه الرابط جدا رائع ..

جزاك الله خير ..:26: :26: