تفضلي حبيبتي


http://forum.hawaaworld.com/showthre...02927&page=112


مندي الدجاج المبسط



نحط في البايركس كوبين من الرز المنقوع ومع ملعقنين زيت وفلفل اخضر حار وبصل مفروم ودارسين وهيل ومسمار وفلفل اسود وكزبرة حب





اضيف كوبين ماي مع الملح واحركهم




اغطيه بالقصدير واسوي فيه فتحات بالسكين واصف فوقه الدجاج المبهر مع مكعبات البطاطا



اغطيه بقصدير ثاني واسكره عدل



ادخله الفرن الحار لمدة ساعة وبعدين اطفي الفرن واخليه مرتاح في الفرن تقريبا ربع ساعة



نطلعه وناخذه عالسفرة

نفتحه ونشل الدجاج من عالقصدير ونحطه فوق الرز












ماشالله لذيييذ
19-02-1432 هـ, 06:31 مساءً
 
19-02-1432 هـ, 06:35 مساءً
 
انا عندي طريقة مندي لحم بسيط جداً جربيه وإن شاء الله تحبونه...

المكونات: لحم على حسب اللي يكفيكم ـ وبصلة كبيرة ــ زيت ـ هيل ـ أعواد قرفه ــ ملح ـ حبة فلفل بارد ـ وحبتين فلفل حار ـ وفنجال مويه مذوب فيه زعفران ـ وجمره

أولاً...
ضعي زيت في قدر الضغط وقطعي البصل جوانح وصبيه عليه وحركيه إلى أن يذبل شوي ثم ضعي اللحم عليه والفلفل البارد والهيل والقرفه والملح وحركيه شوي ثم صبي عليه مويه لحد مايتغطى اللحم بعدين قفلي الضغط واتركيه لحد مايستوي..


وفي هذي الفترة أغسلي الرز ونقعيه في مويه لمدة ربع ساعة أو على حسب ماتبغين
وبعد ماينضج اللحم طلعيه من الضغط وصبي بداله الرز وضبطي الملح وزودي شوية مويه بحيث الرز مايتغطى كثير ويكون واضح وضعي عليه الفلفل الحار
وغطي عليه إلى ان يستوي الرز

وبعد مايستوي أفتحي عليه وصبي عليه موية الزعفران وخذي قصدير وجوفيه وصبي وسطه زيت وحطي الجمرة في وسطها وضعيها فوق الرز وسكري عليه شوي علشان تنتشر الريحة

وخذي شوي من موية الزعفران ووزعيها على اللحم ودخليه في الفرن واشعلي عليه النار العلوية لحد ماينشوي شوي

أتمنى طريقتي تكون واضحة لك ومطرح مايسري يمري إن شاء الله

ولاتنسيني من دعواتك
19-02-1432 هـ, 06:38 مساءً
 
مافيه اسهل من طريقة المندي
انا دايم اسوي ذبيحه بكبرها
اسويلها مساج عباره عن بهارات وملح وكركم واخلطهن مع زبادي
واكون حاطه على صاج الفرن بصل اقطعه نصين او ارباع مع ثوم صحيح ودارسين وهيل ومسمار فقط واحط ماء تقريبا ثلاث اكواب او كوبين لاتكثرين وغطيها بالقصدير وشغلي على الفرن من فوق وتحت واذا بقى نص ساعه على االاستواء فكي القصديره عنها
عشان تتحمر بالكامل بس خليها تتحمر زين
طبعا كلشي حطيه ماعدا الراس والكوارع والكرش لحاله يطبخ
والرز مجهزته بقدر ثاني
وتقدين تسوينه بالفرن الكهرب اذا كانت الكميه قليله بنفس الطريقه
انا مره سويته لي ولزوجي
وبالعافيه
ردي علينا وش سويتي لا تنسين
19-02-1432 هـ, 07:05 مساءً
 
أنا أسويه بطريقة الأخت تولين ، وإن شاء الله أجرب الطرق الباقية .
19-02-1432 هـ, 07:35 مساءً
 


الساعة الآن 03:10 .