السلاام عليكم ورحمة الله وبركاته

عذروني يا بنات مااقدرت اكتب لكم الطرق بسبب انه غير مسموح لي اكثر من 3 مشاااركات واذ تأخرت عليكم تأكدوا من هالشي انقهرت مره اشوف روردوكم ولااقدر ارد
ماشالله << العين حق

نبدي بسم الله بالطرق

.,., كبة المكرونة .,.,

المقادير :
كيس مكرونه كويتي
بصله وحده
ثوم
3 حبات طماطم
كزبرة
بهارات + ملح + ليمون اسود
واذ تبيبها سبايسي ضيفي فلفل
بيضة وحدة
لحم مفروم

الطريقة :
نطحن كيس المكرونه ونبشر كل من البصل والثوم والطماطم ومعهم الكزبرة والبهارات والليمون الاسود نضيفهم جميعها على اللحم والبيضه حتى تعجنيها وتكوريها ((ملاحظة لازم تكون لينه العجينه ))
واذ بقيتي تشحيها باللحم براحتك سوي عصاج عادي وحشيها
والمرق حقتها نفس مرقة الكوسا المحشي
وعوووافي

اللزانيا :
المقادير :
16 حبة لازانيا طوليه تسلق بالماء بصينية مستطيله عالنار مع قليل من الزيت والملح
الحشوة:
3 صدور دجاج فيليه مقطعه مكعبات صغار
3جزر مبشور
2 فلفل بارد مقطع طولي
2فص ثوم
1بصل مقطع صغار
مكعب ماجي
نصف كأس ماء
2 ملعقة زيت او زبدة . ملح
2 حبات طماطم مقطعه صغار
ملعقة صلصه
ملعقه بهارات

............
كأس ونص جبنة موزريلا مبشورة

باشميل متوسط الكثافه :
كاسين ماي +4 ملاعق دقيق+ ملح تخلط عالنار من تثخن

الطريقة :
مثل ماانتم عارفينها تسووون الحشوة اول طبقه تكون لزانيا ومن ثم الحشوه ومن ثم البشاميل وترش بشوي جبن موزريلا وهكذا ويجب ان تكون اخر طبقه لازانيا ومن فوقها باشميل تدخل الفرن لمدة ثلث ساعه.

هني وعافيه


عجة الكوسا

المقادير :
8 حبا موسا
3 ملاعق دقيق
بصله كبيرة مفرومة
3 بيضات
4 ملاعق اكل بقدونس مفروم
فص ثوم مفروم
كمون +ملح+زيت

الطريقة :
*تسلق الكوسا بعد تقشيرها
*تهرس ثم يوضع عليها البصل والثوم والبقدونس
*يوضع عليها البيض المخفوق والكمون والملح والدقيق وتخلط جيدا
*تصب بالملعقه اقرااص في الزيت قليل مره
لذيذه مره جربوها وماتشرب زيت خفيفه كثير
وهني وعاافيه

كبة البطاطس
المقادير :
3 بطاطس مسلوقة ومبشورة
خبزة يابسه
بياض بيضه
بهارات
ملح
بقدونس حسب الرغبه
للحشوه : اختياري واللي بصورة حشوة لحم

الطريقة :
تبشري البطاطاوتضيفي لها الخبز بعد الطحن وتخلطي معها البيض والبهارات والملح << تسوي كل هذا وهي ساخنه حتى ماتتفك

تحشيها وتخليه تبرد شوي بثلاجه بعدين تقلينها بزيت قليل موغزير بس تحمير واذ طلعت تفككت معكم غمسوها بطحين بعدين اقلوها

سلطة المكرونة :
المقادير:
مكرونه حسب الشكل اللي تفضليه
جزر وبطاطس مكعبات ومسلوقة
ذره
بقدونس
الصوص (( زبادي وليمون ومايونيز وملح ))
الطريقة :
تسلق المكرونه وتخلط بباقي المقاديره والصوص

الدونت

المقادير :
3 كاسات دقيق
رشه فانيليا
4 حبات جبن كيري
ملعقة بيكنج بودر
4 بيضات
6 ملاعق حليب بودرة
ملعقة خميرة
كاس ماء

الطريقه :
تعجن وتترك لتتخمر من ثم نقطعها بالقطاعه الخاصه فيها ومن ثم نقطيها بالسفره الورقيه وتترك ربع ساعه ترتاح وتغلي وينثر عليها سكر بودره او صوص كما في الصورة (زبدة +سكر بودرة عالنار )


تشيز كيك
المقاادير :
العجينة :
نص قالب زبدة على حرارة الغرفه
بيضه
ربع ملعقه بيكنج بودر
ثلاث ارباع سكر مقياس الكاس (( كاس الجبن الصغير ))
ملعقتين سكر بني
كاسين الا ربع طحين مقياس الكاس ((كاس الجبن الصغير ويكون اخر شيء وتدريجيا ))
نص ملعقه شاي نشا
الكريمة :
نص كاس سكر بودره ناعم
علبه قشطه بوك
علبة لبنه بينار
10 مكعبات جبن كيري
فانيلا
4 بيضات
اخلطهم بخلاط العصير
الطريقه :
نجهز الكريمه ونفس اللي كتبتها لكم عشان تبرد بعدين نجهر العجينه وتكون العجينيه لينه مثل اللبنه وترصيها بطابق وتمسحين ايدك بالنشا اثناء التمديد وتحطي فوقها الكريمة وتدخلينها الفرن من تحت لمدة ثلث ساعه بس انتي خلك على طول جنبها لان تتحمر بسرعه لمن تشوفين الكريمة تماسكت طلعيها وخليها تبرد وحطي فوقها المربى وبس








حلى الشيؤؤؤخ او حلى الشريطة

المقادير :
اولا المقادير:


(1)
1/ سمبوسه سويتز
علبه جبن كيري ( للحشو)
3/ ملاعق دقيق ويخلط معه مويه ( عجينه تقفيل السمبوسه)



:::::::::




(2)


3/ ملاعق قرفه مطحونه
4/ ملاعق سكر مطحون
2/ ملعقه كاكاو بودره
1/ ملعقه صغيره نسكافيه




:::::::::




(3)
1/ علبه حليب نستله
3/ حبات جبن كيري





::::::::







(4)
شوكلاته هيرشي << للزينه فقط لا غير
وقليل من النسكافييييه << بعد للزينه فقط لا غير





::::::::



الطريقه :
شفتوا اللي مكتوب عليه رقم واحد

جيبوها




جيبوا سمبوسه وحده واقسموها نصين بالعرض

وادهنوها بقطعه صغيره كيري لا تكثرين من الكيري ترى مايصير حلو وبعدين اصفطوا بدايتها صفطه صغيره وحطوا فوق

الصفطه شوي من عجينه الدقيق

عشان تمسكها ما تنفتح وبعيد اصفطوا الباقي عليها






بعد ما تخلصين عزيزتي من لف السمبوسه سيتكسر ظهرك وستقعدين ساعه قد تحتاجين من يهمز ظهرك


بعد التهميز انقزي اقلي السمبوسه انتبهي لا تحرقينها خليها شقرااا انتبهي شقراااا موب عبدااااا


ـــــــــــــــ ـــــــــــــــ ـــــــــــــــ ـــــــــــــــ ـ
ـــــــــــــــ ـــــــــــــــ ـــــــــــــــ ـــــــــــــــ ـ




بعدين امسكي الخلطه رقم ثنين في زبديه

واخلطيها مع بعض وتوصي بالخلط



بعدين جيبي السمبوسات وغططيها في هالخلطه



بعدين هاتوا الصينيه اللي تنفتح مع تحت وصفوا السمبوسات



بعدين صفي الباقي بالصينيه

وبعدين كملي صف اللي بالوسط للاخر


اللحين وصلنا لرقم ثلاثه

حطي النستله و الكيري في الخلاط لين تطلع روحه << قلبي وجهكـ

بعدين صبيها فوق السمبوسات اللي صفيتيها في الصينيه



بعدين حطيها في الفرن ولا تخلينا تطول بس تتماسك

الفرن شبيه بس من فوق


بعد ما تطلع من الفرن حطيها في الفريزر ربع ساعه ولا تخلين المسكينه تموت من البرد بالفريزر


بعدين خططي عليها بالهيرشي ورشي القليل من النسكافيه


ولا تنسين تشيلين الحديده حقت الصينيه



هذي الطريقه بالضبط مأخذته من وحده ونفس اللي سوتها خالتي
واي سؤال انا حاظرة وانتظروا جديدها ان شالله راح اقطي لكم الحدث اول بأول وبنزل لكم الدونت بجميع خطواتها وبصوورة بكره ان شالله بس يليت تعطوني مركز تحميل كويس
في امان الله

الف شكرررر



اللهم نسألك حسن الخاتمه وذكر الشهاده عند الموت
مشكوووووووره
مشكوره بس
حلا الشيوخ مافهمت لفه السمبوسه
ممكن تشرحيلي؟
تبغين علب هدايا او اكسسوارات لتجهيز عرايس او توزيعات المواليد ادخلي لاتترددين

DSC00388


S7301993



للطلب.... ارسال رساله ع الخاص
لمشاهدة الموضوع
اقتباس مشاركة  (أنتكات بناااات)
مشكوره بس
حلا الشيوخ مافهمت لفه السمبوسه
ممكن تشرحيلي؟
حبيبتي نفس اصابع الست
يعني تاخذين المسبوسه وتقصينها من النص بعدين تحطين لها جبنة وتلفينها عادي خالتي سوت كذا بس هذي البنت الله يجزيها خير سوتها نفس المخدات
اتمنى فهمتي عليي؟


الساعة الآن 05:18 .