السلام عليكم ورحمة الله وبركاته ...
أنا عندي ولد عمره 6 سنوات وبنتي عمرها 5 سنوات جبتهم ورى بعض .. مابينهم غير 11 شهر ..
وأحس إني ظلمت ولدي لما جبت البنت لأنها كانت بالغلط
وأحس أنو صار ضحيه أهملته .. ولا إهتميت فيه وحسيت إنه كبير يوم جبت البنت وهو لسا ماكمل سنه ..
المشكله .. تغيرت معاملتي معاه 180 درجه .. ماصرت أحبه مثل أول .. وأنواع الإهمال والضرب وقلة الإهتمام فيه لدرجة أنه صار نحيف من بعد ماكان ماشاء الله الكل ينهبل على شكله من سمنته .. دبدوب وحلو ماشاء الله
وصار كل إهتمامي في أخته وبس والحب لها وكل شيء لها بالعربي صار فيه تفرقه عيني عينك ....
ولاتحسبون إني مبسوطه على إللي صاير بالعكس يعورني قلبي كل يوم عليه .. ليييييين كبروا وصارت الحين أعمارهم الولد 6 سنوات والبنت 5 سنوات ..
المشكله إللي أكبر من كذا (( إني الحين ماأعامل الولد والبنت إلا بقسوه ولا أبغاهم يتكلمون كثير وأبيهم عند الناس مؤدبين وكل شيء ))
وأحس إني أتنرفز عليهم على أي شيء وأتفه سبب ..
وكل شوي ضرب على الطالعه والنازله .. وماصرت أحبهم مثل أول ,,, وكل يوم أقول بتغير هذولي عيالي حرام علي
وين الأم المثاليه ووين إللي تبي عيالي ..
أخاف عليهم من الهواء الطاير .....
بس مشكلتي قلة إهتمامي فيهم ومعاملتي السيئه معهم
حتي إن بنتي تقولي (( ياماما ليه ماتصيرين مثل هذيك الأم ماتضرب عيالها ولاشيء .. إنتي تضربينا دايم ))
ومره جلست معاهم جلسة مصارحه وقلت لهم
(( والله أنا أحبكم وأخاف عليكم .. وإذا ضربتكم أحبكم عشان ماأبغى تصيرون أشقياء أو الناس مايحبونكم أبيكم مؤدبين ))
بعد كذا حضنتهم وبوستهم بعدين بنتي قامت تصيح وسألتها وش فيك .. ايش تتوقعون قالت لي ؟؟؟؟؟؟؟؟
قالت لي : هذا كلام حلووو ياماما .. قلتها عشان كذا تصيحين قالت اييه كل يوم قولي لنا كذا ...
قلبي تقطع ألفين قطعه لما قالت لي هذا الكلام ..
بس أحس أنه من بكره رجعت مثل ماأنا لاتغيرت ولاشيء
والمصيبه إني إلا الان ماأحرص على ولدي الكبير ولا أهتم إلا ماندر يعني مو دايماً
أكثر واحد ينضرب هو ,, وهو الله يهديه جداً شقي وكل شيء يخطر على بالك يسويه عشان كذا ينضرب ..
مشكلتي أضرب على اي سبب :44:
وضميري يأنبني دايماً وقبل ماأنام أقول بكره بتغير
ماأبي أموت وعيالي يقولون الحمدلله أرتحنا منها ..
والله أكتب لكم والعبره تخنقني .....
ساااااااااااااااااااعدوني أبي أتغير .. أبي أرجع احبهم من جديد ....
حتى زوجي أقوله أنا مو أم مثاليه أنا ليه كذا!!! ويهونها علي يقولي بالعكس إنتي أم مثاليه وإنتي ماشاء الله عليك ..
بس للأسف أنا أشوف العكس ..........
ساااااااااااااااااااااااااعدوني أبي أتغير من جد
أبي أكون الأم المثاليه إللي تحب عيالها وتخاف عليهم ...
ورجاءً ماأبي إللي ترد علي تجرحني يكفي إللي فيني :44:
يلزم عليك تسجيل الدخول أولًا لكتابة تعليق.
تسلمون ياقلبي ماقصرتوا بإذن الله .. والحمدلله مو دايماً أسمع أغاني ولا حريصه عليها أصلاً ...
والإستغفار الحمدلله أستغفر بس مو دايماً .. وأن شاء الله راح أحاول أمسك نفسي ... لأني تعبت من جد خلااااص ماعاد فيني أتحمل طريقتي معاهم ...
شكرااااااااااً
والإستغفار الحمدلله أستغفر بس مو دايماً .. وأن شاء الله راح أحاول أمسك نفسي ... لأني تعبت من جد خلااااص ماعاد فيني أتحمل طريقتي معاهم ...
شكرااااااااااً
بليز يابناااااااااااااااااات .....
أبي حلول !!!! أبي تقولون لي طرق مفيده وترجع حبي لعيالي ,,,
أبي حلول !!!! أبي تقولون لي طرق مفيده وترجع حبي لعيالي ,,,
ام تويني
•
والله انا ما اقدر اقولك غير الزمي الاستغفار وقيام الليل واتركي الاغاني نهائي وخلي القران دائما مشغل في البيت وعليك بالدعاء
وشي حبيت انبهك عليه حبيبتي انتي تقولي ((وأحس إني ظلمت ولدي لما جبت البنت لأنها كانت بالغلط))
استغفري حبيبتي مايجوز تقولي هذا الكلام لان مافيه شي يكتبه الله بالغلط هذا قدر الله عليك فلا تعترضي وتفتحي باب للشيطان عليك
وشي حبيت انبهك عليه حبيبتي انتي تقولي ((وأحس إني ظلمت ولدي لما جبت البنت لأنها كانت بالغلط))
استغفري حبيبتي مايجوز تقولي هذا الكلام لان مافيه شي يكتبه الله بالغلط هذا قدر الله عليك فلا تعترضي وتفتحي باب للشيطان عليك
الصفحة الأخيرة
انا كنت مثلك صبري قليييل واعصب على بنوتتي لأتفه الاسباب
بس وربي الحين الحمد لله تغيرت كثييير وصرت احس ان بآلي طويل واتحملها اكثر
تبين نصيحتي ؟؟
الاستغفاااار .. وربي انه شي عجيييييب
وكمان ادعي بكل سجووود .. (( رب اشرح لي صدري ويسر لي امري ))
وكمان (( ربنا هب لنا من ازواجنا و ذرياتنا قرة اعين واجعلنا للمتقين اماما ))
واذا تسمعين اغاني اتركيهااا تراها اكبر سبب لضيق الصدر والعصبيه
اممممم .. كمان حاولي تشوفين اي شي تسوينه تحسين انه في معصية او ذنب اتركيه
عشان ربي يرزقك سعة الصدر وطولة البال
مووووفقه عيوني