السلام عليكم ورحمة الله وبركاته

كيفكم يا بنات حواء ..

راح يجون رجال هاليومين الجايات لكن متى مدري يمكن الخميس ..

ونبي نتجمل قدامهم

هو فيه ذبايح وكذا لكن مدري شنقدم لهم مع القهوه والشاهي

يعني تعرفون الرجال مو مثل الحريم أبي حلى يناسب الرجاجيل ويجمل

وبعد شنقدم مع العشاء

افكر ورق عنب وسمبوسة أنتم شرايكم ؟

وبرضوا وش اقدم بعد العشاء

بارد ولا فواكه ولا حلى مدري صراحه ؟

اخوي يقول سوي لنا إبريق شاهي نعناع والسلام ههههههههههه بس انا ابي شئ ثاني

تكفون اللي بتعطيني اطباق تضيف معها روابط .. والله محتاجتكم والله
25-02-1432 هـ, 04:55 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
رابط ألي في توقيع فيه انواع حلويات ان شاء الله تعجبج
25-02-1432 هـ, 05:09 مساءً
 
اختي الرجال مايهون الحلويات ول المعجنات

بما انها عشاء وذبيحه فما يصلح تحطين تقديم مع قهوة والشاي

مع القهوة جيبي تمر وحشيه لوز وخلطة الطحينه او اي شي ببالك وفيه بشكل حلو بصينيه كبيرة

يعني زي التمريات اللي عند تمور الصاحيه نوعين تمر شي بفستق او لوز او سمسم محمص

بيصير شي حلو ويواجه ويحبونه الرجال

اما الشاهي خليه ببيالات كبيرة بدون اباريق لانهم بيقومون عالعشاء

بعد العشاء نعناع واخضر والسلام

...

الرجال ياحليلهم مايزمل لهم موتك الحريم ...
25-02-1432 هـ, 05:18 مساءً
 
^^^
العبارة الأخيره يابريق جت ع الجرح هههههههههههههههههه


من رايي ماتقدمون شي مع الذبايح
حطي بس تورته كبيره للي يبي يحلي بعد العشاء
وكريم كراميل لأن بعض الشيبان مايحبون غيرها >> مهيب تقصد ربعها ههههههه
وخليها بقوالب مو الكامله عشان مايحتاسون في التقطيع
وتوصي بالسلطة حطي عادية ونوع أو نوعين من السلطات اللي فوقها صوص زبادي وطقته
>> شلت همك كني أنا العازمه ^^
25-02-1432 هـ, 06:00 مساءً
 
اقتباس مشاركة  (رايه الورديه)
رابط ألي في توقيع فيه انواع حلويات ان شاء الله تعجبج
كيف ما اعجبتني وربي جنان

انتي فاهمتني الرجال يبون حلى مرتب كل قطعه لحالها بدل تقطيع وملاعق وحوسة .. هذا عند الحريم

بشوف اللي يناسبني وبختاره .. صراحه فكيتي أزمة

ربي يوفقك ويسعدك إن شاء الله ...
26-02-1432 هـ, 12:40 صباحاً
 


الساعة الآن 08:34 .