اقتباس مشاركة  (بريق&)
اختي الرجال مايهون الحلويات ول المعجنات

بما انها عشاء وذبيحه فما يصلح تحطين تقديم مع قهوة والشاي

مع القهوة جيبي تمر وحشيه لوز وخلطة الطحينه او اي شي ببالك وفيه بشكل حلو بصينيه كبيرة

يعني زي التمريات اللي عند تمور الصاحيه نوعين تمر شي بفستق او لوز او سمسم محمص

بيصير شي حلو ويواجه ويحبونه الرجال

اما الشاهي خليه ببيالات كبيرة بدون اباريق لانهم بيقومون عالعشاء

بعد العشاء نعناع واخضر والسلام

...

الرجال ياحليلهم مايزمل لهم موتك الحريم ...
ايوه انا بحط تمر عادي سكري >> قصيمية

وبحط تمرية انا اسويها وما تاخذ ولا ربع ساعه طعمها جناااااااااااااان ويحبونها الشيبان هههههههههه

وبضيف صنف حلى بس أنا أشوف كذا

لكن صعبة نصب الشاي ببيالات .. كان يقطعوني اخواني وابوي .. لزوم بالابريق

والله إنك صادقة الحريم هم الهم لكن ما ندري يمكن بعدها يجون الحريم على حسب

الله يعافيك ما قصرتي يا قليبي ...
26-02-1432 هـ, 12:49 صباحاً
 
اقتباس مشاركة  (لازلت أذكرهم)
^^^
العبارة الأخيره يابريق جت ع الجرح هههههههههههههههههه


من رايي ماتقدمون شي مع الذبايح
حطي بس تورته كبيره للي يبي يحلي بعد العشاء
وكريم كراميل لأن بعض الشيبان مايحبون غيرها >> مهيب تقصد ربعها ههههههه
وخليها بقوالب مو الكامله عشان مايحتاسون في التقطيع
وتوصي بالسلطة حطي عادية ونوع أو نوعين من السلطات اللي فوقها صوص زبادي وطقته
>> شلت همك كني أنا العازمه ^^

هههههههههههه عاد تصدقين ودي اتسلى واقضي على وقت الفراغ اللي عندي
وبسوي نوع واحد سلطة .. وبسوي ورق عنب

لو ما اسويه من بيفكني من مدمني ورق العنب كان تصير سالفه هههههههههههه

بس التورته حوسه وما راح اتغطي .. انا ابي حلى عشاء اللي بزبديات عرفتي هذا مرتب ويجمل

الله يوفقك ويسعدك ويشفيلك امك واخوك وتفرحين بعافيتهم وكل مريض يا حي يا قيوم

بنات انتظر ردودكم من عندها حلى عشاء مرتب تفيدني ياريت ..
26-02-1432 هـ, 01:08 صباحاً
 
حطي الفواكه والحلى على السفره وبعد الشاء قدمي شاي يكفي هذا هو روتين الرجال وخاصه بعد العشاء
26-02-1432 هـ, 01:58 صباحاً
 
اقتباس مشاركة  (أميرة الندى)
حطي الفواكه والحلى على السفره وبعد الشاء قدمي شاي يكفي هذا هو روتين الرجال وخاصه بعد العشاء

يعني شورك أحط فواكه وحلى اوكي

اشوف اخوي يقول شاي نعناع هههههههههههه احنا متعودين كذا بس قلت بسوي شئ جديد وما ودي شئ يفشل ثم ينقدون الرجاجيل

الله يرفع قدرك دنيا وآخرة قولي آمين
26-02-1432 هـ, 04:33 مساءً
 
والله الرجال ما يبيلهم تعب لان ما يحبون اكثر الشغلات مثل الحريم

اقترح تقتصرين على الفواكه مع العشاء وبس
26-02-1432 هـ, 04:40 مساءً
 


الساعة الآن 02:03 .