هذا والله موقف حصل مع وحدة من قريباتي
حبيت أذكره هنا للبنات عساهم ياخذون العبرة
بنت في يوم ملكتها نفس يوم العقد حجزت مصورة فلبينية
المهم الزوج ما شافها إلا يوم النظرة الشرعية طبعا
ويوم الملكة العصر جاء الشيخ وكتبوا العقد وبعدها أخوانها قالوا له تفضل عند العروس
المشكلة إن المصورة كانت مرة مستعجلة لأنها مواعدة واحدة ثانية
وبس دخل العريس ومازال واقف توه يسلم ويبارك
والعروس الله لا يوريكم لابسة فستان مفتوح لوسط الظهر
وما فيه شال ولا شيء
المهم المصورة على طول قالت يالله يالله تصوير
الزوج تفاجأ واستغرب
المهم المصورة طلبت منهم حركات مالها داعي
والله كان العريس محرج أكثر من العروس ومصدوم
وصورت حوالي 10 صور حركات في حركات
بعدين قالت المصورة الحين تصوير تقطيع الكيكة
وبدأت توجههم وقطعوا الكيكة وأكلوا بعض وشربوا بعض العصير
وبعدين شالت المصورة أغراضها وطلعت
العريس ما قال ولا كلمة واستأذن وطلع
وبعد الزواج عاتب زوجته عتاب شديد
والله العظيم يابنات إنها حكتني بنفسها إنها تمنت انها ماصورت ولا صورة
وإن هذي الصور سبب تعاستها الحين
وانها تكره تشوفها
تقول انه قال لها
حسيتك جريئة وقليلة أدب
وقال كسرتي شوقي لك
وقال استغرب ليش انتي قاعدة تضحكين في الصور عسى ماشر
وتقول لما سألته ليه طلعت بسرعة بعد التصوير
قال خلصت تصوير المشهد ليه أجلس
ومو بس كذا
صار شاك فيها ويقول ما كنت مستوعب جرأتك كأنك فاهمة الشغلة صح
وكان منتقد حتى فستانها ليه عاري كذا !!!!
والله يا بنات هذي الحقيقة
اركدوا واستحوا ولا تثيرون شك الأزواج بتفاهات وتقليد سخيف
وعشان الوحدة تفرج صديقاتها تخسر حياتها
وإذا لازم تصوير تتنظر شوي حتى تبدأ تاخذ عليه بعدين تسوي حفلة بسيطة بس له وتصور
مو من أول يوم ولا من أول ساعة
والمصورات ما عندهم حدود يطلبون حركات بايخة
والسعيد من وعظ بغيره
أمــــ💗ــــل @amaa_aal4
عضوة جديدة
يلزم عليك تسجيل الدخول أولًا لكتابة تعليق.
لا يمكنك مشاهدة هذا التعليق لانتهاكه شروط الاستخدام.
معك حق بس في بنات هذي رغبتهم
وهم اللي راح يدفعون الثمن
والرجال ما اظنه راح يقول لا
وهم اللي راح يدفعون الثمن
والرجال ما اظنه راح يقول لا
مافيها شي زوجها وحلالها ايش عريان ومو عريان هو الوحيد في هالعالم يحقله يشوف كل شي فيها زوجها وبرضه التصوير من حقها في ليله ملكتها انها تتصور في أحد يفوت هالمناسبة الحلوة سبحان الله والله كأنها مسويه جريمة شرف
الصفحة الأخيرة
الله يصلحه لها