الله يجزاكم خير ويوفقكم
بصراحه شجعتوني
بس ما فهمت قصدك اختي ( مجالها بيكون اكثر بالبيوت امابالنت صعبه)


26-02-1432 هـ, 07:37 مساءً
 
كيف ابدا علموني هل اشترك في vip ؟
او احط لي متجر ؟
او ارسل ايميلات بس؟
ساعـــــــــــــــــــــــــــــــــــــــــــــــــــدوني
26-02-1432 هـ, 07:40 مساءً
 
شوفي انا تاجرة بهار


اذا لك نفس حلو فيها توكلي على الله واشتغلي فيها عليها اقبال حلوو صحيح السوق فيه انواع بهار بس دائما الوحده تبي تتميز بنكهه خاصه فيها خير نكهة السوق


في البدايه لا تحطي كميه كبيره لا جهزي كميه بسيطه وشوفي الاراء وردة فعل الناس وبعدها توكلي على الله وابدئي بشكل صحيح


بقولك طريقتي اول ما بديت في عالم حواء في تسويق البهار مثل ما قالو البنات يشترون من السوق اسرع

اللي سويته اول ما بديت خليته مغلف بعشره ريال فقط لا غير

وفتحت المجال للجميع يرسلون اسمائهم وارقامهم ومدينتهم فقط لا غير

وانا ارسلت لكل عنوان يجيني مغلف واحد يجربونه وكتبت شرط جربيه واذا اعجبك حولي قيمته كلها 10 ريال واذا ما اعجبك رجعيه وتكاليف الشحن علي في الاعاده كمان واللي تجرب البهار ترد بالموضوع عن تجربتها سواء سلبيه او ايجابيه


والحمدلله يارب يمكن كثير قالو كيف تجرائتي بهالخطوه خصوصا انك ما تضمنين انهم يحولون المبلغ


والله ثم والله شحنت طلبيات كثيره تجاوزت 40 طلب على اقل تقدير يمكن اللي تخلف منهم 3 ما سددوو مع اني حطيت في بالي النصف بالضبط ما حيسدد لاني حتى انا متخوفه من عالم النت والحمدلله يارب


كسبت ثقت الزباين وانا كمان وثقت بزبائن الانترنت وصرت ادافع عنهم وبقوووه بعد


فتوكلي على الله حبيبتي واستعيني بالله بالشكر والمغفره وان شاء الله رب العالمين بيوفقك

وبعد تجربتي صارت العالم تطلب كميات وترفض كمية المغلف ابو عشره

وفعلا صرت اعمل التعبئه على كميات والان محتمل الغي ابو عشره لانه ما عاد عليه اقبال الكل بيطلب يا 25 او 50 او 150

ومحتمل الغي 50 واكتفي بــ 25 و 150 على اساس اللي تبي 50 اعطيها مغلفين ابو 25 ريال

وادخلي موضوعي بالتوقيع وشوفي ردة فعل الزباين غير طلبات اللي خارج النت لدرجه بعضهم ينتظرون متى يواجهوني عشان يطلبون مني


والله يكتب لك اللي فيه الخير ياب
28-02-1432 هـ, 03:28 صباحاً
 
مشروع حلو والله يوفقك
28-02-1432 هـ, 09:23 صباحاً
 
الله يوفقك
28-02-1432 هـ, 02:23 مساءً
 


الساعة الآن 07:49 .