اذا فيه احد عاقل يجي يعقلني لاني بموت من ضيقت الصدر (زوجي بيسافر ) :(

Sarahhh

استهدي بالله .. على قولتج هو كل سنه يسافر بلعون ما ربحتي صحتك اذا كل مره راح تعيشين بهم وغم لحد ما يجي ..

شوفي اختي الرجال لو بيلعب ما راح ينتظر بلد معين او سفره معينه ويلعب فيها او يخبص فيها في المراقص

وغيرهااا (عافانا الله منها ).. بالعكس انتي تدعين له بتوفيق وبانه يعود لكم سالم .. وتتصلين فيه كل يوم تطمئنين

عليه حتى ولو رنه وحده .. ودائما ادعي انه الله يعصمه من الحرام ولا يغير عليكم في بعض .. والتفتي لعمرك في

الشهرمن ناحية النيو لوك الجديد له علشان يتفاجأ بك ويفرح بنعمة الله عليه بانك زوجته ..

الله يوسع صدرك بالايمان والاطمئنان .

الله يعينك حبيبتي والله مقدره مشاعرك وامك يمكن يكون معها حق عشان خايفه عليك وتعرفين قلب الام خصوصا مع الكلام اللي نسمعه عن مثل ها الشغلات 0
وانتي لما تودعينه قوليله كلام يحسسه انك راح تشتاقيله وانك ما بتنبسطين الا لما تشوفيه وعاهديه وخليه يعاهدك على الوفاء والاخلاص وعطيه مصحف وحلفيه يقراه كل ليله قبل ينام وانتي كلميه كل يوم لما يسافر وذكريه يحافظ على الصلاه وقراءة القران وقوليله كلام حلو خليه دايم يفكر فيك وحطيله في الشنطه حاجه يتذكرك بها مثل عطرك اللي يحب او صورتك 0


واخيرا ارجو من الله انه يروح ويرجع سالم غانم ويسخره ربي لك ويسعدكم ويبعد عنكم بنات الحرام 0


والله الله في الدعاء في الثلث الاخير من الليل بان يحفظ لك زوجك 0

الله يهديك حبيبتي
شوفي مصلحتك ومصلحت زوجك
زوجك يبي يسافر لشغل ويبي يتعب من علشانه ؟
علشانك انتي وبنتك ويأمن لكم كل الي تبونه

أختي الغاليه والحبيبه
توكلي على الله واذا راح قولي يارب اودعتك زوجي امانه عندك فاحفظه ويسر أمره
وارجعه لنا سالما غانما ..

زي ماقلت لك توكلي على الله حق التوكل وادعي له .
وكلام امك الله يهديها لاتفكرين فيه وحاولي اذا جات سيرة سفره
انك تغلقين الموضوع بهدوء وبسرعه قبل مايتغمقون فيه ..

اختي العزيزه
زوجك عطاك فلوس ماشاء الله تبارك الرحمن المفروض تبكين من فرط حبك ورحمتك فيه
علشانه انه حاس فيك ويبي يعوضك عن روحته ..

لاتهتمين كلها شهر أو شهرين وهو جاي والدنيا تمشي بسرعه
وتكونين ولهانه عليه وهو ولهان لك ولبنتك ..

لا حبيبيتي لاتضيقين صدره وكوني باأحسن حال واذا راح بالسلامه
جهزي له هديه وحطي معاه كتاب ألأذكار وخليه يداوم على قرائتهن
واكتبي له رسالة حب انك ماراح تنسينه وراح تشتاقين له ومن هالكلام
وبوسيه وادعي له اذا مشى ..

الله يحفضه لك ولبنتك ويحفضكم له
والله ييسر أمره ويسهل دربه ويحميه من كل شر من فوقه وتحته وعن يمينه وشماله

اله يهديج بس
الي هذا كلامه ماينخاف منه ولا عليه
أذكري الله وأدعي له أن الله يوفقه
ويصده عن غيرج ويسخره لج
والسفر للعمل لابد منه
ولاتخربين علاقتج بزوجج بوساوس مالها داعي
قولي لاأله ألا الله

الله يهديك زوجك مو صغير تخافين عليه من ربعه او من كلامهم اللي راح يسمعه
وانتي ماعليك ألا انك تدقين عليه كل ليله اذا سافر وتقولين له كلمه حلوه او على الأقل مسج تذكرينه فيج
وعاد البنات ماقصروا ماشالله حاطين مواضيع حلوه للي ازواجهم بيسافرون علشان يتذكرونهم في كل ليله
ولا تفتحين عيون زوجك على شيء وهو يمكن مو طاري على باله هالاشياء اللي ذكرتيها وهم ذكريه بصلاته
والرجال مو سوى يعني اللي يبي الحرام بيسويه حتى لو انه بديرته واتركي هالوساوس عنك وخلي هالعشرة ايام
حلوه بطريقتك علشان ماينساها ويشتاقلك اكثر ..
واتمنى افدتك..