السلام عليكم ورحمة الله وبركاته
شخباركم بنات انا اول مره اكتب بهالركن وصراحه انا ماحبيت اكتب الا وانا متاكده وعن تجربه وملاحظه باللي صار وياي اول شي راح اوضح لكم واقول لكم شنو كان فيني وصار فيه تغيير
1-كنت اعاني من حبوب بسيقاني وفخوذي واماكن منتشره بجسمي
2- كنت اعاني من سواد في الرقبه والركب وعلى فكره انا بيضه بس اتظايق لا شفت الركب والرقبه شوي سواد مو واجد لانه واظح يبين فيظيق خلقي :(
3- جسمي شوي جاف
4-اعاني من سواد بالمنطقه الحساسه وكيفية ازالة الشعر
اول شي انا راح اقول لكم اللي سويته وطبعا كله بفضل من الله وخواتي البنات اللي بالمنتدى انا مادري منو قال هالوصفه ولا هالوصفه يعني خذيت افكار وسويت جدول لروحي وقمت اطبقه والحمدلله والله ما اجذب عليكم يا بنات ما اقول لكم انتي تغيرت وايد ومادري شنو بس انا حسيت بالرضا عن روحي وبراحه نفسيه وانشالله تستفيدون
اول راح اقول لكم السالفه<< مطوله الاخت:30:
بعد ما خلصت من الدوره قلت لازم شوي اتفرغ لروحي كله كاشته بالريل ولاهيه بالدراسه لازم شوي اهتم بروحي اكثر :32:
انا رحت بادي شوب وشريت الليفه الناعمه اللي لها الوان اللي حق البدي لوشن وشريت منها ايضا سنفرة على ملح اسمها سكراب مادري شنو بس عن جد روعه وخذيت ويا السنفره هذا القفاز خذيت لونه ابيض عشان اشوف اللي يطلع من جسمي
اليكم الجدول
اولا
واقعد احف جسمي بالحلاوه اللي اهي الشيره وانا استخدم شيرة شهرزاد بالجمعيه وروعه شويه عليها واخذ قطعه قطعه صغيره للمنطقه الحساسه ولازم تكون المنطقه ناشفه عشان ما تتلصق وراح تحسين بنعووومه وبفرق عن النير ولا الموس
بعدين اغسل شعري واحط حمام كريم بالثوم اسمه رويال بالجمعيات ممكن تلقينه المهم اربط شعري واقعد تحت الدش الدافي وبعدين اوخر والبس القفاز واحط السنفره اللي على ملح واقعد افرك رقبتي حيييييل وجسمي كله وبين فخوذي من داخل ديري بالج لا تعورني روحج
عقب ما تتفركين تحطين بدي لوشن وتغسلين شعرج من الكريم بماء وتطلعين
وبالنسبه للمنطقه الحساسه اخذ زيت زيتون ويا ملح مقدار ملعقه كبيره ملح وملعقتين زيت زيتون احطهم فوق النصف ليمونه وافركها صول السواد بالمنطقه الحساسه من بره بس هذا تسوينها بعد ماتشيلين الحلاوه تحملي شوي بتحسين بألم بس بعدين النتايج حلوه بتصير واستخدمها ايضا للركب والرقبه ساعات
الحين اول ماتطلعين نشفي راسج واربطي وحطي مزيل العرق بعدين حطي اي كريم عندج اي بدي لوشن على نكهات او كريم عادي وراه اخذي بيدج من بيبي جونسون وزعيه على جسمج بشكل متساوي والقليل مو وايد وحطي على ريلج والبس دلاغات وبعدين تبخري او رشي عطر من بعيد على روحج
وككري هالسوالف بالاسبوع على الاقل مرتييييييييييييييين يعني مرتين تسوين هالسوالف كلهم انا اذا مالي خلق تسبحت عادي بس لازم اسوي سنفره مرتين بالاسبوع وورا كل دوره احط المسك وهذي طريقة اختي مشاعل السعوديه الله يعطيها العاااااافيه اليكم الرابطه
هنااا الرابطه
واسفه على الاطاله بس والله حبيت اشرح لكم كل اللي صار وياي والله يا بنات احس مرتاحه وماكو سواد ولا الحبوب خفت بس ما اقول انها انعدمت وراحت لا والله شاهد انه اكو بس بشكل بسيط جدا واخف من اول بنسبته اكثر من 70% والسواد خف الحمدلله وصدقوني حبيت افيدكم واي سؤال انا موجوده
الحين المختصر المفيد المشكله رقم واحد فوق اللي حبوب عالجتها بالسنفره لمده يومين بالاسبوع على الاققققققققققققققل
لسواد المنطقه اسوي سنفره بالزيت زيتون والملح والليمون لمده عشر دقايق وايضا سنفره الجسم الملح مالت بادي شوب اخليها من بره من فخوذي من داخل
مشكله الجسمم الناشف حليتها بالكريم ورا الحمام وراه على طول الاويل مال الاطفال من جونسون على البابونج او اي نوع توزعينه على جسمج بكل مكان حتا بين فخوذج والمنطقه الحساسه من بره طبعا
وذكرت شلون السواد خف بالمنطقه الحساه بواسطة سنفرة الجسم مالت بودي شوب والسنفره اللي انا اسويها بالملح والزيت زيتون والليمون وافضل طريقة لازاله الشعر بالمنطقه انج تشيلين بحلاوه وراح يطلع الشعر ناعم وخفيف وبعد فتره يعني سبوع او اكثر
وانا اسفه جدااا على الاطاله بس بقول لكم كل شي والله يا بنات :06:
بنات شوفوا شلون تغيرت 360 وحسيت براحه تامه ورضا عن روحي والله على ما اقول شهيد
34
11K
يلزم عليك تسجيل الدخول أولًا لكتابة تعليق.
dreem2
•
اللـــــــــــــــــــــــــــــــــــــــــه يعطيك العافيه قد ماتمشي الدجــــــــــــــــــــــــاجه حــــــــــــــــــــــــــــافيه.............ع الموضوع...............
:24: :24: :24: :24: :24: :24: الة يعطيك العافية بس حبيبتي انا بطلت اشيل بالحلاوة لانها زادتني سواد حاليا اشيل بالمكينة (حلق) فهل تنفع معها الوصفة
الصفحة الأخيرة
ونصير حلوين وناعمين مثلك:27: :27: :27:
:26: :26: :26: