تجربتي الخاصة في القضاء على حب الشباب!!

السلام عليكم ورحمة الله..

عساكم مكيفين وانتوا تتصفحون عالمنا الخاص وتسرحون بأرجاءه..

اليوم ودي أكتب عن تجربتي الخاصة في القضاء على حب الشباب!!

الله يسلمكم أنا موول ما كان فيني ولا حبه ولله الحمد..إلا حبوب العاده المؤقته وإلي تختفي بعد كم يوم. بس لما صرت 21 وياويلي من 21 :23:.. بدا ويهي يشب حبوب!! مادري من وين؟ مع إني اعتني ببشرتي اسبوعيًا واحط واقي لما أطلع..

جربت الRetain A , baby face , clear & clear .. ماخليت شي :(

ولا ياب فايده أبدًا.. كل ما تروح حبه تتطلع خليفتها :11: مليت وطفرت .. وسلمت أمري لله

ماعلينا .. المهم.. كنت أقرا موضوع لوحده من الأخوات يزاها الله خير تقول عن بودرة الياسمين وزيت زيتون لتبيض المناطق الغامقه.. وأنا من لقافتي رحت دقيت لأخوي وقتله روح للعطار وييبلي بودرة الورد!!! :o (اختلط علي الإسم), وحليله ما قصر ويابلي! خاب أملي لما شفت مكتوب على العلبه بودرة الورد مب بودرة الياسمين! :44:كان ودي أجرب خلطة الإخت..

ريحة البودره ماء ورد 100% ومعروف إنه ماء الورد واايد مفيد للبشره.. تشجعت.<--(مو توها تقول سلمت أمرها لله!):11:.

ورحت ببلت ويهي وإيدي. وأخذت شوية بودر وقعدت افرك وافرك :30: <=اطلع حرتي بالحبوب

ونمت وقشور الورد الصغيره على وجهي :55: ولما اصبحت الصبح!! فرحت .. والشهاده لله ويهي خفت الحبوب فيه من أول مره.. واليوم ثاني يوم وأكيد اخف عن البارحه وان شاء الله باجر ولا حبه... اللهم لك الحمد كما ينبغي لجلا وجهك وعظيم سلطانك..

بصراحه.. واايد حلوه وسهله.. وما تاخذ وقت .. والأهم من كل هذا إنها طبيعيه 100%

حبيت انشر للفائده.. ولا تنسونا من خالص الدعاء ..

في أمان الله
وخيتكم..heartless