ياحظي انتي اللي تركضين وراه موب تنتظرينه

السلام عليكم ورحمة الله وبركاته

اشتقت لكم انا من زماااان ماااشفتكم <<< تجتوج ع غفله



تخيلوا في يوما ما وعندما كنتوا ازط الغداء وانا في كامل انسجامي بمذاق الشوربه مو لانها حلوه بس لاني خذتها ونسيت اعرف بايش هي المهم نرجع لمحور الحديث الا خوياتي المتزوجات كانوا يسولفون بمواضيعهم وحسيت نفسي غلط فقلت يااربي كيف اصرف نفسي كيف اصرف نفسي فقلت مالي الا انسجم بالشوربه ايه صح نسيت اقول لكم طلعت اسمها شوربة السي فود ياربييه ماعجبتني بس قعدت اتغصبها لين يخلصون بس ماقدرت فحولت ع البرياني واذا بوحده منهم تقول لي يلا عاد انتي متى تتزوجين واقول لها شسوي بعد ننتظر احد يطق الباب قالت لي اللحين ماتنتظرينهم يطقون يااحظي كذا بتخيسين انتي ركضي قلت طيب كيف اصيد الهدف قالت والله انا مااعرف بس قعدي فكري وظبطي امورك نبغى عرس السنه ذي ؟؟

فانني قعدت افكر وافكر كيف ارااكض وادور اصلا مين الهدف ياربيه شسوي كل صديقاتي اخوانهم صغار او متزوجين من قبل لا اعرفهم علشاان كذا بقول لكم نصيحه اول ماتصادقون وحده تاكدوا عندها اخوان يناسبونكم علشان تضمنون اموركم موب مثلي انا مو بس اخوانهم انا حتى رجاجيلهم قلت لهم اذا عندهم اخوان لاتنسوني لكن للاسف هم اصغر الاولاد او اصغر مني وصلت حتى لربع رجاجيلهم لكن للاسف اللي رجلها هو اخر واحد فيهم مو متزوج واللي يقول لبنت عمه واللي مايبغى الا من العايله و اللي مايناسبني ع قولت رجاجيلهم
يعني المنحوس منحوس

السؤال الذي يسدح نفسه او اصلا هو المسدوح في الكلام اعلاه وبطريقه مخفيه او مثل مانقول نحن البنات من تحت لتحت شلون نسوي هالطريقه ؟؟



لاتنسون تدعووون لي اعرس باقرب فرصه :35:
ولاتنسون تدعون لشعب مصر ولمصر

فتكم بعافيه