السلام عليكم ورحمة الله وبركاته
:: يسعدني اليوم اقدم لكم الغداء البحري اللذيييييييييييذ جداَ .. الي بتسوية ماراح تندم
طعم خطيييير كأنه تتبيلة مطاعم ::
نبدا باسم الله واذكرو الله ((ماشاء الله تبارك الله ))
حضري فيلة السمك +الروبيان
طبعا انا جربت الملثج والطازج الطازج افضل ب100 مره ... حتى التتبيله فيه تبان ويحلا طعمها
أفرشي فيلية السمك على صحن واسع ودقية بشكل خفيف بالاداه الي فالصورة الي تستعمل للستيك وهالاشياء
تبليه بــ (( ملح ،ليمون ،فلفل اسود ،خل ،ثوم حسب الرغبة ))
أغسلي الربيان وتبليه بـ (( ثوم حسب الرغبة ،ملعقة صويا صوص ،ملعقة صغيرة خل ،ليمونه ،ملح،ملعقة نشا ،بابريكا ،فلفل اسود رشه ،رشه بسيطه جدا سكر براس الملعقه ،زيت زيتون ))
هنا لفينا شرايح السمك على بعضها وتبلنا الروبيان وعلى الثلاجه اقل شي 4 ساعات وكل ماطولت التتبيله كان افضل
راح نسوي حشوة خضار .. الخضار الي تحبينها انا حطيت جزر وكوسة وقليتها فالزيت وملحتها
انتي تقدرين تبدعين بالي تحبين .....
بعد مرور وقت التتبيل راح نطلع السمك من الثلاجه ونفرشه على صحن واسع
راح نحط على وجهه فقط مو من الجتنين ... لاجهه وحده بس (( بابريكا زيت زيتون ثوم مدقوق حسب الرغبة كزبرة كمية واافيه))
الكزبرة جدا مهمه وطعمها فضضيع لكن للاسف ماكانت متوفره عندي
نحط الحشوة فالنص ونلف الجهتين على بعضها ونغرزها بعود اسنان
نحط ورق الزبده فالصينية عشان مايلصق السمك ويتفتت ورشة بسيطة زيت زيتون وعلى الفرن على طول
راح نشك الروبيان بأعواد الشوي او تتركينة حبات مثل ماهو .. شي راجع لك
إذا عندك شواية تماااااام .. واذا ماعندك حطيها فصاج تيفال او صاج واااسع ...
لكن الشواية افضل واطعم
قلبية ماراح ياخذ وقت تقريبا 5 دقايق كافية جدا
** قدمية مع الرز الابيض او مع الباطاطس المهروسه
طريقتها للي ماتعرفها : تسلقين البطاطس وتهرسينها بالشوكة مع زبدة وتمزجينها مع حليب ساخن لين توصل للكثافة الي تعجبك
تضيفين الملح والفلفل الاسود فقط
قدمته مع البطاطس المهروسه ..
اسال الله ان يكتبة لي علماً نافعه ينتفع به
والي تستفيد تدعيلي الدعوه الي تحبها حتى لو ماردت عالموضوع :)