السلام عليكم ورحمة الله وبركاته ..

شلونكم خواتي وشخباركم ..

انا عضوة جديده بينكم .. وشاركت خصوصا عشان تساعدوني ..

من فتره وانا احاول اسوي كب كيك .. وامس جربت عجينة المرزبان الجاهزه .. عجنتها ولونتها بس قامت تتلصق قمت واضفت لها سكر مطحون ومشى الموضوع .. بس عقب ماقامت تلصق على الكب كيك !! عجزت معاها .. قمت وحطيت على الكب كيك كريمه ثم اضقت الاشكال الي سويتهم بالمرزبان .. الطامه الكبري عقب اني يوم ذقت الكب كيك طعمه كان كله لووز مر مو حلو .. والسبب عجينة المرزبان .. والعجينه صايره ياابسه كلش .. صادني احباط عدل ..

انا ابي اعرف شنو الشي الي يحطونه على الكب كيك ويلونون فيه مثل العجين ويكون لين وشلون يلصق على الكيك ويتشكل بسهوله ! ياليت تساعدوني

جزاكم الله خير

اللي اعرفه انهها عجينه المرزبان وهي جاهزه طبعا بس أنتي تفردينها
وتلونينها
وفيه عجينه انتي تسوينها من السكر وبتلاقينها بالمنتدى لاني قاريتها
فيه وموضحه اللي كاتبه الموضوع عنها
بس مشكله المراره ماااااااااادري عنها
مشكوره حبيبتي .. بس انا مابي شي فيه لوز .. وابي شي يتشكل بسرعه ويلصق على الكيك !!
استخدمي سمنه خاصه للحلويات مع العجن عشان تصير العجينه لينه و عشان تلصق العجينه على الكيك استخدمي كريمه او ماي او مربى او شراب الذره لازم تحطين شوي عشان ما يخترب الشكل و.
جربي عجينه المزربان بالمارشميلو سويها في البيت و هاي رابط موضوعي ان شاء الله تستفيدين

http://forum.hawaaworld.com/showthread.php?t=2307644
رفع


الساعة الآن 10:41 .