تعليقات ترفيهيه بقلــــم روزيـــــكــــــا

مراحب بنااااات حواء متزوجات كنتوا او عزابيات <<< ترحيب مسكت

شلونكم شعلومكم ان شاء الله تمام :27:

عاد انا جايتكم اليوم ولابسه الزي الحكومي الرسمي أحم أحم اربعه فواحد

يعني انا اليوم بتكلم بحريه وماعلي من احد ولا يهمني لا فلاق ولا اقفال كخخخخ

واحب اطمئنكم يابنات تراني ما اخوف والله ما اخوف يعني اي وحده تدش وتاخذ راحتها عـ الآخر << مصدقه عمرها انها شبح حكومه :23:


اسمحولي يالغوالي وبما اني متنكره وكاشخه بهالأسم ودي افضفض لكم على شغلات في هالعالم :02:

يعني سوالف ترفيهيه مع بعض التعليقات من روزيكــــا هع هع هع

ابي ابدأ من فوق طيييييب انتم توحون ولا لاء:o

مره من المرات اللي خبركم اياها دجيت دجتاً مملوحه وانا صدري في ذيك اللحظة ضايق << وسعيه

المهم انا إذا متكرنه ما احب اضحك ويصير فيه بيني وبين الضحك عداوه عجيبه

المهم رحت فوق عند الناس الجديين اللي مايعرفون شكل الضحكه كيف << بتنشات مايحتاج

المهم فتحت في هالمواضيع اللي كل مادخلت واحد لينه نقاش ونقاش ناقص خخخخ مدري ليه صاحبات هالمواضيع ليش مايستريحون دامهم مو قادرين ياخذون ويعطون مع البنات :23: <<< مطروده مايحتاج

المهم مليت من هالمواضيع وفتحت على موضوع كان توه جديد ومثبت وهو للأخت أثبــاج مشرفة المجلس

عاد انا احب مواضيع هالأنسانه ولو اني قليلة الردود عليها <<< إلا معدومه

المهم دخلته وقريته وكان موضوع جداً مهم ويحكي معاناة المشرفات في المجلس الله يعينهم مشيت ومشيت مندمجه في الموضوع

لين وصلت عند هوية عضوه اسمها بنت الرساله الله يرحمها لماً وصلت هالحد ما ادري وش صار لي احس اني انشليت وتوقف كل شيء قدامي حتى الدنيا احسها وقفت ! احاول افتح هويتها

ماقدرت سبحان الله للموت هيبه ..

انا اتذكر وفات هالعضوه واتذكر النعي وكل اللي صار ذيك الأيام والنفسيات اللي تغيرت بس مدري

لحظتها ليش كنت ابكي واترحم على هالعضوه رغم اني ما بعد فتحت هويتها ...

المهم بعدها بساعه قفلت الجهاز وجلست افكر في الموت وفي المنتدى :23: وفي الناس من بعدي

ووش سويت يبقي لي ذكر ومن هالكلام اللي عجزت افكر فيه لأنه كبير وتعبني

وأسأل نفسي إذا مت ياهل ترى احد بيقول الله يرحمها ولا بينسوني خخخ الله يرحم حالك

المهم طردت هالوساوس وقلت يابنت اكيد بينزلون نعي في الترفيهي وهذا يكفيك :44: <<< قابليني ان ذكروك

عاد انا الآن اوجه سؤالي للحكومه الرشيده صج إذا مت والله اخذ امانته بتنزلون نعي

وتفتحون موضوع للتعازي ولا تطويني صفحت النسيان ؟؟؟؟ :44:



نرجع للدق الحين في باقي الأقسام كخخخخ عاد انا ماخلصت من المجلس فيه بنات الله يهديهم

يموتون في المشادات بالشوش كخخخخ قصدي بكثر الهرج المهم

في واحد من الأعضاء حاط موضوع يسألهم وش تبون من قناة المجد وانا اوصله لهم ؟

تعالوا شوفوا وش اللي يبونه خخخخخ ما اكثر ما انتقدوا قناة المجد اللي قبل كانوا شايفينهاملاااااااك !!!!

إذا تبون الصراحه قناة المجد ما فيه افضل منها وكل اللي تقدمه روعه في الجمال

وخاصه برامجها الدينيه والترفيهيه تعجبني مره <<< من سألك انتي



نرجع للفتاة المسلمه ياحبي له ذاك القسم احس براحه نفسيه عجيبه إذا دخلته احس كل اللي فيه صوتهم واااااطي ولا احد يدري عنهم يعني قمه في الهدوء والذوق والأدب الله يزيدهم من فضله

الجمال وما ادراك مالجمال خخخخخخ كل ما اجي ادخله القى زحمه غرييييييبه ولا في الأسواق ليالي رمضان :23:

قلت خلني اشوف وش جديد الصبغات واللي من هالقبيل ودخلت الله لا يوريكم

اللي تصيح وتستنجد واللي تقول احذروا واللي واللي كخخخخخ الله يكون في عونهم

ولا قسم المكياج و العطور تقول ما فيه وحده خلقها ربي جميله إلا كلهم <<< ما اقدر اكمل اخاف انطرد كخخخخخخ

يابنات خفوا على وجيهكم شوي ترى الشباب مو دايم ونظارة البشره بتروح مع هالكيميائيات الله يرجكم

واللي يضحكني اكثر اللي متأثرين ومعجبين بالفنانات الله المستعان ياماما هاذي مكياجها يكلفك

انتي واللي خلفوووك كل اللي وراهم واللي قدامهم :23: .....


قسم التصميم والحاسب هالقسم الناس اللي فيه عمليين مره وماعندهم وقت ضايع ابد

ويستغلون كل دقيقه من حياتهم وما ادري ليه دايم احسهم مطرودين احسهم دايم يركضون

اتوقع لو تردين السلام مايدرون عنك كخخخخ الله يوفقهم ...

الحين احنا عند واحة الصوتيات والمرئيات خخخخخخخ كل ما ادخل هالقسم أحس اني في ذاك الشارع اللي عند الحرم بمكه المكرمه

بصراحه في ذاك الشارع عالم غريب وفي نفس الوقت رائع كله أصوات قراء ومنشدين
وطبعاً روائح المشوي :o كخخخخ .....



نجي للناس الذوق والناس الحااااالمين قسم الأدبيه ياناس هالأوادم احسهم خيال مو واقع

إذا دخلت اشك اني انسانه !! ما ادري من اي كوكب جوا ؟!! دائماً افكر فيهم واسأل نفسي

هم ياكلون مثل ماناكل ويشربون مثل مانشرب ؟؟!! وعايشين في نفس الدنيا والبلدان اللي احنا فيها ولا ؟!!!!


نرجع لواحتنا وزقزقت العصافير وهمس النسيم وقطر الندى عرفتوا عن اي واحه اتكلم ؟!!

الواحه الترفيهيه <<< إلا واحة الصجه والرجه

ياحبي لها ولسكانها فيهم طيبت قلوب عجيييييييييبه وفيهم صفاء نفوس ماشفت لها مثيل

ناس قمه في الذوق والأخلاق ناس إذا جيتهم ينسونك همومك لو دمعتك على خدك غصب يمسحونها لك بدون مايشاورونك

ناس كبيرهم وصغيرهم متعاونين مايعرفون سواد القلوب ولا يعرفون الهواش كيف شكله << هههه إلا عرابجه

بس فيهم سلبيات <<< بعد هالمدح يجي التكفيخ هع هع

ولو نسلم من هالونكثر من هالــ


كان حطمنا الرقم القياسي في التعاون والإخاء <<< مشوها وقفتوا عندها :23:



وختاماً اقول للمشرفات الغاليات جعلكم على القوه دوم وثبت الله خطاكم وأعانكم وزادكم من فضله ..



دعايــــــــــــــــه عـ الماشي
7
7
7
عزيزتي المصرقعه تبين تفضفضين عن اللي بداخلك وتتكلمين بحريه من غير ما احد يكشفك
تعالي وأستأجري هـــذا الأسم وبوحي بما في خاطرك للحجز يرجى الأتصال بالأرقام التاليه فاكس 333-333-333 ،،، جوال 555-55-555-555 ،،، صندوق بريد 11111 الرمز البريدي11111 عالم حواء
او على الأيميل التالي rozeka@rozeka.com وصفقوني ان لقيتوا احد يرد عليكم ...



ملاحظـــــه:
الموضوع قابل للنقد ولكن غير الهادف :23:او الـحذف او القفل او التميز:42: <<< اما ذي حطي تحتها 100 خط





وشكراً

وتقبلوا تحيــــــــــــــــــــاتي / روزيكــــــا الواحه الترفيهيه..