Analysis Services
بسم الله الرحمن الرحيم
كيفكم يااحلى عسولات
ابيكم تساعدوني كيف اسوي القهوه العربي
ماعرف اسويها ابد وانا توي بديت اتعلم الطبخ والحلا بس القهوه صعبه ماعرفت اسويها وزوجي يحبها ويموت فيها وقبل يومين عزم صاحبه على قهوه وسويتها وكانت طعمها مره خايسه
لدرجة انو جاء يقولي زوجي ان صاحبه قال له هذي اخس قهوه شربتها في حياتي تخيلو الفشله اللي وقعت فيها وفوق هذا كله قلت له وسمحتله يهزئ طبخي للقهوه >>>>>>>>>>>>>>>ولي عين اتكلم
قال انا قلت له انها اختي الصغيره اللي سوتها علشان مايقول عندي حرمه بزره ماتعرف تسوي قهوه وانا كان وجهي كذه ادري طولت عليكم بس سامحوني لاني ماعندي غيركم
المهم ياليت اللي تتكرم وتشرحلي الطريقه تشرحلي بالتفصيل طبعا تعرفوني بطيئة الاستوعاب يعني تقولون لي كم المقادير حقت المويه والقهوه مع العلم ان زوجي راح اشترى لي مع القهوه خرابيط يعني علبه صغيره مكتوب عليها خلطة القهوه وعلبة زنجبيل وعلبة قهوه وهيل ومسمار وزعفران وشكرا لكم الف شكر
04-03-1432 هـ, 02:34 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
اول شي صديق زوجك اللي مايستحي يقول كذا المفروض جامل مويشحن زوجك عليك
بعدين تراها سهله حطي نص الدله مويه اذا غلى المويه حطي ملعقه من خلطة القصيم او ذره زعفران بعدين نص فنجان قهوه الااذا كانت قهوتك حمسه خفيفه حطي فنجان كامل اما أذا كانت الحمسه ثقيله حطي اقل من النص بشوي وبالترمس او بدلة التقديم حطي ملعقه هيل وبسسسسس
04-03-1432 هـ, 02:46 مساءً
 
غاليتي اولن جيبي اللقمة يعني (الدلة الكبيرة اللي تطيخين فيها موية القهوة)عبي الدلة للنص موية لاتكثرين وحطي عليه ملعقة مسمار وخليها تطبخ بعدين كبي منها الموية ولمسمار واغسليها وعبيها موية ثانية وخليه لين تفور الموية بعدين قصري على الناروحطي فنجال قهوة مليان وخليه تطبخ على نار هادية لمدة ساعة وجيبي دلتك وحطي فيها مسماروموية لاتنتكثرين وخليهالين تفور وكبي اللي فيهاوحطي ملعقة كبيرة هيل مطحون وماقة صغيرة الخلطة اللي عندك وشوي زعفرانصبي اللي في الدلة الكبيرةعلى دلتك الثانيةالصغيرة وخليها على نار هادية لين تفوربس لاتطيش وبالهنا والعافية
04-03-1432 هـ, 02:55 مساءً
 
لو اخذتي القهوة مني بتجيك محموسة ومطحونه ومخلوطة وجاهزة ماعليك الا تضيفين الماء والهيل لو تحبينه وعلى العلبه بتحصلين طريقة التحضير والحمد لله كثير مثلك ولما خذو مني تعلمو تصليح القهوة وضبطت معهم بفضل الله
تفضلي ادخلي شوفي الرابط اللي في توقيعي حياك الله.
04-03-1432 هـ, 03:35 مساءً
 
اقتباس مشاركة  (أحلى جووري)
اول شي صديق زوجك اللي مايستحي يقول كذا المفروض جامل مويشحن زوجك عليك
بعدين تراها سهله حطي نص الدله مويه اذا غلى المويه حطي ملعقه من خلطة القصيم او ذره زعفران بعدين نص فنجان قهوه الااذا كانت قهوتك حمسه خفيفه حطي فنجان كامل اما أذا كانت الحمسه ثقيله حطي اقل من النص بشوي وبالترمس او بدلة التقديم حطي ملعقه هيل وبسسسسس




الهيل وخلطه القصيم تخلي القهوه جنان ومكيفه

انا احط الخلطه مع الهيل مااطبخها مع البن
04-03-1432 هـ, 03:37 مساءً
 


الساعة الآن 08:53 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏