Analysis Services
السلام عليكم ورحمة الله وبركاته
بنات حابه استشيركم اذا كان عندكم عزيمة قهوه وشاهي بس العدد كثير يمكن 19 الى 22 رجال وشلون تستعدون بقبله بكم يوم يعني بيومين انا مثلا ودي اسوي يوم الحلى وافرزنه ومن بكرى الموالح وافرزنها واذا صار يوم العزيمه اطلعهن ابي علشان ماارتبش وانشغل يوم العزيمه نفسه بالطبخ وخصوصا انه مافيه احد يساعدني لحالي ابكون
علشان كذا ابسالكم الاطباق اللي ناويه اسويها تخرب اولا ؟
وهي حلا النسكافيه الشفاف من كتاب النخبه
وحلا طبقات البسكوت بالكاكاو

واما الموالح ابسوي فطاير دجاج وساندوتشات التونه بالمايونيز والجبن بالتوست + فطيرة الجبن الكيري بالزعتر

هاه عطوني رايكم ينفع اصلحهن قبل العزيمه بيوم او يخربن؟؟؟؟؟
04-03-1432 هـ, 06:50 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
الحلى سوية قبلها بيوم زي حلى الزبادي حلا طبقات ,,,,,,,تشيز كيك عادي اهم شي تغطية كويس (((الحلويات اللي زي حلى الزبادي وغيرره ما تتفرزن في الفريزر تحطية تحت في الثلاجة))
بالنسبة للموالح مانصحك تسوين شندوشتات التونةوالمايونيز قبلها بيوم راح تخرب يبيلها بنفس اليوم
سوي فطاير دجاج وفطاير مشكلة بيتزا صغار وكبة وسمبوسة ,,,سبرنق رول ذي كلها تتفرزن عادي
04-03-1432 هـ, 07:03 مساءً
 
هلا عزيزتي الحلويات ممكن قبلها بيوم او يومين بس اهتمي بالتغليف والتبريد اما التثليج ما انصحك فيه التبريد افضل بس في
مكان بارد في الثلاجه اما الموالح عادي قبلها لو بسبوع الفطاير والمقالي بس تقليها قبل التقديم علشان تكون مقرمشه مثل السمبوسه والسبرنغ رول والكبب تونه اوبطاطس باللحم المفروم او اللي يضبط معك والفطاير سخنيها وقدميها وانصحك بالمعمول ممكن قبلها بكم يوم والرجال يفضلونه والتمر المحشي في صحون صار تغلفينها وتجهزينها قبلها بيوم والبسبوسه حلوه وتطول في الثلاجه ما تخرب موفقه حبيبتي
04-03-1432 هـ, 07:17 مساءً
 
الله يرضى عليكن يارب ويسعدكم
04-03-1432 هـ, 08:01 مساءً
 
ابد مايخرب الحلى ولا المعجنات

سويه قبله بيوم او يومين
الله ايسر امرك
ولاتنسين تصورين

دعواتك يالغلا
04-03-1432 هـ, 09:23 مساءً
 


الساعة الآن 07:51 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏