Analysis Services
الله يجزاكم خير جميعاً
صدق إنكم أخوااات ومتعاونات
يا حبي لكم

المهم
زوجي يحب أم علي ( الحلى ترى مو واحدة ... الشر برا وبعيد ) هههههههههه
وكل ما اسويه ما يطلع تمام
ما أدري ليه

واليوم في مطبخ منال كان فيه حلى أم علي
وكنت متابعتها
لكن جتني مكالمة
وما تابعت الطريقة زين
فاللي شافت الطريقة زين
تكتبها لنا
والله لايحرمها الأجر

يالله بانتظاركم
o.k.
28-09-1424 هـ, 02:00 صباحاً
 
أميرة الشوق

بصراحة تابعت الحلقة وهذا اللي أتذكره منها :

تاخذين عجينة البف باستري وتفردينها بالشوبك وبعدين تجيبين الشوكة وتغزين فيها العجينة يعني مثل تسوين فتحات فيها علشان ماتنفش وايد، وأول ماتتحمر تكسرينها مثل خبز الرقاق

بعدين تجيبين صينية التقديم الخاصة بالفرن وتحطين فيها العجينة وفوقها المكسرات والزبيب ، وبعدين تكوين مجهزة الحليب مع السكر، وأول مايسخن تحطين عليه القيمر وبعدين تشربين العجينة فيه ويقدم، والله ترى هذا اللي متذكرته يعني يمكن نسيت شي وأشياء … بس لأن طريقتها كانت كذي وهذي الطريقة هم شايفتها في المنتدى من زمان.

واي خدمة تراني عند ويهك
29-09-1424 هـ, 12:25 صباحاً
 
ياليت الي لحقت على حلقة اليوم من مطبخ منال العالم تقولي مقادير وطريقة تحضير البيتي فور لاني مالحقت الا على التزيين بس بصراحه شكله روعه كأنه جاهز.. تكفون ردو علي لاني ناويه اسويه في العيد.
29-09-1424 هـ, 03:04 مساءً
 
السلام عليكم ورحمة الله وبركاته

اختي لما الطباخة منال العالم لها منتدي تقدرين اتكلمينها وتطلبين منها الوصفه الي تبينها

وهو منتدي المهيدب للأغذيه
29-09-1424 هـ, 06:57 مساءً
 
انا عارفه ان لها منتدى بس بتاخذ وقت طويل على ماترد علي ..ياليت اي وحده عندها المقادير ترد علي بسرعه ودي اسويه بكره للعيد .. الرجاااااااااااااء سرعة الرد.
29-09-1424 هـ, 07:38 مساءً
 


الساعة الآن 10:25 .

تنبيه: كل ما يطرح من مشاركات في موقع عالم حواء يمثل رأي كاتبه فقط ولا يمثل رأي إدارة الموقع.
© 1998-2017 Hawaa Forum, Co.‏