أخواتي الغاليييين


شفت حلقة ونص بس من مطبخ منال

وقريت كم طبخة هنا وبصراحة


أعجبتني وصفاتها مووووووت
أحس انها قريبة من وصفاتنا وسهلة التنفيذ ===> مو دعاية ابددددد


لكن للأسف ان وقتها مو مناسب للعاملات يعني بالنسبة لي
ما الحق الحلقة





أطلب منكم اخواتي حبايب ألبي طلبين صغار بس

1- متى وقت البرنامج بالظبط ؟ وفي اي يوم ؟

2- لو ما فيها كلافة عليكم تكتبون الوصفات الحلوة منها وتوضحون انها من ( مطبخ منال )
مثل الأخت المزروعية الله يجزاها خير ويجزاكن جميعاً

معليش كني طولت باللت والعجن والكلام بس عارفة انكم ما تقصرون

المهم ...


الحلقة اللي شفتها أعجبتني وصفة بأكتبها لكم

فيليـــــــــهالدجاجبالمايونيز
^.^.^.^.^.^.^.^.^.^.^.^.^.^

.. المقادير ..
دجاج صدور مسحب ( يدق قليلاً بمطرقة خفيفة حتي يستوي بسرعة )


الخلطة او التتبيلة :

ملعقة كبيرة زيت
3 ملاعق مايونيز
نصف ملعقة صغيرة ثوم
ملعقة كمون
ملعقة زعتر جاف اوريغانو
ملعقة ريحان مجفف
ملعقة فلفل أحمر مطحون بابريكا
ملح
فلفل أسود
ملعقة كبيرة خل


.. الطريــقة ..
يتبل الدجاج بالخلطة ويقلب جيداً
ويوضع بالثلاجة من الليل أو لمدة ساعة اذا مستعجلة

اذا عندك شواية تيفال زي حقت الساندويتشات اللي تحمرها وتخلي شكلها مخطط
( لازم أوضح بالوصف أعذرووووني )
يكون أحسن
رصيّي قطع الدجاج المتبل فوق الشواية وسكري عليها وخليه 5 دقايق
لين يستوي وانتي تأكدي بنفسك

واذا ما عندك الشواية ممكن تحطينه في صينية وفي الفرن بس انتبهي لا ينشف


الصراحة روووووووووووووعة جربوها وبتدعون لي ان شاء الله
وتراها بالشواية أحسن يطلع شكلها محمر ومخطط زي المطاعم


ألف عافية عليكم

13-11-1424 هـ, 06:08 مساءً
 
تسلمين اختي ام رغود
راح اجربها ان شاء الله
13-11-1424 هـ, 06:52 مساءً
 
عاد تدرين هذي الطريقه الوحيده اللي شفتها في مطبخ منال وسويتها وكانت قبل رمضان
وانا استخدمت الشوايه الكهربائيه seb وبصراحه طعمها حلو بس غريب
وسويت معاها خضار مطبوخ على البخار ( بزاليا وجزر وكوسا ) وشوحته في زيت زيتون وماجي وفلفل اسود
وكليتها بشوكه وسكين
يعني خليت العشا مثل المطاعم
بكشخ غصب خخخخخخخخ

صدر الدجاجه حطيه في كيس ودقيها في الهان او مطرقه عشان تتمدد بساشتري صدور الدجاج الجاهزه

انصحك فيها حلو وغريبه

مشكوره وتحياتي
13-11-1424 هـ, 10:57 مساءً
 



الغالية ام ثنيان


الله يسلمك يا عيوني
وبالعافية مقدماً




الغالية لا تنسوا أسرانا


تسيلمين حبيبتي
هي أكيد بالشواية بتكون ألذ وأجمل بالشكل
تنفع عشا مميز للزوج الغالي


مشكورين أسعدتني ردودكم

13-11-1424 هـ, 11:45 مساءً
 
مشكورة يارقيقة
لكن انا اليوم الثلاثاء شفتها بعد الظهر
وكمان شفتها الجمعة قبل الصلاة بتوقيت مكة : :2
6:
13-11-1424 هـ, 11:59 مساءً
 


الساعة الآن 02:14 .