السلام عليكم ورحمة الله وبركاته

اخواتي الغاليات بنات عالم حواء ...

ابي اسألكم عن طريقة معمول لذيذه بالمره ان ماقد سويتها لكن باستمرار اشتريها من وحده في القصيم كانت معي بالدوام والحين نقلت ونفسي اعرف طريقته وكنت قد سألتها وقالت ان الي تسويه شغالتهم وسافرة وما تعرف هي الطريقه (شكلها تصرفني ) واكثر شي يسويها القصمان مشهوين بالمعمول هذا ...

شفواشكلها مهو مثل المعمول العادي لا هي تكون رقيقه ومحشيهاتمر وتكون مربعات صغيره وعليها سمسم
اقدر اقولك ان شكلها يشبه الجبنيه اذا فردنها وقطعناها مربعات قبل القلي ..

الله يجزاكم الجنه الي تعرفها او عندها صورتها تنزلها علشان يشوفونها البنات ويعطوني الطريقه

يالله يابنات القصيم ورونا فزعتكم ههههههههه

ياليت اقدر افيدك بس انا مو قصيميه
مساء الخير عسوله .....الطريقه بين يديك ياغاليه...... <بسكويت التمر> المقادير
3ك دقيق -واحدونص ملعقه صغيره باكنج بودر-فانيلا-دره ملح-ربع كو ب زبده -وربع كوب زيت -ملعقه صغيره سكر مطحون -ثلث كوب حليب دافي -بيضه ---- الحشوه----- تمر معبوط وملعقت سمن ودرة هيل ويانسون للوجه بيضه وسمسم الطريقه00000
1-نخلط جميع المقادير حتى نحصل على عجينه طريه ماتلصق باليد 2-تفرد العجينه الى اقصى حد خفيفه مرة تقصص مصتطيلات عريضه شوي وتحشا بتمر يوضع على شكل اسطوانه وبعدين تلف 3-تقطع بشكل مايل ثم ندهنهابصفار البيض ونرش السمسم وندخلها فرن حار حتى تشقر وتغطى لتبرد وقدميها بالعافيه
< تراه يجلس حول الشهر مايخرب ولا يتغير حطيه بكياس بر الثلاجه>
السلام عليكم و رحمة الله

أختي طلبك إن شاء الله عندي
و هذا بالضبط اللي كنت أدور عليه من قبل 4 سنوات في منتدانا الغالي
و وحدة جزاها الله ألف خير من الزميلات في العمل اعطتني الطريقة

المقادير :
3 كاسات دقيق كويتي
1 كأس ماء
نصف كأس زيت
1 ملعقة خميرة
1 ملعقة سمسم (انا الطريقة اللي اخذتها السمسم في العجينة مباشر و انتي بكيفك)
1 ملعقة سويدة (حبة سوداء)
3 ملاعق حليب بودرة

الحشوة تمر مفروم (انتي و طريقتك فيه لكن الأفضل انه يكون مفروم بالفرامة + قليل زبدة مذوبة )

الطريقة : تعجن مقادير العجينة و تترك ترتاح لفترة بسيطة (في هذا الوقت قومي بفرد التمر بين طبيقتين بلاستيك) حتى يكون بسمك نحيف
ثم بعد الإنتهاء خذي العجينة و اقسميها الي اقسام متساوية ثم افرديها بين طبقتين بلاستيك أو على لوح (اللي يريحك) , المهم نضع طبقة عجين ثم طبقة تمر ثم عجين
و بهالشكل صار عندنا ثلاثة طبقات , إذا شفتيهم اسمك من البسكويت (المعمول) اللي متعوده عليه من قبل افرديهم بالفرادة إلى السمك المطلوب ثم قطعيهم مربعات بالعجلة المشرشرة ثم اخبزيهم على حرارة معتدلة و انتبهي ما يطولون كثير ثم حمريهم من فوق

و استمتعي بأطيب بسكويت معمول
طبعا يطول ما يخرب و النتيجة (ماراح تكون هشه تذوب بالفم مثل معمول اللي بالزبدة) , لا راح تكون بسكويت هش مقرمش في نفس الوقت
ان شاء الله يكون هذا طلبك
و لو ما كان هذا هو طلبك
انصحك تجربينه
لأني تعبت كثير على ما لقيته عن وحدة تعطيني طريقته
للأسف مش الكل يعطي الطريقة و كأنهم هم اللي أخترعوها

بس ما أبي منك إلا الدعوة الصالحة
بالتوفيق
و فيه العافيه مقدما
رفع


الساعة الآن 01:49 .