السلام عليكم

كيفكم ياأخواتي
من زمان وأنا ابغى انزلكم طريقة هدي الكيكة لكني مااتذكر اللا وهي في الفرن

اخذت طريقتها قبل 6 سنوات من زميلة لي والين اليوم كل ماعملتها يسألوني عن مقاديرها


سهلة وسريعة واكتر اغراضها في البيت


بسم الله نبدأ

المقادير




زي ماانتو شايفين

ا زبادي

2 بيض

نص علبة الزبادي زيت

علبة زبادي سكر

فانيليا غطايين من الفانيليا السايلة

غطايين خل بس عشان يبعد زفر البيض

نص كيس شعيرية باكستانية

وعلبة حليب مركو كبيرة

وتخلطيها بالملعقة

بعدين تضيفي اعلبة زبادي من الدقيق


ملعقة كبيرة بيكنج بودر


( المقادير كلها تقاس بعلبة الزبادي )

تحركيها بالملعقة كويس وتدهني صينية كبيرة


تصبيها وتدخليها الفرن

من تحت

الين تستوي

تولعي من فوق وتحمريها

وهدي الكيكة بعد ماطلعتها من الفرن




تجيبي نص كيس شعيرية باكستانية تكسريها صغير بدون تحمير ولا شي من الكيس مباشرة وترشيها على وجه الكيكة وهي طالعة من الفرن





وتغطي الوجه بالشعيرية بالكااامل




بعدين تصبي عليها علبة حليب مركز كبيرة كاااااامله كل هدا والكيكة حارة عشان تتشرب الحليب

وركزي انك تصبي الحليب عالجوانب عشان ماتطلع ناشفة








وخليها بره الين تتشرب الحليب

بعدين قدميها حارة او حطيها في التلاجة وتصير متماسكة وقطعيها وبالعافية



انا قطعتها على طول عشان اصورها لكم

جربوها ماراح تندمو

على قولتكم ادماااااااااااااان


ابغى اشوف تطبيقاتكم
واي سؤال انا حاضرة









10-03-1432 هـ, 04:15 مساءً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
رفع
10-03-1432 هـ, 04:17 مساءً
 
تسلم يدك والله من الشكل باين لذيييذة ماشاء الله
تم الحفظ
وننتظر جديدك
10-03-1432 هـ, 04:34 مساءً
 
روووووووووعه
10-03-1432 هـ, 04:47 مساءً
 
10-03-1432 هـ, 05:02 مساءً
 


الساعة الآن 02:03 .