مساء الخير

كثرت المواضيع اللي مانعرف صدقها من كذبها وكثروا المستفسرين عن كيفيه استثمار اموالهم
اليوم جبت لكم نصيحه من ذهب عن افضل استثمار واللي اذا مالحقتوا هالفتره راح تندمون لانها فتره انتعاش وفرص للاذكياء
خل نضرب مثال بسيط ولاقل الطبقات عندك خمسه الاف ريال فقط وودك تنساهم كم شهر وتلاقيهم اكثر او احتمال الضعف ليش لا
انا اقول ومو كلام بالهواء انا اقولكم استثمار مضمون وفي بنك يعني مو مع شخص ماتعرف ايش مصير فلوسك معه مثل بعض الاعضاء الله يهديهم واضح انه مسجل في هالمنتدى لغرض معين لاننا نشوف مشاركات العضو ماتعدت العشره وتلاقينها تحلف وتقسم عن هالشركه او انها تعاملت مع شخص يضارب بالاسهم ولا عن مساهمات فاشله مثل سوا اللي انكشف امرها بسرعه وعبر وسائل الاعلام ياليت نفتح عقولنا شوي ونصير حذرين

وانا من واقع تجربه سمعت عن الرائد وقلت اجربه والحمد لله زي ماقريت وسمعت والان ناسيتهم وكل فتره اشيك عليهم والاحظ الارباح في البدايه اقل لكن عقب شهرين ماشاء الله بانت

فنصيحه الفتره المقبله بعد الاحقيات ونزول الاسهم المتوقع من الخبراء مده تتراوح بين عشره الى اسبوعين افضلكم المساهمه في هالصناديق في وقت الانخفاض خصوصا مع بدايه شهر 4 هي افضل شي للدخول لاتفوتونها

مثلا عندك صندوق في الاهلي اقل شي لفتحه 5000 ومحقق ارباح خياليه بس من بدايه عام 2005
يعني لو كان الشخص داخل بعشره الاف ريال من بدايه شهر 1 صار عنده من نهايه شهر 2 يعني تقريبا صاروا 12,800

عندكم صندوق الامانه في البريطاني محقق ربح مع بدايه العام2005 24%
العام محقق 60% لسنه2004

والرائد في سامبا محقق 19% من بدايه بس 2005 العام محقق 96% خلال سنه كامله

طبعا هذي الصناديق الاستثماريه الشرعيه اللي العلماء موافقين عليها ومحللينها
لكن الافضل احتياط ان الواحد يطلع من ربحه شي بسيط كتطهير لامواله رغم انهم مايدخلون في مساهمات البنوك لانها محرمه لكن احتياط لانه في شركات غير البنوك من اللي يجوز المساهمه فيها لكن لابد من اخراج نسبه من الربح لانها تكون ماخذه قرض من بنك او من هالقبيل

والزكاااااه لاتنسونها ولا لنا منه فيها.. فهي حق الله

وعليكم بالصدقه في كل ربح قال تعالى (ولئن شكرتم لازيدنكم)

اي استفسار انا حاضره والافضل انتم روحوا للبنك نفسه او على موقعهم بالنت وتلاقون كل شي قدامكم . او حطوا في بحث القوقل صناديق الاستثمار وراح يطلع كلام عنها مفصل
يمكن موضوعي سبق طرحه بشكل او بأخر لكن حبيت اذكركم وانبه الغافلين خصوصا اني وجدت اني ادعي لكل من نصحني قبل في هالفكره

ابيكم تدعون لي بحسن الخاتمه

سبحان الله وبحمده *** سبحان الله العظيم




يقول الله عز وجل

(( "إني لأجدني أستحي من عبدي يرفع إلي يديه يقول يارب يارب فأردهما فتقول الملائكة 00الهنا إنه ليس أهلا لتغفر له00 فأقول ولكني أهل التقوى وأهل المغفرة أشهدكم إني قد غفرت لعبدي"








الله يحسن خاتمتنا وخاتمتك اوخيه

وكلام صحيح .. وان بذكر ان بعض الشركات الي طلبت مندوبات مبيعات

اشترطت تحرر الفتاة وسفرهم وبعضهم خروجهم في استراحات

وفك قيود اهل البنت ومن واقع تجربه

هناك احد الشركات واعدتني مندوبه من الشركة كي تقابلني في عالم المرأة في برج المملكة وصدقوني من كلامها عرفت ان الغرض ليس هو وحدة توطين السعودية او ربح الشركة بالدرجة الاولى

الغريب في الامر ان هذه المرأة سعودية وكبيرة في السن يتجاوز عمرها الاربعينات ومن يرى ملابسها الضيقة البنطلون والتشيرت الفاضح يدرك انها عارضة ازياء وليست مشرفه او مندوبه تريد موظفات فقط يخدمون شركتها بل تريد من يخدم مديرها بشكل خاص ولو ذكرت لكم السالفة وحوارها معي لادركتم حقيقة ما يريدون اؤلئك السفهاء من استغلال لبنات المسلمين

نامل من الدولة لفت نظرها على تلك الاشكال المنحطه والتي تعمل اعلانات في الجرائد والمجلات مثل جريدة الوسيله ان يضعون رقم السجل التجاري والترخيص لمن يريد ان ينزل وظائف نسائية مع التعاون والتنسيق مع وزارة العمل

نسأل الله السلامه .. وان يبعدنا عن الحرام بعد ما انحدى به كثير من بنات هذا البلاد عليه بسبب او لاخر
اعوذ بالله وش هالحكي انا لله لكن مانحكم على الكل ومثل ماقلتي لابد اخذ الحيطه والحذر

تسلمين عالمشاركه
سبحان الله وبحمده *** سبحان الله العظيم




يقول الله عز وجل

(( "إني لأجدني أستحي من عبدي يرفع إلي يديه يقول يارب يارب فأردهما فتقول الملائكة 00الهنا إنه ليس أهلا لتغفر له00 فأقول ولكني أهل التقوى وأهل المغفرة أشهدكم إني قد غفرت لعبدي"








الله يجزاكم خير انكم تنبهون البنات للشيء الاستثماري المضمون .. وعلى التحذير من هذه الشركات المغرره اللي تطلب مندوبات بشروط قد تدفع البنت للسفور او للمعصيه ..
لله يجزاك الف خير اختي

وقبل مااقرأ مشاركتك كنت ناويه اشترك في صناديق الاستثمار

بس بعد ماقرأت عزمت اكثر لثقتي فيك الله يجزاك الجنه

ويعطيك على قد نيتك


الساعة الآن 09:41 .