نـــور @nor_20
كبيرة محررات
شيراتون الدوحة
من المعروف ان فندق الشيراتون من أفخم الفنادق في قطر
وأنا بالنسبه لي أشوفه أفخم فندق بعد الريتز
لكن لوبي الشيراتون أوسع وأشرح من الريتز بكثير
ودايما أرشح هالفندق للأعضاء القادمين لقطر
ومع العلم أن الفندق قديم من ثلاثين سنه لكن بسبب التجديدات يظل من أفخم فنادق قطر
وأنا بهالتقرير راح أعرض صور من رحلتي للشيراتون
الحجز كان سويت بغرفتين
وراح يكون هذا التقرير برهان على صدق أقوالي عن الشيراتون ومرجع للزوار والمستفسرين إن شاء الله
وأترككم مع صور السويت :
هذي صورة الصاله
وهذي طاولة الطعام
وهذي صورة ثانية للصالة
ولو تلاحظون النوافذ موجوده على امتداد الصالة , من الحائط لين الحائط , ومن السقف لين الأرض , ومن القمر لين المريخ
والمنظر خرافي يطل على البحر
وهذا سريري
أمزح معاكم هذا جانب من صالة السويت
+++++++
وهذا المنظر اللي نطل عليه من الصاله
مثل ماتلاحظون انه المنظر حلو ويطل إطلالة مباشره على البحر
والصالة حلوه وواسعه وأثاثها توه يديد وفخم
انتظروني في جزء قادم من التقرير إن شاء الله
10
1K
يلزم عليك تسجيل الدخول أولًا لكتابة تعليق.
نـــور
•
حياكم الله في الجزء الثالث من التقرير
مثل ماانتوا عارفين الحجز كان عبارة عن سويت
علشان جذي عطونا access للـ Executive lounge
اللي هي عبارة عن قاعة فيها وجبة فطور وعشاء بالإضافة إلى وجبات خفيفة طول اليوم وكل أنواع المشروبات
المهم احنا عقب ماقعدنا في السويت وصورته
رحنا اللاونج وكان الوقت توه عصر
وهذي صور اللاونج
عقبها نزلنا للوبي
وهذي صور منه :
وهذي القهوة اللي موجودة في وسط اللوبي
نـــور
•
حياكم الله في الجزء الرابع من التقرير
آخر شي وصلنا له يوم نزلنا تحت
وهذي صور الدور الأرضي
ومثل ماتشوفون المساحات واسعه وشاسعه وهالشي نادراً مانلقاه في الفنادق الحديثة مثل دبليو والفورسيزون
وبعد عندي صور ثانيه حق الدور الأرضي لكن باعرضها لكم في جزء ثاني لإني التقطتها في يوم ثاني
لكن الحين خلونا نطلع برا ونتمشى
طبعا طلعنا من ورا صوب النادي
وعقب مانطلع من هالممر نلقى نفسنا عند برك السباحه
في بركة حق الصغار بس ماحطيتها لكم أبيكم تشوفونها بنفسكم
وهذي بركة الكبار
وعقبها رحنا عند البحر
الصفحة الأخيرة
حياكم الله في الجزء الثاني من التقرير
خلونا نكمل صور الصالة وننتقل عقبها لغرف النوم
هذي صورة للبلكونة اللي في الصالة
وهذا مطبخ تحضيري عند طاولة الطعام
خلونا نتوجه الحين للغرف عن طريق ممر السويت
وندخل على أول غرفة يمين
ومثل ماتلاحظون الغرفة واسعه
وتطل على السيتي سنتر
وهذا الله يعزكم حمام الغرفة