السلامـ عليكمـ :/:/

فيه دكتوره بالجامعه اد الدنيا ع قولتهم
تحسينها كامله والكامل الله
في لحظة صراحه قالت لنا انا مستحيل اطبخ .؟.؟ تلفتنا يمنة يسرا معقوله ماتزوجت وبكل هالحلاة والثقافه <
وردت على سؤالنا يوم قالت
انا اللحين بورطه بسافر بعثه عن قريب
ومعي زوجي وعيالي بس المشكله مااقدر امشي اوراق الشغالات اللي عندي ..سألناها معقوله ماجربتي تطبخين شي لزوجك ؟ قالت :لا ريحة البصل والكشنه مااستحملها !!!
يعني انا اتوقع بوجهة نظري المتواضعه ان حتى بنات العز تجيهم رغبه يجربون الطبخ ولاانا غلطانه !! [الزبده] موب ذا موضوعي السالفه اني انا مثلها مااحب الطبخ ولااحب المطبخ حدي فطاير برمضان وبسبوسة بنت خالتي اللي علمتني اياها من ثلاث سنين
تقف حدود قدراتي الطهويه هنا وبس ودخلت 21 سنه وانا ماعرف اطبخ رز
يااإما ينقلب جريش أو يحترق
إذا تعرفون مصطلح (الرفلا) للأسف اعتبر نفسي تسذا إذا تطرقنا لشان الطبخ ..امي دايم تهزأني والله يعين زوجك والمطبخ اللي يحتريك وانا مناك مافيه احساس ..انصحوني غديني اتأثر
وهل فيه حريمات منكم كانت مثل حالتي وانقلبت منال العالم مره وحده صقيقاتي المتزوجات حديثا وقريباتي
يقولون ان رجال هالوقت ماعندهم ماعند جدتي تحطين له اي شي وياكله صح ولا ! ابي تجارب ومحفزات جعلكن الجنه ياربـــــــ

يااارب اصير مـُعيده ياااارب ارزقني بالزوج الصالح ياااارب وفق من يدعيلي قولوا آمين


الله يخلي عالم حواء وكتب الطبخ انا كنت زيك لكن لما تزوجت واهتميت طلعت مواهب تخيلي فجاءه يجيك ويقول عزمت فلان على العشاء وانتي بديره بعيده عن اهلك

^
^
^
يوووووووووه الله يعينك لاان شاالله يصيرون اهلي جيراني
يعني لو ادخل منتداهم اتحمس ؟؟<<ماظنتي
يااارب اصير مـُعيده ياااارب ارزقني بالزوج الصالح ياااارب وفق من يدعيلي قولوا آمين


ياحبيتي عند اهلي كنت رفلا ومو اي رفلا مع مرتبة الشرف مره حطيت برغل على الدجاج على بالي بقسماط وقليته واول ماتزوجت سويت بيتزا احس لازم تكون بالمتحف وسيت بسبوسه الزيت بدل الشيره
بس الحين بسم الله ماشاء الله تبارك الله لاقوة الابالله احسن واحده تطبخ وانوع لزوجي وكل ماشوف حلى اسويه وايداماتي زوجي يقول بفتح مطعم وانتي صلحي الايدامات والافضل الاول لله ثم لزوجي الحبيب كل طبخه اسويها ثلالث مرات وتخرب ويسكت والرابعه تطلع تهبل ويحمسني فديته والفضل بعد لكتاب اطباق النخبه ولمطبخ عالم حواء وكل ماسمعت بطبخه رحت قريت عنها بقوقل الين افهمها زين واشوف اكثر من طريقه لها واسوي اللي يناسبنيوالحمدلل ه يارب لاتغير علي ترا باقي تمسك معاي اوقات اصير معرف اسوي شي وارجع ابدع
اللهم اني استودعتك زوجي وذريتي واهلي فاحفظهم بعينك التي لاتنام
حبيبتي انا اعطي نفسي بالطبخ70بالميه وكله بفضل الله ثم عالم حواء ترا مافي اسهل منه عالم حواء مايقصر والصور توضح لك اكثر وشي طبيعي تفشلين ببعض الطبخات انا تصير معي
انتي ابدي بالسهل للصعب
حاولي كل يوم تسوين طبخه مو شرط كذا صنف
علشان ماتطفشين وتتدربين على رواقه

ومافي انسان مولود عالم
بس يبيلك الاراده والعزيمه وانك قدها وقدود واستبعدي الفشل ولاتجعلين اي غلطه تحط من ارادتك وتحسسك انك عاجزه عن الطبخ



الساعة الآن 05:35 .