هرمون الحليب ... الله يسعد الي ترد علي

السلام عليكم ورحمة الله وبركاته

باختصار وبدون مقدمات الي تعرف اي شي عن ارتفاع هرمون الحليب تساعدني الله يسعدها

انا لي اكثر من سنه متزوجه حملت بالبدايه وسقطت ومن بعدها للحين الله مارزقني قبل يومين

رحت المستشفى وحللت وطلع هرمون الحليب عالي جدا جدا على قولت الدكتوره

المهم طلع الهرمون عندي (37)

واعطتني حبوب اخذها بالتدريج ابدا بنصف وحده بعد كم يوم اخذ وحده ويعد كم يوم اخذ حبتين

وتوي اليوم بدين واخذت نصف وحده اسم هذا العلاج (parlodel)

حسب الارشادات الي مع هذا العلاج ان له اعراض جانبيه دوخه وغثيان وقلق وحسيت فيها بس مو هنا المشكله

المشكله اني حاسه بخفقان في القلب وهذا مو مكتوب بالارشادات

يليت الي جربته تقولي هالشي عادي او لا ؟؟؟؟؟؟؟؟؟؟؟؟؟؟؟؟؟

والسؤال الثاني الي مرت بنفس الحاله واخذت نفس العلاج يليت تقولي بعد كم نزل الهرمون معاها

انا عارفه ان استجابت كل وحده للعلاج تختلف عن الثانيه بس من تجاربكم كم تنزلون بالشهر

لان الدكتوره قالت تعالي بعد 3 شهور

ومن قراتي بالتجارب بالنت فيه بنات يقولون ينزل الهرمون 20 او 30 بالشهر ..احسها صعبه

وبنات يقولون بالسنه ينزلون 10 او اقل وممكن يرتفع الهرمون بعد وهذي اصعب

يليت كل وحده تساعدي وتقول تجربتها وكمان كيف ممكن انزلها بعد توفيق الله

الله يسعد كل وحده ترد على دنيا واخره ويزقها بالي تتمناه