كوبونات الراقية تسجيل الدخول

'طااااااااااط

ادخلوا حياكم لحمايه بلادنا من التشتت

الملتقى العام •

!!حكمـــة متجـددة كـل يــوم!!


لا تستهزئوا بأوطانـــكم ,,,
(لئلا تستهزيء بــ شتاتكم الأمم)
هذي حكمه لقيتها بتوقيع وحده من البنات وعجبتني
انا عجبتني هالحكمه ليش ؟؟
لاننا محتاجين احد يوعينا هالايام
انتو اكيد شايفين الفتن اللي صارت بدول العالم الاسلامي اليوم
شايفين وش اللي صار بمصر وبتونس
والبحرين و و ....
انا بكلامي هذا ماادافع عن رئيس تونس المخلوع او رائيس مصر
انا ماادافع عن احد انا بس ابي انبه لنقاط مهمه
بعد مصر شفنا الثورات اللي قامت اللي في البحرين واللي مدري وين واللي يشجع واللي يسب واللي يذم
وياغافلين لكم الله
اللي صار بتونس بدايه فتن ماندري وين تنتهي
طاحت الحكومه التونسيه والمصريه ومن اللي طيحها؟؟
الشعب وماادراك مالشعب ناس تذبح ناس وناس تنهب بيوتهم
ويعتدى عليهم ليه لان مافيه نظام يحكم
وامريكا تتفرج وتقول عطوا الشعب حرية التعبير!!
اكيد سمعنا عن وجوب السمع والطاعه لولي امر المسلمين
والاحاديث في هذا كثير
طب ماسألنا وش الحكمه في طاعه ولي الامر ؟؟
الحين الاسره الوحده لو الاب مثلا شديد
ولافيه انترنت في البيت مثلا ومتشدد في الروحه والطلعه
على زوجته وعياله
وطفشت الزوجه من هالحال
وراحت لاهلها وش يصير؟؟
الاولاد بتخرب نفسيتهم
ويمكن يدشرون
والبنت بتدور عن حنان يعوضها حنان امها
والطفل الصغير بيهمل
ولو صبرت الام وتحملت وربت عيالها احسن تربيه ومشت حياتها
عيالها بيكونون ممتنين لامهم ومن صبر ظفر بيعوضها الله بعيالها
وبيكبرون ويبرونها
احنا حتى لو زوجها خاين نقول للوحد اصبري وحاولي تقربيله وتفهمينه
وانصحيه واذا مانفع نقول اصبري عشان عيالها مايضيعون لجل عين تكرم مدينه مانقول خليه هو وعياله وبحريقه
هذا على نطاق الاسره فقط
كيف على نطاق الدوله
لو يصير التشتت في الدوله بيصيرناش تشتت
وناس تقتل وناس تنهب وناس يعتدى عليهم
بالعربي بينعدم الامن تصير الوحده ماتقدر ترسل عيالها المدرسه
ولا يقدر يطلع الواحد برا البيت شبر مايدري يرجع والا لا
عرفتوا وش الحكمه من الطاعه لولي امر المسلمين لان مافيه زي الامن
حتى لو كان ولي الامر فيه عيوب مافيه احد كامل يمكن اللي يجي بعده
ظالم
الرسول صلى الله عليه وسلم امر بالنصيحه لولي الامر وليس بالانقلاب عليه لان لله حكمه في هذا
الفتن والمفاسد المترتبه على الانقلاب اكبر من ان الواحد يحسبهاسهله وهينه هذا غير عن اختيار رئيس جديد وانقسام البلد لطوائف سنه وشيعه كل طائفه تبي رئيس ويتقاتلون على الرئاسه وغير شماتته الدول الغربيه وسخريتهم
انا كتبت كذا من اللي اشوفه بالتلفزيون ومن اللي اسمعه من بعض الناس حولنا
ومن ضعوف النفوس اللي بدل مايحمدون ربي على نعمه الدين والامن والامان
يقولون الملك مايعطينا ومايعطينا
ماهم شايفين النعم اللي يغبطهم عليها الالاف ماهم شايفين اللي بالعراق
واللي مشتتين واللي مهاجرين واللي ببلد علماني مايقدر يقيم فروض دينه
واحنا الحمد لله ببلد يقيم شرع الله
يرفع فيه الاذان وتقام فيه حدود الله
ومع هذا فيه ناس ماهم شايفين نعم ربي عليهم
انا ماكتبت هالشي الا توعيه بس لان دينا امرنا بالنصح لولي الامر والولاء له ماهو تصيد اخطاءه
اتمنى اني وصلت اللي ببالي لاني الايام هذي وسوست بعد اللي صار بمصر والبحرين لان حتى في السعوديه شيعه يتمنون انه ينقلب الحكم الله يكفينا شرهم ادعوا يابنات اني ربي يتمم علينا نعمه الامن والامان والدين والعافيه ويكفينا شر المفسدين
اللهم من اراد بالاسلام والمسلمين شرا فاجعل كيده في نحره واجعل تدبيره تدميرا عليه
اللهم امنا في اوطاننا واموالنا واعراضنا وجعل هذا البلد امنا وسائر بلاد المسلمين
اتمنى من تدخل الموضوع ترفعه عشان يشوفه اكبر عدد ممكن
44
2K

يلزم عليك تسجيل الدخول أولًا لكتابة تعليق.

تسجيل دخول

.:.الكروان.:.
.:.الكروان.:. •
آللهم أحفظ بلادنا بلاد الحرمين وجميع بلاد المسلمين من كيد الأشرار
كلامك صحيح 100% بارك الله فيك
نور الغروب
نور الغروب •
اللهم انا نعوذ بك من مضلاّت الفتن
المشتاقه لحنو
المشتاقه لحنو •
يعطيك العافيه
كلامك سليم

اللهم انا نسألك ان تحفظ بلدنا وبلاد المسلمين
تولين 23
تولين 23 •
والله كلامك عين العقل الله يحفظ بلادنا وبلاد المسلمين من كل شر بصراحه اللى صار بالعالم شي يخوف نخلص من دوله نبدا بدوله ثانيه ان شالله بعد هذا كله تهدا الاوضاع ويعم السلام والخير على المسلمين يارب والله يصلح حال حكامنا وحكام العرب والمسلمين لانهم هم اساس الشعوب وهم رعاتها
'طااااااااااط
'طااااااااااط •
.:.الكروان.:. .:.الكروان.:. :
آللهم أحفظ بلادنا بلاد الحرمين وجميع بلاد المسلمين من كيد الأشرار كلامك صحيح 100% بارك الله فيك
آللهم أحفظ بلادنا بلاد الحرمين وجميع بلاد المسلمين من كيد الأشرار كلامك صحيح 100% بارك الله فيك
ااامين ومشكوره عالمرور اختي