اقتباس مشاركة  (ادعولي اتوظف)
الله يوفقج حبيبتي ياليت تعطيني يعد صينيه الخضار /"""" تحمليني الغاليه

اففففففف طفشني هالموقع من امس وانا اكتبلك طريقة صينية الدجاج بالخضار ولا رضيت تنزل

كل شوي يقلي تعذر تعذر وانا تعبت بالكتابه


اذا ارتاحت يدي بكتبلك هيه لانها لذيييييييييييذه وتستاهلين كل خير يالغلا
16-03-1432 هـ, 07:36 صباحاً
 
طريقة صينية الدجاج بالخضار 0000

قطعي خضار النوع اللي تحبين مكعبات وقطعي دجاج الى ارباع وخلي الجلد موجود رصيهم بصينيه واسعه

بعدين صلحي هالصلصه 00

معجون طماطم - ثوم مطحون - ملح وبهارات حسب الرغبه - فنجان زيت - خل - وكاستين مويه وحركيهم كويس

وصبيهم فوق صينية الدجاج والخضار بالتساوي وغطيها بقصدير ودخليها الفرن بحراره متوسطه من تحت لمدة ساعه

بس انتبهي شوفيلها كل شوي لاتنشف مويتها واذا استوت شيلي القصدير وولعي من فوق وحمري الوجه

وخليها لين تتحمر ويتحمر الدجاج وطلعيها وبالصحه والعافيه ياقمر

دعواتك لي لاني تعبت بالكتابه اكثر من مره وانا اعيد الطريقه عشان عيونك
16-03-1432 هـ, 07:44 صباحاً
 
بيتزا بس بدون عجينه نستبدل العجينه بخضار
ـ1ـ
بطاطس +كوسه مقليه




ـ 2ـ
1بيضه +ملعقة جبن +ملعقة مايونيز +بهارات وملح



ـ 3ـ نحطه على الطبقه 1



ـ 4ـ نحط عليه الصوص الاحمر للبيتزاـــــ بصل+طماط+معجون طماط +بهارات وملح
نكشن البصل ونحط عليه باقي المقدير



ـ 5ـ وبعدين حشوة البيتزاـ زيتون+فلفل بارد+نقانق+فطر+جبن موزرلا ماعندي بشرت جبن كرفت

ندخله الفرن من تحت وفوق شوي ما تأخذ وقت وتتحمر



مكرونة الربيان بالخلطةالهندية
...المقادير...
طبعاالمقادير حسب الكمية المستخدمة
روبيان او قطع دجاج مكعبات
زبدة
بصل
طماطم
بقدونس
زنجبيل طازج
بهارات ( كمون . فلفل اسود .. قرفة . كركم . مكعب ماجي . ملح )
4م صلصة طماطم . كأسكريمة خفق

...الطريقة...

1- توضع الزبدة في مقلاة عميقة او قر ثم يوضع البصل والزنجبيل
2- بعد ان يذبل البصل يوضع ( الدجاج او الربيان) ويقلبالى ان يستوي
3- نضع البهاراتوالملح والماجي
4- نضع الطماطمويقلب قليلا ثم البقدونس
5- نضعصلصة الطماطم ونحرك ثم كأس كريمة خفق ويترك 5 دقائق
6- ثم نضع المكرونة المسلوقة على المقاديرالسابقة
7- يقدم على طووووول وهوساخن

كفته البيتزا

لحم مفروم,,بصل,,طماطم,,فليفله,,كزبره ,,بقدونس,,زيتون شرايح,,جبن موزريللا,,بقسماط,,كاتشب,,ملح ,,بهارات ,,اريجانو

الطريقة:
نطحن البصل مع الكزبرهوالبقدونس ونخلطه مع اللحم والاريجانو والملح والبهارات وملعقتين بقسماط
ونرصها في الصينه

ونمسحهابالكاتشب
نضع فوقها الزيتونوالفليفله والطماطم
ثم نضع الجبن المبشور

نضعها في الفرن لمده نصساعه



جربيهم ودعيللللللللللللللي


16-03-1432 هـ, 08:11 صباحاً
 
والله عندي لج صينية من سهولتها لتسوينها كل يوم
و من لذتها بتسوينها كل دقيقة
بس افهميها عدل
انا عليمية مثلج بس كل كم اسبوع اطلع بشغلة ملطوشة بالنت و زوجي عباله اني طباخة
يقول منتي مثل اول ما تزوجنا ههههههههههه ما يدري المسكين شخبص فيه
الموهيم
اخذي حبتين بطاط و اسلقيهم بماي لمدة ساعة
عقبها اخذي صينية البايركس و قصي داخلها البطاط على شكل حلقات
و كوسة حلقات
و باذنجان حلقات
جزر حلقات
و بصل حلقات
و طماط حلقات
و قبل لا تحطينهم ، صفي فوقهم همبرجر اللي تجي مجمدة بأكياس
بدون لا قلي ولا شي، مجرد صف و هي مجمدة
و حطي فوقها كل الخضرا اللي قصصتيها
و صبي عليهم ماي مغلي لحد نص البايركس
و صبي عليهم اي نوع فلفل تحبينه حسب الرغبة ( أفضل شي فلفل الطماط اللي تسوينه بالبيت)
و حطي طماط معجون ( واحد ونص)
و حطي ملح حسب الرغبة ( غالبا ملعقة صغيرة)
و حطي شوية من بهاراتج اللي تحبينها
و خليهم على النار لمدة ربع ساعة
عقبها دخليها الفرن لمدة عشر دقايق ( أو لحد ما تنضج و تحمر)
و بالهناء و الشفاء
16-03-1432 هـ, 10:09 صباحاً
 
هلا اختي عندك بيتزا المكرونه لذيذه
http://forum.hawaaworld.com/showthread.php?t=2390656
وكمان هاي الصينيه تهبل
http://forum.hawaaworld.com/showthread.php?t=2287443
وعندك كمان هالطريقه
http://forum.hawaaworld.com/showthread.php?t=1856331
ودعواتك ياالغاليه
16-03-1432 هـ, 10:59 صباحاً
 


الساعة الآن 04:19 .