السلام عليكم كلكم
ابي اقولكم شي اسمحولي اذا بطول عليكم
اول شي انا ودي اشتغل
حاولت
اول محاولاتي سويت 3 باقات زهور صناعية لكن روعة واحد شكل عربانه والثاني سلة خشب والثالة مزهرية رائعة ووديتها محل لزهور وعرضتها لكن المشكلة
ان المواد المستخدمة غالية فأنا ما انقي اي شي
بعت واحدة والباقي طاحو بجبدي
حاولت اكثر من مرة اني اودي الدوام بضاعة لكن نادر من يشتري مني
يشوفون حالهم
ماعندي سوق اسوق فيه بضاعتي ومحد يساعدني
ابي اشتغل واكسب شسوي؟ عندي استعداد لكن المحيط محبط ويبط الجبد
ساعدوني
عندي فكرة جديدة بس اخاف اخسر
اشرايكم اشتري خام وافصل كم دراعة من ارقى التصاميم واعرضها للبيع
بس المشكلة شنو المقاس اللي اسويه؟ ووين اعرضهم؟

لاااااا تقولين كذا حبيبتي ترى احس بأحباااااط

الانسان لازم يوكل كل اموره لله وبعدين اجتهدي وشوي شوي بيكون لج نصيب

شوفي السلال اللي سويتيهم صوريهم واعرضيهم هنا


وممكن تودينهم محلات تبيع هالاشياء وروحي اكثر من محل ترى المحلات يكون

عندهم مصممين......يعني ممكن تحطينها عندهم للبيع ولو ما انباعت يرجعونها

لج ويكون لهم زياده على كل سله نص دينار مثلا واتركيها اسبوع او اكثر

وخليهم هم يحددون الزياده لأن لهم زباين ويدفعون عادي انتي بس حدد السعر اللي

تبين وهم كيفهم ان شالله يبيعونها بألف ............


الحاجه الثانيه الجلابيات مرغوووبه كثير بين الناس واذا عندك موهبه جيبي

اقمشه حلوه في فترة التخفيضات و وديهم الخياط وخيطهم عادي جلابيه بكم واسع

وبعدين انتي اشتغلي عليهم تطريز وشك واللي تعرفين

بالنسبه للمقاسات ممكن تجيبين ثلاث دراعات سمول ومديم ولارج وتودينهم للخياط

وفيه طريقه ثانيه ممكن تشترين دراعات مفصله وجاهزة اللي يكون عليها رسومات

بدون تطريز او شغل يدوي وتكون رخيصه بس قماش جيد وانتي تطرزين عليها

بس اهم شيء يالغاليه وحسب احتكاكي بالناس اول شيء سوي اشياء حلوة ورخيصه

وبعدين ما تكونين ثقه بينك وبين الزبون ارفعي السعر شوي يعني تدريجيا ولا اقصد

تغلينهم لااا طبعا اقصد تغيير البضاعه للافخم وممكن هم يطلبون منج اشياء فخمه

بعد ما يتعاملون معاج صدقيني هذي طريقه ناجحه جدا ويكفي ان جلابياتك لا يوجد

لها مثيل في السوق تكون خاصه فيكي انتي وبعد ممكن تبيعين الاكسسوار معاهم

وانتم بالكويت مشا الله الجمله عندك رخيص مرة

وترى ممكن تاخذين جلابيات بالجمله وتبيعينهم بسعر السوقوانا اعرف ان جلابيات

بالجمله بدينارين وفي السوق بأربعه ولا تنتظرين الربح السريع لان التجارة تبغى صبر

وصبر وصبر...........

بالنسبه للزباين ممكن كل وحده من رفيقاتك تحطين عندها كم جلابيه وهي توديها

لصديقاتها وهكذا.................... .........

فيه ناس تجيب جلابيات جمله واكسسوار جمله وتبيعه بسعر السوق وربحانه

اسسسسسفه على الاطاله بس حبيت افيدج يالغاليه لاني زيج بعد

ونفس سالفتج والله يفتح لج باب الرزق أأأأأأأأأأأأأأأ أأأأأأأأأأأأأأأ أأأأمين يالغاليه
اختي الكريمة اسمحولي
تذكري دائماً ان التجارة لازم يصير فيها خسارة والخسارة يستفاد منها ونتعلم منها واعتبري ما حصل لك ما هو الا دورة دفعتي فيها مبلغ ،، عموماً انا ما اريد اطول لأن الاخت / بنت شمر((الجبيل)) كفت و وفت.

على فكره ليه ما تطرحين منتجاتك هنا لعل وعسى !

وبالتوفيق اختي
بعد عمري والله عطيتوني امل بالحياة والله راح ابدي **** الله
بس تصدقين ماعرف مكان الجملة اذا ممكن تعلميني عالخاص عشان محد يسرق افكاري
صح صوريهم واعرضيهم في المنتدى صدقيني بنات حواء ما بيقصرن معاج والله يوفقج ****لله


الساعة الآن 11:55 .