السلام عليكم ولرحمة الله
بنات والله محتاجه مساعدتكم أول شي ابي أعرف كيف طريقة الدجاج لما أطبخه لوحده مو مع الرز يعني لما أسلقه وبعدين أقليه أو أحطه بالفرن أنا لما أسلقه واحطه بالفرن مايعبني طعمه ماأعرف أطبخ تكفون أعطوني الطريقه كيف والسؤال الثاني أبي طريقة الايدام المشكل نفسي فيه ولا أعرف أسويه والباميه والله اللي بتساعدني يتآخذ أجر فيني مرره قرفت لاني أطبخ ويخرب ومايعجبني مو عارفه وش أسوي قلت مالي غيركم مااراح تقصرو معااي
حبيبتي المنتدى مليااااااااااااان وصفات انتي بس امشي ع نفس الطريقه وان شالله كل شي يضبط معك

*

*

للطب والاستفسار التواصل واتساب 0560506997
لرؤية جديدي ارجو متابعتي على تويتر و الانستقرام
@oumjody
مشكوره اختي بس ياليت وحده تفيدني بطريقتها واكون شاكره لهااا
الدجاج لحاله لازم تغسلينه زيين من الزفرة بالموية والملح والليمون
وبعدين لازن يتبل موب مسلوق على طول
وبعدين يمكن يرجع لنوعية الدجاج حقكم لاتاخذين مجمد او شركات اجنبية خذي مبرد وطني مثل الوطنية والاخوين
وتبليها بتوابل ونكهاات
واما الايدام عادي كشني بصل وطماط وشوي صلصلة وقطع لحم او دجاج وقطعي خضارك
وابدئي بوضع الاشياء اللي تحتاج طبخ اول مثل البطاطس والجزر والفاصوليا بعدين اتركيها تطبخ اذا حسيتي بدت تستوي ابدئي بوضع اللاشياء اللينة مثل الكوسة والقرع وهكذا
الباميا مثل طريقة الايدام بس اضيفي لها ثوم
ودعواتك لي بالشفاء والفرج والعافيه وتفريج همومي





مرحبا ياحلوه
اول شي اذا تبين دجاج ع الفرن ولا مقلي لاااااااااااااااا تسلقيها طعمها كله يروح

هذي طريقة دجاج مقلي ..
تجيبين الدجاجه وتقطعيها 4 قطع وتحطي
ملعقه صغيره ملح .. وفلفل اسود _ وكمون >>>يعني بهارت مشكله
وحطي ملعقة اكل خل او ليمون عشان تطلع الريحه حلووه وثوم مطحون (( في في بنده ثوم مطحون مرره روعه جاهز في علبه ))
وبصل مقطع مربعات وحركيه ززين

جيبي مقلى كبير وحطي زيت كثيرر يعني مثل كمية قلي البطاطس
وخليه شوي على النار لين يحمى
وشوف ي اذا الزيت صار حار حطي الدجاج
وخليه على نار وسط وكل 5 دقايق اقلبيها
ما تاخذ منك نص ساعه
واذا تبي تعرفي شلون استوت جيبي سكينه او شوكه واغرزيه

اووو انك تشتري فيليه دجاج (( الصدوور))
وتقطعيها مربعات وتقطعي معها جزر وفلفل رومي وبصل وثوم
وتحطيها على الصاج وحطي بهارات وملح واذا حبيتي معجون طماطم
وصبي عليه زيت مقدار كاس شاي واذا كانت كمية الدجاج كثير يعني 4 قطع زيدي زيت
حركي عليه لين يستوي ويتغير لون الدجاج
واذا تبي تعرفي اذا استوت جيبي عود اسنان واغرزيه فيها او انك تذوقين قطعه صغير
وبعدها صفي الدجاج من الزيت
وحطيها في صحن مع بطاطس وشوي حركات

......................................

وهذي طريقة الدجاج ع الفرن

تقطعين الدجاجه من النص ولا تشيلين الجلده
وتحطيها في صحن كبير
وتجيبي فلفل رومي وجزر وكوسا مقطعه قطع رفيعه
وبصل شراايح وثوم مطحون وتحطيه على الدجاج وتحركي
وبعدها حطي البهارت وملعقه خل وملعقتين شطه وحركي عليهم زين
((((((((((( لا تحطين مويه ابد لان الدجاجه من الحراره بتطلع منها مويه )))
جيبي صينيه وغطيها بـ قصدير (( لازم ))
وحطي الدجاج عليها
او ل شي ولعي الفرن من تحت
بعد ربع ساعه اقلبي ادجاج لين يتغير لونها >>> يعين تقلبيها 3 الى 4 مرات
ثم شغلي عليها من فوق بس لاتخلي الصينيه مرتفها وقريبا من النار عشان ما تحترق
تاخذ معك من ثلث ساعه الى ساعه
طعمها مرررررررررررررره روعه
واذا حابه رشي عليها جبن تشيدر (( كرفت )) ورجعيها الفرن عشان يذوب يطلع طعمها حلووو

هذي طريقتي بـ الدجاج ان شاء الله تعجبك

وعن الايدام المشكل
1// جيبي بطاطس وجزر وكوسا وحبه طماطم
واذا تبي زياده جيبي باذنجان و6 حبات فاصوليا و6 حبات باميه وفلفل رومي
المهم تقطعيها مكعبات صغيره

2// تقطعي الدجاجه 4 قطع وتخليها في المويه ربع ساعه مع ملعقه خل او ليمون
3// تجيبي بصل مقطع قطع صغيره وثوم مطحون (( وبهارت مشكله ))
واذا تبي الايدام احمر حطي معجون طماطم
او حطي كركم يطلع لونه اصفر بس احلى شي الايدام الاحمر

الطريقه
1// تحطين الزيت على نار هاديه وتحطي البصل لين يتغير لونه وبعدها حطي الثوم وحركي عليهم
2// حطي قطع الدجاج على البصل وغطي على القدر لين يتغير لون الدجاجه
3// حطي البهارت والملح و والكركم او الامعجون الطماطم
وحركيه عليهم زين وغطي القدر ثاني مره عشان تكسب الدجاجه طعم
وبعدها حطي الخضار وحركي عليهم وبعد دقيقه حطي مويه
وتقدري بعدين تاخذين نص دجاج الايدام وتحطيه بالفرن
لين ياخذ لون وتحطيه على الرز

ونفس الطريقه تقدري تسوين الباميه والفاصوليا

واذا كنتي تبيها ساده بدون دجاج
تقطع البصل وتحطي البهارات ومكعب واحد من ماجي نص حبه طماطم
ومويه وخليها شوي تغلي وحطي اللي تبين خضار مشكله او اي شي تحبيه

وبــــــــــــــــــــــــــــــــس
اتمنى اني قدرت اوصل لك الطريقه وان شاء الله تعجبك
دعواتك اني انقبل في الكليه هذي السنه مليت من البيت
او القى وظيفه حلوووه ...
واي استفسار انا حاضره


الساعة الآن 12:02 .