السلام عليكم ورحمة الله وبركاته..

صباح الخيروالفل..

بدخل في الوضوع دغري..؟؟؟

بنات عندي عزومه يوم الخميس القادم اصدقاء زوجي ومعهم مشايخ معروفين وزوجي يبي عشاء بوفي وانا ماعندي احد يساعدني لوحدي تكفوووووووووووو ووووووووون الفزعه ..
وش اسوي اصناف ...
ومتى ابدا وأنا خايفه مايكفين الوقت..؟؟
والمشكله إذا احد جاب عائلته كيف اجلس عند الحرمه او اضبط العشاء والى وش السوااااااااااا اااااااااه بنات تكفن لتخلاني احس اني مرعوبه والخميس ماجاء..

وتكفن تكفن الله يفرج همك في الدنيا والاخره ويرزقتسن من حيث لاتحتسبن محتاجه شغاله يوم واحد يعني تجيني يوم الاربعاء بالليل وتروح لخلصت العزومه يوم الخميس من تعرف شغاله ..وله دعوه..
انا ساكنه في شرق الرياض في النسيم..

الله يكون في عونك
تقدرين تسوين بعض الاصناف من هالحين وتفرزنيها
مثل السمبوسه والسبرنق ورق العنب والكفته بس تقلى بنفس أو تطبخ بيوم العزيمه وحت بعد الحشوات اذا بتسوي مكرونه
حتى الحلى سويه قبل بيوم
ابدي جهزي من الان ...الاشياء الفرعية والحلا مثلا اطحني البسكويت والسكر وفرزني السمبوسة واكتبي طلباتك بالتفصيل
سوي محاشي ومكرونة وانواع العصيرات
اما الرز والذبيحه من طبخ برا البيت

{ وَقُل رَّبِّ ارْحَمْهُمَا كَمَا رَبَّيَانِي صَغِيراً }



شوله وعروب .

الله يفتح عليكم ويشرح صدركم وينور دربكم ياارب..
بس انا محتار ه وش اسوي اطباق ابي شي يبيض الوجه..
الله ييسر امرك مثل ماقالن الاخوات المقليات زينيهن الحين وحطيهن بالفريز السلطات قطعي البقدونس والجزر والملفوف قبل بيوم ام الصياني سوي صينيه مكرونه البيزا من الضهر حلوه وسهله وسوي قرصان يكفي والحلى سوي الحلى قبل بيوم مايضره شوفي نصيحه من انا سويت عزيمه كل شي حطيته ماكلوهن الرجال اهم شي عندهم الرز خليه من بر ازين لك الله يكون بعونك


الساعة الآن 05:37 .