السلام عليكم ورحمة الله وبركاته

يا اخواتي انا من كم سنة كنت شااااااطرة بالمرة بتصليح الكبسات
او اي طبخة يكون فيها رز لانه ماشاءالله الرز يكون نثري وكان دائما
زوجي يعزم اصحابه واقاربه وكلهم يثنون على طبخي
الحين ما ادري وش الي حصل صرت كاني مبتدئة الرز يطلع ملبد
او مااااااااااااااااالح او حب يعني ما استوى او ماله طعم
والله حتى زوجي يقول وين طبخك الزين هذاك وش الي صار لك
بسم الله ما ادري وش الي حصل
حاليا زوجي لسه راجع من السفر وطفشان من اكل المطاعم
عاد ودي منكم يا اخواتي السنعات تعطوني طريقة او طبخة اضبط فيها الرز
وياليت تقولون لي وشلون اخلي الرز نثري من جديد
ومايمنع انكم تعطوني طبخاتكم الجديدة واللذيذة لاني احب التنويع
لاحرمكم الله الاجر ..
26-03-1432 هـ, 10:18 صباحاً
 

لا توجد تقييمات لهذا الموضوع

يمكنك البدء بإعطاء تقييم عبر الضغط على النجوم أدناه:
5
4
3
2
1
شوفي يالغاليه انا كنت اطبخ الرز حلو مره ومرت فتره صار الحمد لله ما يتاكل
بس صررت اكثر الزيت وصار طعمه روعه ونثري بس موصحي ابدا للاسف
26-03-1432 هـ, 10:41 صباحاً
 
ودي أساعدك بس بنسبه لي ما أعرف أزبط الرز لازم يكون عبيط أو ناشف والحمدلله
26-03-1432 هـ, 10:56 صباحاً
 
يمكن غيرتي نوع الارز او الكيس نفسه بس مغشوش احيانا تصير معي وشوفي قسم اطباق عالم حواء رووووووووووووعه دايم اطبخ منها وخاصه الكبسات
26-03-1432 هـ, 11:11 صباحاً
 
شوفي ياعسل قبل لا تنشف مويه الرز ذوقي الحبه وشوفيها اذا ما استوت زيدي مويه ولا تكثرين لانه بيكمل استوائه على البخار واذا صارت مستويه مررره اغرفي من المويه وخلي النار شوي عاليه عشان ينشف بسرعه وبعدين قصري عليه مرره واذا حسيتي ان الحبه كويسه ومتوازنه مع المويه خلاص انتظري لين ما ينشف وقصري النار عليه ولا تخلين الرز يبطي على النار عشان مايلتبد وبس
26-03-1432 هـ, 11:22 صباحاً
 


الساعة الآن 07:03 .