عشـــــــوقه تحييكم وحياكم على قل الكلافه

هوبلااااااااااااااااااااااااااااا..


لقد عدناااااااااااااااا الله يكفيكم شرنا وغثانا ..

وحي الله الوجيه السفره ..>> سفره ولا السماااااط ههههاي

تصدقون يشهد الله ان لكم وحشه كبيررررررره..

قد البحر وسمكاتووووووووووو..

بس وش أسوي مالي وجه أطل عليكم وأنا ماعندي ماعند جدتي ..

اكتفيت بردود وقلت ياوجة استح متى بتنزلين موضوع سنة كاملة وانتي تقبلين وتقفين على المنتدى ويدينتس فاضيه على الأقل ادخلي عليهم بحزمة كراث كود أنهم يتأكدون انتس مشتركتن معهم << قامت تخبط الأخت


على فكره وش في المنتدى تسذا ..

ساعة على بال مادخلني ,,

تعبت وأنا أقول أنا عشوقة يامال العنقز افتحوا,,

لكن شكله مستنكرني وقالبن علي ياكافي الشر..

قسمن انه تكدر خاطري يوم شفته تغير << ما أحد أخذ رأيك

قسم بالله إن القديم أصرف بمليون مره..

هذا ثقيل بشكل يفقع المرارة والله..

يالله الشكوى لله ..



شكلي بشد من المنتدى بس << هو أنتي أمداك ترزين خشتك عشان تشدين ..


عموووووووما ,,




خلونا نخش في الغويط باء باء لأن موضوعي هذا خابصته على بعض .. وتحملوا ردائته وانا أحاول ارجع لياقتي الصرقوعية وهذا تسخين بس ..


وهو عبارة عن مواقف مريت فيها ..

الموقف الأول الله لايوريكم خشتي يوم مريت فيه .. لأن خشتي تمردغت ياقدعان

لأنه من أصعب وأحرج المواقف اللي مريت بها .. وهو كالتالي :

كان في ذاك اليوم عندنا إختبار في الجامعة جامعين أكثر من قاعه وحاطينا في القاعة الكبرى في الجامعة اللي تعرف جامعة الإمام أكيد تعرف القاعة الكبرى فيها ..

المهم والعالم في القاعة ساكتين ولاحس فيها غير تصفح الأوراق ..

في هالوقت كان على رأسي ثنتين من المراقبات كانوا جالسين يحكون بصوت خفيف جدا ,,

في هالوقت صار لي الموقف السخيف اللي من جد سبب لي حرج كبير ..

(بطني في هالوقت قام بإرسال غارات جوية صوتيه وبكافة الأشكال والألوان بس لاتفهموني غلط يالزاحفات ) أقسم لكم أنه

ماكانت ذيك أبد ..

والله صوووووت بس من دون تبعات آخري ,,

ومصدرها بطني بس مو مكان آخر <<< كخخخخخخخ
ارجع أوصف لكم شكلي ونظرات اللي حولي لي ..

المشرفتين اللي على رأسي جلسوا يضحكون ضحك وغيروا أماكنهم (هههههههاي ما ألومهم خايفين ) بس والله هم فهموني غلط والله لوها ذيك اللي انتم خابرينها والله ماقعد في القاعة ولا دقيقه بعد بيكون لي وجه اترزز عندهم لا والله


ولا البنات اللي حولي كل وحدتن فيهم مبققه عيونها فيني وكأني فيهم يقولون وش فيها ذي قامت ترسل هالغارات (عاد الإمتحان ماكان صعب عشان يكون لي حجه أن صعوبته يسبب لي هالإنفلات) ههههههههههاي ,,


وصديقاتي أول ماطلعت من القاعة حاصروني وهم ميتين من الضحك يقولون وش اللي سويتيه في القاعة المهم إن علومي ضاعت بسبب هالموقف اللي أقسم لكم انه غازات بس طالعه من بطني والله مب من مكان ثاني لاتحدوني احدد مكانه <<< هههاي بتخربها هالدلخة كخخخخخخخ


وزي ماقلت لاتفهوني غلط لا أمردغكم بعد انتم ,,,


الموقف الثاني هذا صار لأخوي في بيت عمي /

أخوي كان نايم في بيت عمي ومن سوء حظه أنه نام على سرير ولد عمي ..

إلا وهالضعيف يجيه تشويت وطق مب صاحي أخوي منقهر وده يقوم يشوت هاللي يتشوتة لكن ماقدر يتهور وهو يسمع صوت هاللي جالسن يتعفجة ويتشوتة بشكل خيالي ( كانت بنت عمي ) جالستن تمردغ أخوي عينك عينك وهو ساكت ومرقط ولا يدري وش السالفة ..

طلعت السالفة أن أخوها قبل مايطلع من البيت عفسها وطقها طق مب صاحي عاد أهي توعدته وقالت لمن يرجع والقاه نايم راح اخذ حقي منه بس إن هالمرجوجة مادرت ان هاللي طقتها كان أخوي اللي أخذ علقه مب صاحية حتى انه ماعلمنا بسالفتة أبد إلا يوم قالت بنت عمي لي السالفة مت ضحك ..

اما بنت عمي فتقول انه مافك اخوك مني إلا دخلت أخوي للبيت وقتها حسيت ان في الموضوع إنَ ..


هههههههههههههاي والله ونااااااااسة وموقف من جد رهيب ..


هالمهوية تخوف هههههههههاي


(ويلوموني لاقلت ودي أصير طقاقة عروس) كخخخ

انتم تعرفون ان مهرجان الجنادرية كان في الأسابيع اللي فاتت ..<<< بشري جدتك

المهم اني بعد مرور أكثر من 5سنوات رحت للجنادريه بعد جهد جهيد وكنت متخيلتن ذا العالم طقاق عند التراث وأمور القدم من كثر ماأشوفهم يتحرون وقت الجنادريه ..

لكن اللي تفاجأت فيه إني شفت هالحريم كأنهم ماشافوا طق ولا راحوا أعراس في حياتهم ,,

طقاق عشان يدخلون ركن المدينة والقصيم وجيزان اللي كانوا في ذيك الأيام مدهرين في الطق من صباح الله خير ..

أنا رحت وقت الظهر تقريباً الساعة 1 الظهر كنت في الجنادريه وقدر الله علي وأدخل ركن المدينة الساعة 2 وكأي كائن بشري ونسوي خصوصا شفت الزحمة وقلت وش عندهم ملتمين لازم أدخل وأشوف وش السالفة إلا و أدخل بحمد الله للمكان اللي كان فيه العرض والطق قسم كانت الشمس تصقع في جباهنا من ظهر الله وحر ويوم إربعاء وزحمه والعالم طق وأغاني وهبال ورقص صراحة ما أكذب عليكم وأقول إني ما قعدت هناك لأني قعدت شوي وقلبت وجهي بعدها لأن كبدي انحمست وأطلع وعلى العصر إلا أوصل ركن القصيم واجلس جمب مجموعة من الحريم كانوا ينتظرون متى يدخلون في داخل البيت الشعبي حق أهل القصيم والله إني كنت أحسبهم يبون يتفرجون عليه لكن من سوالفهم عرفت انهم ودهم بالطق والرقص لا ووحدتن من الحريم تقول اقسم لكم اني شبعانة عروس (شبعانة وش اللي منصصك هنا يامال العنقز) لكن صدق ربعنا عندهم هوس بالطق ..

ولا هاللي جالستن تغني ياهي قاهرتني قدرت تسحب خلق الله وتسوي اللي عجزت عنه الأركان الثانية المختصة بالثقافة والمعلومات اللي خسرت عليها الدولة الشيء الكثير,,

تقول وحده من صديقاتي وهي سعودية طبعاً (وش ظنك بتكون لبنانيه يعني) هع هع المهم انها تقول من كثر ماحنا منهبلين في الطق أي مناسبة عندنا لازم نطق فيها (تمايم المواليد إن كنتم تعرفونها ) تحلف لي انهم يخيطون ثياب جديده ويتجهزون كأنه يوم عرس ويطقون فيه وأول من يرقص هي الحرمه الوالدة ..<< والله رايقين ماشاء الله

ومثلها إذا سكنوا في بيت جديد ..


ياخوفي يتطور الأمر ونشوف في اوقات العزاء فيه طق وممنوع اصطحاب الأطفال ..

يالله ما ودي أثقل عليكم وأقولكم سلملم للغوالي ..

وأعذروني على هالموضوع السخيف لكن حبيت اسلم عليكم..





تحياتي للجميع