حبيباتي ... الغاليات ..
بيجوني ضيوف على الإفطار وش الطبخات المناسبة ممكن أقدمها لهم ....
أرجوا المساعدة
أصعب شي عزيمة على فطور ، ممكن تسوي:
بان كيك : تحطي شريحة في صحن وفوقها شريحة بيض وفوقها بان كيك وتزينيها بالسيروب او العسل ، واذا حبيتي بدور لك طريقة البان كيك


توست باللبنة: تصفي في صينية توست منزوع الأطراف وتضعي طبقة لبنة كثري شوي عشان يبان طعمها وغطيها بطبقة ثانية توست واخلطي 6 بيض + 2 م ك جبن كاس + ملح + فلفل حسب الرغبة وصبي الخلطة على الصينية وزينيها بزيتون شرايح وحطيها في الفرن لين تتحمر .


ممكن تسوي اطباق مثل الفول والكبدة والشكشوكة
اذا تذكرت شي ثاني برجع
والله يعينك
أشكرك حبيبتي .... لكن وش تقصدين (بان كيك ) وهل يؤكل بالملعقة ولا بخبز
لا تتأخرين بالرد الله يخليك
والبقية أين أنتم ؟؟؟؟

البان كيك

المقادير
2 كاس حليب
2 كاس طحين
4 بيضات
م ك بكنج بودر (م ك يعني ملعقه كبيره)
2 فنجان سكر
بياله شاي زيت
م ص بكربونات صويا ( م ص يعني ملعقه صغير)
توجد البكربونات في السبورماركت
يجب ان تكون العجينه سائله قليلا وليس سميكه

بعد خلطها تحمي مقلاة تيفال وتمسحيها مسحة زيت خفيفة وتبدي تصبي العجينة طبقة رقيقة على قد المقلاة ( ممكن تستخدمي مغرفة او بيالة ) وتخليها على النارلين ينشف وجهها وتظهر فقاقيع تقلبيها عشان تحمري الوجه الثاني وتشيليها لين تخلص الكمية ، بعدين سوي في نفس المقلاة اقراص بيض ( عشان تكون بنفس الحجم ) وكملي زي ما قلت لك فوق
الزيت ما تحطي الا في البداية مو كل قرص تحطي زيت
اما كيف يوكل لا بالخبز ولا الملعقة هو يوكل بالشوكة والسكين ( الإتيكيت مقطع بعضه)


وهذي طريقة ثانية

عجين الكريب أو ( البان كيك ) :
1 كأس حليب سائل +1 كأس دقيق + 2 بيضة ملعقة بكنج باودر تخلط في الخلاط وتكون سائلة مثل القطايف نأخذ ملء المغرفة ويصب في الصاج بحيث تكون دائرية ورقيقة , ويمكن أن تنوعي في حشوتها إما مالح أو حالي .

واي استفسار انا حاضرة بس قولي لي متى العزومة وايش نوع الأطباق اللي في بالك
السلام عليكم..

ممكن تصلحين تشكيلة سندوتشات مثل كلوب ساندوتش وسنادوتش حلومي ..

وشوفي بقسم الساندوتشات اشكال والوان...

تحياتي
اللهم فارج الهم فرج همي
دعواتكم


الساعة الآن 12:17 .