السلام عليكم
اكيد استغربتم من الموضوع وكثير في انفسهم الحين يقولون مايهمنا تحبنا والا لا
بس بقلكم طريقتي مع زوجة اخوي اللي خلتها تحبني والنتايج
لما كنت بنت مو متزوجه كنت مااتدخل بينها وبين اخوي الا اذا سالتني وخذت رايي وغالبا يكون في صالحها لاني عارفه احساس الانثى
من دخلت بيتنا ماقد خليتها تتعشى لوحدهااو تطبخ لوحده ومااساعدها لانها مثل اختي مو معقوله تاكل وحدها واحسسها انها غريبه
اذا زرتهم وكان اخوي موجود اقلها يافلانه تراك نحفانه ومحلوووووه
اذا امي زعلت منها مااحط الزيت ع النار واقول الا هي غلطانه والمفروض تحترمك
اقول ياماما يمكن عندها الدوره والا طفشانه واخوي مقصر معاها واحاول اصفي قلب امي عليها
اذا نامت وطولت بالنوم اعذرها واقول عندها اطفال مايخلوها تنام بعدين هذا بيتها المفروض تاخذ راحتها
اذا نزلت السوق والا بغت تتمشى ماالزق بعيايتها واقول جايه معاكم لان عندي اخوان مو متزوجين بامكانهم يوصلوني من غير مانشب لبنت الناس
وعندي زوجي ربي يحفضه ما تنتهي الدنيا اذا أجلت السوق الين يفضى
اذا جوا نفس الديره اللي انا عايشه فيها
ما الزق لهم عند الباب يمكن يبغو يتمشو يمكن يروحو السوق مايصير كل مخرجت لازم تمر علي
اقول لماما اناكأني مادريت مابروح الا اذا عزموني واذا عزمني اخوي اقله انت روح تمشى والا روح السوق وانا يمديكم عل
اذا زوجة اخوي قالت كلمه سواء تقصد شي والا ماتقصد مادقق ابد واصلا فيني طبع ولله الحمد مافهم الكلام من تحت لتحت
احاول انبهها على نفسها لان اخوي اعرف طبعه واحاول اشجعها تهتم بنفسها اكثر واحط لها مكياج واسوي منكير لاضافرها واشجعها تغير استايلها لان الوحده اللي عندها اطفال ورى بعض تحتاج احد يذكرها تهتم بنفسها واحسها تتقبل مني كثير
اذا زعل منها اخوي وغالبا يطلع يقول لي وش صار بينهم احاول اهدي الامور واقله ترا هي مزحومه وطفشانه ولاتلومها وزوجتك طيبه وترا هي اكيدتبي تصالحك بس موعارفه كيف واحاول اصغر غلطها بعينه اليوم الثاني يطلعو متراضين الله لايغير عليهم
اذا رحت لاهلي واعرف اخوي مايمشي زوجته كثير ولا يقضي لها ماتفشخر قدامها واقول سويت ورحت واكلنا واشتريت
اذا اشتكت من اخوي اقول ترا كل الرجال كذا حتى زوجي يسوي نفس الشي واحاول ابين حسنات اخوي لها واقول ترا هو طيب وحبوب ويحبك ومايبي غيرك
هذي بعض الامور اللي اسويها لزوجة اخوي ولله الحمد احس اننا مره متفاهمين ونحب بعض والحمدلله ان شاء الله ربي يزرقني ماتمنى ويسعدني مع زوجي
اتمنى انكم تنبهوني اذا وحده منكم شافت اسلوبي فيه شي غلط عشان اعدله لاني مايهمني الا سعادة اخوي وزوجته الله يسعدهم ويعطيهم مايتمنون
على فكره زوجة اخوي ساكنه مع اهلي وانا اشوف ان الزوجه لوطلعت طيبه فمن تعامل اهل الزوج ولو صارت سيئه فاكيد اهل الزوج هم حدوها انها تصير كذا يشوفو ين الغلط ويصلحوه