ركبت لولب وحسيت اني استعجلت خبراتكم بلييز

السلام عليكم ورحمة الله وبركاته
كيفكم ياحوائيات


انا اليوم لي 37 من النفاس وركبت لولب وهذي ولادتي الثانيه
المهم ابي اسئلكم نزل معاي دم هل هو طبيعي ينزل دم بعد التركيب ؟

سؤالي الثاني انا ناس قالوا لي اللولب مايتركب الا عقب كم شهر من الولاده ولما سألت الدكتوره قالت موصحيح عادي يتركب بأي وقت
ولما ركبته وخلصت سوت لي التراساوند علشان تشوف وضعه وقالت الرحم مايل للخلف شوي بسبب الولاده وهذا شيء طبيعي وراح يرجع الرحم وضعه الطبيعي بعد كم شهر !!واللولب ماراح يسبب لك مشاكل ان شاء الله
طيب سؤالي هل عادي يتركب اللولب والرحم مايل شوي ولا الدكتوره ماعندها سالفه ؟


السؤال الثالث اناطهرت بدري في نفاسي يعني تقريبا من اليوم العشرين في النفاس بدا يتقطع الدم ثم خلاص اختفى وصار ينزل معاي افرازات بيضاء
المهم انا ودي أعرف متى بتجيني الدوره لانو سمعت ان اللولب يخلي الدوره متعبه وغزيره وانا بسافر عقب 10 أيام تقريبا واخاف تنزل علي الدوره بالسفر واتبهذل واتعب تعرفون سفر ودوره متعبه :(
هل ممكن تنزل الدوره على هالأيام خصوصا ان اخت النفاس ماجتني

انا مره ضاق صدري وحسيت اني استعجلت قلت ياليتني ماكله حبوب لحد مايستقر وضعي ثم اركب اللولب بس قدر الله وماشاء فعل

بليييز لاتسفهوني انا مره شايله هم مدري هو الموضوع يستاهل ولا نفسيتي اللي رايحه فيها هالفتره :09: