وانا بعد ابي اشارك الله يوفقكم
مرحبا خواتي

بالنسبة للموضوع يباله شوي ترتيب مثل ماقلت قبل وخبرت الأخت أم طلحة لازم رسالة من البنات المشاركات في المعرض يقولون فيها نحن نبا نسوي معرض في حديقة الحزام الأخضر ولمدة معينة تكتب المدة ومب لازم رخص تجارية وتكون هاذي الرسالة معنونة لادارة الزراعة والمتنزهات بالبلدية ( بلدية الشارقة ) وبعد بالنسبة لموضوع الشركة المنظمة علشان البنات يعرفن وين بيحطن أغراضهن لازم كل بنت في خيمة صغيرة وعندكم مثال مهرجان الزهور والحدائق اللي موجود حاليا في حديقة المجاز شفتوا الخيم من هايلا أطري وأنا ممكن أيب لكم عنوان الشركة المنظمة ولو حد من الأخوات تعرف حد يرعى هذا المعرض بيكون تمام وإلا لازم ندفع ثمن الخيم لاتخافون *****الله بتفرج قولوا أمين
أورجنزا
هلا وغلا عزيزتي اورجنزا عزيزتي اذا ما يبيلها رخص تجاريه تمام الحمدلله خلاص الغاليه خلال هاليومين بنصيغ الرساله وبنعنونها ان شاء الله وبعرضها للبنات ولج علشان تشوفون اذا شي ناقصه
وبالنسبه للخيم او البوثان اشوفها تمام علشان عالاقل نجابل الزباين من الواجيه مب من كل صوب ونختبص يمين يسار .. وان شاء الله اذا حصلنا راعي للمعرض والله حلو لكن اذا ما حصلنا ممكن مثلا كم بنت تشترك بخيمه وحده وتاخذ كل وحده جزء خاص فيها ويبيعن بضايعهن علشان ما تكون خسارتهن وايد والا شو الراي ؟


بالنسبه لوقت المعرض طبعا لازم نعطي البلديه وقت شوي يكون بعيد علشان ياخذون وقتهم بالموافقه وناخذ وقتنا بالترتيب




وجزاج الله خير اختي اورجنزا وآمييين الله يسمع منج




بنات محد يبي يسجل اسمه ؟






الساعة الآن 01:43 .