السلام عليكم ورحمة الله
بأدخل في الموضوع على طووووول

بنات أنا نفسي أكون تاجره ويكون لي دخل خاص فيني
صح الوالد مو مقصر لكن أنا ابي أعتمد على نفسي

ياليت تفيدوني بخبراتكم
محتاره كيف أبدء ... من مبلغ بسيط
أخواتي يحطموني .... وأنا عندي عزيمة وإرادة
وأبي اثبت لهم إني قادرة

انتظر أخواتي التاجرات

تم اغلاق الموضوع لانتهاء الغرض منه والفائدة تمت وقد تحول الموضوع لتجارة بشكل غير مباشر من عضوات غير في اي بي
انا تاجره في منتديات ثانيه بدات والحمد لله تجارتي ولله الحمد بمبلغ زهيد 720ريال
اخذت من مورد عطورات الشنطه مرغوبه كثير وخصوصا عند العرايس الوحده بدل ما تاخذ عطر بمبلغ 300 او400
تشكل لها مجموعة عطور بهذي المبلغ عطرها ماتغير الشكل بس تغير
مع العطور اضفت لمعة الفازلين وهذي مشاء الله مرغوبه يمكن لانها جديده
واضفت الخمريات شعر وجسم وهذي لا يمكن احد يشمها مايشتري
وبعدين اضفت معطرات المفارش

طبعا انا بديت ولا زلتاغلب زبئني من الاهل والجيران وبعدين النت


xxxxxxx
تمنع العروض التجارية بشكل غير مباشر

انا يكفيني المكسب القليل المبارك

يعني الخمسه والعشره نعمه من الله
اذا كنتي تحبين التجاره ابداي ولا تهتمين في كلام احد ومو شرط ان الوحده تبدا تجاره تكون محتاجه او اهلها مقصرين هذا شي لك انتي وعشان انتي كمان تحسين بقيمتك وتنمين هواياتك انا بصرااحه احب التجاره من الصغر بس كم مره حاولت ومره اكسب ومره بس يرجع لي راس المال بعدين بدات (ماشالله تبارك الله) ب500ريال وسويت شراشف صلاه اللي الراس حقها استرتش وكمان الاكمام والباقي روز ومررره ماتتخيلن كيف مريحه ابيعها بالحبه ب40ريال وبالجمله ب35ريال والحمدلله مره مشت الحين ماشالله يالله يالله الحق على الطلبات مع اني لما بديت قلت باسوي دفعه اودفعتين وخلاص بس الحين بالعكس احاول اطورها طبعا انا مشتركه في منتديات ثانيه بس هنا عشان ماعندي عضويه فمانزلتها بس بصراحه انا مره اتعب عليها اغسلها واكويها واوديها عند الخياط والحين اتطورت صرت اسوي مقاسات اكس لارج ولارج وكمان اطفال واسوقها لاقاربي وجيرانا وكل معارفي وكمان النت هذا شي اساسي بس لازم تكونين بالنت حريصه على رفع مواضيعك عشان يحسون الناس بجدية الموضوع واهم شي المصداقيه مع الزباين والاخلاص في النيه والاصرار هذا اهم شي انا ماتتخيلن كيف مره كنت استحي الحين لاوالله مره عادي مادام اني ماسويت شي حرام ولا عيب مااحد يهمني والحمدلله اولا واخيرا هذا كله من فضل ربي
والله يوفقك ويرزقك الرزق الحلال
الله يسعدك ويوفقكم *****الله
الوحدهـ منى تبي دخل خاص فيها موشرط أهلهـ مقصرين معها لكن البنت محتاجة والحين الاسعار
غالية مو مثل قبل والكشخة تبي دخل خاص الله يعين
موفقه اختي


الساعة الآن 08:03 .