امواج الحياة
امواج الحياة
الله يقوي كل من اراد رفعة هذا الدين
ويهدي ضال المسلمين الذين لعب بعقولهم باسم التحرر والمدنية
دمعات امي
دمعات امي
هذا التعليق محذوف
استغفر الله والله انهم على ثغر بالنسبه لكلمة وهااابيه على مذهب انتي؟!ا لاتطلعين من الي في بالي لا بيعيشونك في نعيم وراحه يكفي ان اغلب الجرائم مايتم القبض عليها الا اسود السنه الهيئه ،،
انا عارفه اننا ماجينا مرقص لكن الي يشوف المذيعات وبعض الحريم يقال انه عررررس ماصااارت مكياااج تبرج سفور وش ذا ؟؟
والله موفشيله الا اسووود السنه وحماة الدين ،،الله يوفقهم ويحفظهم وش علينا من العالم من حبهم لنا ودهم يموووتونا اليوم قبل بكره لاتفكرين الا في دينك يحمي فكرك لان حماية الفكر حماية للوطن
العييييب الي انتي تسوينه والغلط بعينه
شموخ نجدية
شموخ نجدية
الله ينصركم يا رجال الخير على ديناصورات الاعلام ... اعلام التخلف والسخافة
النوري قمر
النوري قمر
يا حبيبتي فانيلا سكاي
ارجو انك تنفتحين معي شوي وخليك ريلاكس

اول شي مافيه شي اسمه وهابيه هذا مسمي جديد مخترعينه بعض ناس علشان يوحون بان السعوديه مذهبها متطرف

حنا مذهبنا علي سنه الله ورسوله وبما اننا نتبع امر الله فمذكور بالقرآن (ولتكن منكم أمة يدعون إلى الخير ويأمرون بالمعروف وينهون عن المنكر وأولئك هم المفلحون ) لذا الهيئه مذهبها علي سنه الله ورسوله.


ثانيا الاعلام شغلته الوحيده انه يوحي بان الهيئه متطرفين ووحوش وماعندهم تفاهم وطالبان علي قولتك بضرب لك مثل من الاعلام الي عندي عشان تفهمين قصدي

انا بامريكا واغلب قنوات الاعلام والاخبار مولعه علي السعوديين ومايجي طاري للسعوديه الا سب وانه الطلاب المبتعثين بسهوله يدخلون امريكا (بينما الواقع العكس)ويعوثون فيها فسادا وارهابا
وامس جا واحد من الكونغرس وقال ان الامريكين المسلمين ارهابيين واغلب مساجد امريكا ائمتها متطرفين شفتي كيف لا
واذا جابوا الوضع بالسعوديه وكيف حنا عايشين هناك انا اذا شفت الاخبار اقول معقوله انا بلدي كذا حسيت اننا بالصومال مو بالسعوديه


نفس الفكره يسويها الاعلام السعودي ضد الهيئه
اكيد صدرت منهم بالبدايه حركات قليله من واحد ولا ثنين مايعرفون كيف ينصحون بس اللحين هم اكثر نضج و ناس واعيه


بسألك سؤال وجاوبي بصراحه انتي حضرتي المعرض وشفتي وش صار بعينك ؟
بافترض لا

ياحبيبتي ما كان فيه صراخ ولا هواش بس صار فيه مجادله والي بداها الاعلاميين وطبعا ضخموا الي صار بالحدث
انا ما حضرت المعرض بس اعرف كيف اعلامنا بالسعوديه وغاسله يدي منه لاني اعرف كذا سالفه شخصيا كانو كاتبينها بالاخبار ومضخمينها و99٪ منها خطاء ومفبرك بس عشان يسون ضجه اعلاميه ويمشي سوق الجرايد
اذا مافيه خبر زي كذا ماراح يمشي سوقهم


وشكلك ماشفتي الروابط الي حطتها صاحبه الموضوع شوفيها عزيزتي 
ام المبتسمين
ام المبتسمين
اللي عاملين الفيديو ماهم من الهيئة ولاشغالين فيها اذا بأي صفة يتكلمون ؟؟

الهيئة انا شفتهم بمعرض الكتاب ينصحون بهدوء وتعقل وداخلين بصفتهم الرسميه

لكن هؤلاء اصحاب الفيديو من هم واي صفة يتكلمون فيها عشان اسمع لهم ؟هل هم جهة رسميه او مكلفين بالذهاب هناك ومحاربة الفساد مايصير ان كل واحد واي واحد يجي يعمل نفسه وصي علينا هؤلاء انا حتى ماعرف اساميهم ولا اعرفهم

لو كانت الهيئه هيا نفسها اصدرت هذا الفيديو كان على عيني وراسي
لكن اللي بالفيديو بنفسه قال انه ماهو من الهيئه كيف تكتبي انتي محتسبون ينتجون شريط واصلا ماهم من جهة الاحتساب

انا كنت بالمعرض واللي تكون كاشفة كان رجل الهيئه اذا عدى من جنبها يقول غطي هداك الله الحجاب على الراس الله يهديك ويمشي يكمل طريقه مايعمل اي فوضى

الله يحفظ لنا ابو متعب ويحفظ بلادنا من الفتن ويبعد عنا الفوضى