Analysis Services
كلام الحب انا ما صورتها والمكاين موجوده بالمزرعه اذا تبين بشاور ريلي يوديني هناك وأصورها لكم اما الشرح صعب اشرح لكم لأننا نركب كل شي فيها من بدايتها لنهايتها.. حتى الكهربا والبرمجه ..
_______

أختي الترف نصنعها بايدينا يعني ما نشتري الجاهز نحن نسويها من راسها لساسها مثل ما قلت للأخت فوق ..

بنات صنع مكائن التفقيس يبيله تجارب وتصدقون نحن تمينا فتره طويله نجرب ونسوي ونظيف ونحط وحرقنا كليبات شكثر وحتى فرش البيت احترق من كثر التجارب لأننا بالبدايه كنا نجرب نركبها انا وريلي وبفضل الله سبحانه تعالى عرفنا نركبها الحمدلله ..

وبشاور ريلي عن تصوير المكائن ..

وحياكم الله اي استفسار عن البيض والتفقيس والدجاج والبط والسمان والرومي ترانا حاضرين نجاوبكم
21-02-1426 هـ, 10:19 صباحاً
 
ام طلحه

انا سألتك عن موادها لاني اعرف وحده تعملها

ولا مره احترق لها شي بالعكس مواد بسيطه

جدا ما تتصورينها لدرجه تعطيك مكينه يدويه

ومكينه اتوماتيك تحرك البيض لوحدها

انا ما سألت الا لجل اعطيك من خبرتها وتعطيني

من خبرتك وانا مستعده انزل لك صوره انتظريني.
21-02-1426 هـ, 12:12 مساءً
 
اختي ام طلحة شاوري زوجك واشرحيلي كيف تسوونها وتركبونها وياليت بالصوراذاممكن
21-02-1426 هـ, 12:46 مساءً
 
كلام الحب
عزيزتي المكائن اللي نسويها تشيل كميه كبيره من البيض أكثر من 500 بيضه وليس أقل .. ونحتاج لها طبعا لمنظم حراره ومراوح وتوصيلات كهرباء وكونيكترز والاهم مافي الامر برمجة المنظم ورفوف مشبكه والصندوق بنفسه الكبير اما بالخشب او الالمنيوم نحن نسويه .. وأعتقد اللي تعرفينها ممكن تعمل مكينه بسيطه صحيح لا تحتاج لشئ وبسيطه ..

+++++++++

أختي الترف .. ممكن اني اصورها ولكن تصوير العمليه بأكملها صعب بالنسبه لي لأن زوجي يعمل حاليا في هذه الامور بالمزرعه وبالسابق كان عملنا بالبيت .. طبعا هذا قبل ما أولد والحين بعد ما شرف ولدنا الله يخليه تحولت اعماله للمزرعه . وهو حاليا لا يتواجد باستمرار لأنه لديه دورة عمل يقوم به تشغله وان شاء الله لما يخلص هذه الدوره نشوف اذا كان ممكن اقدم لكم الصور والشرح .. وفي أمر آخر في بعض المواقع تشرح طريقة العمل .. لكن ليس بالتفصيل الممل على ما أعتقد وبشوف المواقع وبرفقها لكم
21-02-1426 هـ, 11:57 مساءً
 
على فكره مب كل البيض اللي تشترونه ممكن يفقس لأنه يعتمد على مدى تلقيح البيض ومدة تخزينه .. يعني البيض اذا تخزن لفتره طويله بالنسبه للفتره المحدده لا يفقس .. اما اذا وضع قبل هذه الفتره ممكن تتم عملية الفقس .. وتكوين الاجنه في البيضه
21-02-1426 هـ, 11:59 مساءً
 


الساعة الآن 08:25 .