السلام عليكم
بدخل بالموضوع على طول
انا متزوجه من 7 سنين وعندي ولد وبنت والحمدلله
مشكلتي مع زوجي وتدخلات اهله
بداية مشاكلي مع زوجي بعد ماجبت طفلي الاول سهراته كثييييره اول مايدخل البيت يقفل جواله او يخليه صامت لما يكون برا ادق عليه الاقيه انتظار كان له علاقه مع بنات فاتحته صار ينكر كلمت البنت اللي يكلمه تقول انه يهددها بالصور لانها كانت ترسله صورها لدرجة والله كانت تدق عليه تصحيه للدوام لانه مفهمها انو مو متزوج صبرت وتحملته غيرت معاملتي معاه ماقصرت في شي بس هو تمادى كثيييييير وبعد فتره ابد ماتحملت الوضع رحت عند اهلي جلست عندهم شهر وجا واعتذر ومشيت الامور ورجعت بعد ماشرط عليه انه يغير رقم جواله
بعد فتره لقيت جوال في درج السياره اخذته بدون مايحس لما وصلت البيت فتحته لقيت علاقات مع اكثر من بنت ومن بينهم النبت اللي كلمتها
صارة مشكله كمان دقيت على الوالد طبعا اهلي مو بنفس المدينه جا حل الامور اعتذر بشده ووعد الوالد انه مايسويها قبلت اعتذاره عشان ما اضيع ابني وطبعا استمر فتره له علاقات ومسكت عليه سجل محادثات طبعا كان كلامه كله في الجنس
وماقلت لاحد لانه هو قريبي وصارت مشاكل بين اهلي واهله والوالد حالف لو استمر مستحيل يردني له
صرت ابد ماهتم له الين بدا يرجع لي
بس المشكله لما اهلي كانو يزوروني هو يطلع من البيت ومايجي الا لمايروحون
لما كنت اروح عند اهلي كان يوصلني لحد البيت ويرجع بدون مايدخل يسلم عليهم
كان مو مقصر معاي في شي كل اللي اطلبه يعطيني الا كرهه لاهلي حاولت معاه مافي فايده
مع ان الوالد والله ماقصر معاه ساعده بالوظيفه مع انها كانت لاخوي ساعده في تأثيث البيت بس انكر كل شي
مشيت معاه لما حملت بطفلي الثاني بعد 4 سنين عصب مني وزعل ورحت عند اهلي بدون مايحسو اني زعلانه جلست عندهم 3 اسابيع وبعدين ردني
تغير كثيييييير معاي صاير مره بخيييييييل ويسب اهلي باستمرار وما يقدرني
حاولت اهدي الامور مادخلت احد لين بدا يتغير والحمدلله في الاجازه هذي بين الترمين اهله جو عندي
طبعا يكرهوني ومايبوني عاملتهم بالطيب مافي فايده يرمون علي كلام يتهزون فيني وكنت اسكت بس هالمره بزياده كان زوجي ماخذ وقتها اجازه وكانت امورنا ماشيه تمام وكنت اسمع الكلام منهم واسكت عشان زوجي ماكنت ابي اخسره لاني كثيييييييير متعلقه في اولادي
طبعا عمتي كل ماشافت زوجي تقلبه علي وكانت تسمعني كلام وكان يقولي تحملي مهما كان هذي امي وكبيره احترميها وماعليك منها
طبعا انا ماكنت ارد عليها وقلبت على زوجي انت منت رجال حرمتك ممشيتك على كيفها الله يعوضك انت مظلوم وقالت كلام كبييييييير والله طبعا انا ماتحملت قلتلها ياعمه لاتتدخلين بيني وبينه حنا مبسوطين ومرتاحين لاتتدخلين والله ماقلت غير هالكلام
صارت تبكي وتدعي علي اخذني زوجي ودخلني الغرفه وقال اجلسي حاول يهدي امه مافي فايده
بعد فتره طلعت امه مع بناتها وولدها مشوار
جا زوجي قالي يالله نغيرجو طلعنا وتناقشنا وهداني قلت له ليه ماتوقف اهلك ليه لما تشوفهم يغلطوا علي تسكت ليه ماتاخذ بحقي قال هذي امي وتحمليها كلها فتره ويروحو
رجعت البيت استقبلتنا عند الباب تقول لزوجي طلعتها مشيتها حسبي الله على اللي غيرك علينا وقامت تدعي علي دخلت انا غرفتي وهو تكلم معاها
انا ابدا ماتحملتهم والله صبرت عشانه هو
يوم الخميس بنتي تعبت وتنومت معاها في المستشفى ومافينا شي وامورنا تمام يوم الجمعه جا متغير 180 درجه بس يصارخ ويسب كنت انا مطنشته لانه كان مررررره معصب
سالني سؤال وقالي يابنت الكلب طبعا مارديت عليه عصب مره وضربني كف قدام الممرضات وشد شعري
انا ماتحملت دقيت على اخويه وجا اخذني
بعد ماطلعت من المستشفى
ولحد الان مارجعني
ولايسأل عن اولاده ولايرسل مصروف
كان الوالد ينتظر ان احد يتصل احد يتفاهم محد تكلم
طبعا امه هناك كل مادخلت بيت تسب فيني
حاولت اتفاهم معاه مافي فايده مطنشني ارسلت رسايل ولاشي
الوالد مصر على الطلاق ويرجع اولاده له
بس انا متخيل حياتي بدونهم
والله والله انا موناقصني شي جمال واخلاق بشهادة الجميع والله كل من شافني يقول مو مبين ان عندك اولاد يابخت زوجك فيك
و
الله لدرجة وحده سألت خالتي تقول كيف هذي عايشه مع زوجها والله هذا مو غرور
ليه هذا الحقد منه ومن اهله ليه اهله يتدخلون بكل شي لدرجة انهم كل ماشافو شي جديد عندي يتضايقون والله ماعمري قصرت معاهم بشي لاهو ولا اهله وهذي جزاتي ذليت نفسي عنده انه يرجعني عشان ما ابي اخسر اولادي بس مو راضي تحملته عشان ماخسره تعبت معاه وكذا كافأني
والحين الوالد مصر انه ماراح يتفاهم معاهم مايبي الا الطلاق
تكفون ادعولي فجأه تغيرت حياتي للأسواء
ghalaaa @ghalaaa
عضوة جديدة
يلزم عليك تسجيل الدخول أولًا لكتابة تعليق.
الله يفرج همك ياقلبي وينفس كربك ويسخر لك زوجك ومايشوف غيرك
افرشي سجادتك وادعي بين يديه وتضرعي وثقي بنصره عاجلا كان أم آجلا
افرشي سجادتك وادعي بين يديه وتضرعي وثقي بنصره عاجلا كان أم آجلا
خلي ابوكي يتصرف معاه لاتدخلين بشي
ماأحديموت ناقص عمر سواء طلقك أو أخذ أولادك مادام مافي شي نافع معه خليه ينقلع
أكيد تقولين هذي تتكلم من فضى وماهمها شي بس أنا اتكلم لمصلحتك"المسأله لوع اهله أوع خيانه ومكالمات كان هين بس ماتوصل لدرجة يضربك قدام الناس؟
ماأحديموت ناقص عمر سواء طلقك أو أخذ أولادك مادام مافي شي نافع معه خليه ينقلع
أكيد تقولين هذي تتكلم من فضى وماهمها شي بس أنا اتكلم لمصلحتك"المسأله لوع اهله أوع خيانه ومكالمات كان هين بس ماتوصل لدرجة يضربك قدام الناس؟
الله يصبرك ويفرج همك حبيبتي استغفري وادعي دائما ( حسبي الله لا اله الا هو عليه توكلت وهو رب العرش العظيم )
وترى ما فيه بيت يخلى من المشاكل بس المهم اتوكلي على الله وان شاء الله يفرجها عليك
وترى ما فيه بيت يخلى من المشاكل بس المهم اتوكلي على الله وان شاء الله يفرجها عليك
الصفحة الأخيرة
بجد حالتك صعبه ما اقول الا الله يكون بعونك ..
بس يا اختي لازم تقرين على نفسك ..
وعند قروب الرقيه اشتركي فيه ..
واستمري في قراء القران ..
والله يهدي النفوس ..
::