أخواتي العزيزات عندي مشكلة عاملتلي عقدة وكرهت الطبخ بسببها وهي طعم الأكل قبل اني أتزوج لما أجي أي أكله معينة كنت دايما اعتمد على امي في الملح والبهارات أجي اسألها قد ايش أحط على الطبخة ما كنت أجرب انا بنفسي والحمد لله الأكل يطلع شكله وطريقته حلوة ان كانت كبسة والا ايدام او اي شي واحيانا بعض الاكل مايضبط واعيد الطبخة واحاول اتلافي الخطأ بمساعدة أمي والحمد لله تضبط لكني ما حاولت اتعلم كيف أحط الملح وقد ايش يحتاج الاكل ان كان رز أو لحم او دجاج أو مكرونة ما كنت اعرف اقدر للطبخة بسبب اعتمادي على أمي وما كنت حاسة بمشكلة الا بعد ما تزوجت حسيت بالندم اني ما تعلمت هذا الشي لحالي لاني كانت معايا فرص لو خربت الطبخة او ماضبط ملحها احاول احسنها المرة اللي بعدها لكن مع الزواج مافي فرصة لما اعمل شي مايضبط الاقي ردود وتحبيط واحيانا يزعل وينام ويقولي هذي الطبخة لا تعيديها انتي ما تعرفي تعمليها

المشكلة زوجي ما شاءالله ذويق في الأكل يبغى كل شي بالملي لكني يوم اعمل الاكل ماني عارفة اضبط الملح مرة يطلع ناقص ومرة زايد والتعليقات اللي تجيني احس ما عندي فرصة لاعادة الطبخة عشان اعرف اقدر والمشكلة الثانية احس ذواقتي غير عن ذواقته اذا في شي عجبني ملحه يجي مرات يقولي الملح ناقص او زايد وهذا الشي ينطبق على الحلا بالنسبة للسكر اذكر مرة عملت بسبوسة حسيتها حلاها زايد لكن هو يقولي ليه حلاها ناقص احيانا لما اعمل شي سرت مو عارفة ايش اعمل الملح اساسا ما يضبط وهو يبغاها بالملي وما يعجبه اي شي

والله لدرجة اني سرت لما أجي أطبخ احس لما اذوق الاكل مااعرف هو كويس والا زايد والا ناقص من كثر ما تعقدت ماني عارفة ايش الكمية اللي مفروض احطها احس يصيبيني خوف انه الاكل مايعجبه والطبخات حتى اللي كانت تطلع تجنن قبل الزواج سارت تخرب معايا ولدرجة اساسيات الطبخ سرت ماني عارفة اعملها احس ثقتي بنفسي تزعزت في الطبخ أحس اني ما اعرف اطبخ من كثر ما كرهته استشرت بعض من قرايبي يقولولي ذوقي الاكل لما تطبخي لكن مافي فايدة لاني سايرة والله ما عرف اقدر حتى لو ذوقته


نفسي اتعلم اساسيات الطبخ نفسي اكون طباخه اذا ممكن يا اخوات فضلا لا أمرا اللي عندها خبرات في الطبخ تزودني بها لاني عارفة مهما كان شغلي حلو لكن بدون اساسيات بسيطة زي الملح والبهارات وبعض الطرق اللي تعطي الاكل تميز ماراح يطلع حلو

بالنسبة للكبسات والايدامات والصواني والمعجنات اي شي يفيدني بالذات الملح أفضل الطرق في وضعه وتذوقه وتقديره في الأكل

واذا ممكن افكار لاكلات حلوة

وجزاكم الله خير مقدما
يمكن زوجك يحب الملح والسكر بزياده مالك الا تجيبين كتاب طبخ وسوي الطبخه بحذافيرها عندك ابداع حلو ومنوع
ياحبيبتي والله بالنسبه للطبخات المنتدى فيه تنوع ولا اروع...بالنسبه للملح انا احط ع كاسه الرز ملعقه صغيره ملح <<وشكلو زوجك عنده ذوق معين انتي انتبهي ع تعليقاته يعني لو قالك الملح ناقص بهالطبخه المره الجايه كثري ملحها مثل مايحب...والاهم من هذا كله اطلبي منه بحب انو يستحمل وزنياتك للبهارت ومع الوقت ان شاء الله بتاخذ يدك وتسيرين فنانه صدقيني لاتفقدي ثقتك بنفسك طييييب ...وطمنينا عليك بعد كم شهر..
أكتب كلّ مـآيقووله الناس ضدّي في أوراق وأضعها تحت قدمي .. فكلّما زآدت الأوراق ارتفعت أنا إلى الأعلى...
طيب خلي زوجك يذوق الملح عادي
انا تجيني حالات ما اذوق او تعبانه واخليه يذوق
او قيسي الملح والبهارات عند اهلك بالملعقه واعرفي كم تحطين للاكله هذي والاكله الثانيه سوي تجارب عند اهلك اذا رحتي لهم وخلاص ان شاء الله بتنحل العقده بالملعقه والله من جد خلي الملعقه هي مقياسك والله ترتاحين واحسن حجم حقت الحلى المتوسطه ما هي حقت الاكل الي اصغر منها
يا زين الجلسه على ذا الكرسي



انا اقول خلي ملح على السفره وهو يزيد الي يبي والبسبوسه او اي حلى فيه شيره حطي شيره على الجنب وهو يحط براحته والشاي بعد سكر بره


الساعة الآن 01:22 .