اهم شي انتي حددي وش تبين تسوين وقسمي اللي ينعمل قبل واللي لازم طازج لايروح عليك الوقت
08-04-1432 هـ, 10:21 مساءً
 
اي شي ينسلق قبلها بيوم مثل مكرونه لحم بتسوين صينينه قطعي الخضار والدجاج وتبليه وحطيه في الثلاجه والخمبس دخليه الفرن

الحلويات قبلها بيوم
جهزي صحون التقديم والكاسات والملاعق ورصيها من بدري

والكاسات والفناجيل والتمر وخليها في المجلس
ولاتشيلي هم الرجال اهم شي الرز وملحقاته مايفكرون بشي ثاني

وحاولي تجيبي احد يساعدك دعواتك لي بالي بالي
08-04-1432 هـ, 10:25 مساءً
 
رفع لعيونك
08-04-1432 هـ, 10:58 مساءً
 
انا باساعدك في الاشياء اللي تقدري تشتريها جاهزة من بندة او كارفور


من قسم المجمدات

والله اطعم واسرع واظمن وتملي لك السفرة في وقت قصير

دقيقة احمل الصور وارجع وبسوي تعديل على ردي

____________________


اولا

اذا بتسوي دجاج

انصحك بقوووووووووووة بدجاج الوطنية المتبل ب11 ريال
افتحي الكيس في صينية الفرن بدون اي اضافات
وولعي النار من فوق على الوسط
وقلبيها كل ربع ساعة تطلع لك افخم مطعم ولذيــــــــــــذة
واحسن تتبيلة هي تتبيلة الزعتر البري وهذي الحمراء حلوة بس مو مثل الزعتر اشتري لك كميات وحطيها في الثلاجة البرادة



وقدمي معها صلصات
1\مايونيز
2\كتشب
3\خردل
4\افرمي ثوم مع مايونيز مع ملعقة خل البيض وتطلع لك احلى ثومية
وقدميها بهالشكل


____________________________________________________


ثانيا

هاذي الخضار المجمدة السنبلة ممتااااااااااازة
اغسليها واحمسيها مع زبدة وبصل ومعجون طماطم
وحطي عليهم رز مغسول ومنقوع
وموية وماجي
وذوقي الملح
وقصري على النار لين يستوي

يطلع لك رز احمر بالخضار
فخم لكن مااخذ منك وقت





---------------------------------------------

ثالثا

الرز
النوع الثاني سويه ابيض
موية وزبدة وهيل وقرفة وعويدي
وقبل التقديم احمسي بصل شرائح بالزبدة وجزر مبشور والزعفران والبهارات وملح و ذرة سكر
تعطي الحمسة فخامه مثل المطاعم ولما تحطي الرز في الصحون
حطي على الحشوة شوي من الرز وحركيها ممتاز وحطي فوق كل صحن رز شويه من الحمسة

فخااااااااااااااااامة

-----------------------------------------------

رابعا

الملوخيه هاذي مجنونة



احمسي بصل مقطع صغااااااااااااااار بالسمن وثوم وشوي ماجي وحطي الملوخية عليه لين تذوب من الحرارة وصبي الماء فوقة ولاتكثري
الكيس ياخذ كاس
وانتظري ربع ساعة وقدميها

------------------------------------------------------------

خامسا
هذي السلطة اليونانيه
سهلة وفخمة ماتاخذ وقت ولا تسويها الا قبل التقديم عشان مايسود الخس




طماط
زيتون
خس
جبن حلوم المراعي قطعيها مكعبات


هذي احسن نوع تنفع لهالسلطه

وهذي فكرة فخمة وسهلللللللله لنفس الجبن هاذا


---------------------------------------------------------------------

سادسا
خبز مفرود
اعواد
زيتون
وشريحة جبن
وطماط
وشريحة باذنجان مقلي
تقدري تسويها من قبل بس لازم تغطيها علشان الخبز ماينشف

وينفع التوست اسرع من الخبز المفرود

---------------------------------------



يتبع
08-04-1432 هـ, 11:00 مساءً
 
ورود مجففه ردك جنان كملي تكفففففففففففففففين
والله يعينك ياصاحبةالموضوع
08-04-1432 هـ, 11:28 مساءً
 


الساعة الآن 09:32 .