Analysis Services
يا قلبي شوفي دورة الطبخ اللي عملتها أم ياسمينه

خطواتها سهلة والأكل لذييذ جدا

وهذي روابط الدورات خذي منها اللي تحسي انه مناسب:

دورة الشيف

http://forum.hawaaworld.com/showthread.php?t=2595653

دورة الفصول الأربعة
http://forum.hawaaworld.com/showthread.php?t=2650891

وممكن تعتمدي على المواضيع اللي بالمنتدى
بس تكون من اعداد صاحبة الموضوع عشان لو حابة تستفسري منها عن شي

وكمان تكون مصورة بالخطوات

جيبي دفتر ..
اكتبي الوصفة اللي تعجبك من قبلها بيوم
وراجعيها حتى تنتبهي لو في شي مو واضح

وثاني يوم ادخلي المطبخ من بدري ,, جهزي المقادير
واعملي الطبق بالخطوات

وان شاء الله كل مرة تطلعي بطبخة جديد وطبق جديد

كمان شي مهم
بعد ما تعملي الطبق اكتبي ملاحظاتك عليه بنفس الدفتر ونفس الورقة اللي كتبتي فيها الطريقة
وبكده تتلافي أي خطأ بالمرة الثانية
10-04-1432 هـ, 02:39 صباحاً
 
حبيبتي أنا كنت مثلك والله وألحين والله تعلمت أشياء ماكنت أحلم حتى إني بأسويها
وحبيت شي اسمه مطبخ وطبخ
وكله بعد الله ثم عالم حواء
10-04-1432 هـ, 02:43 صباحاً
 
انا متزوجة من سته اشهر
ودوبي طبخت قبل شهر ونصف
وكنت عند اهلي زيك بس كبسة وبيتزا ومكرونة
ولماطبخت في بيت زوجي نفس الحكاية تقريبا
وبس ثلاثة ايام بالاسبوع اطبخ فيها
وكمان وجبه غدا بس عشان طبيعة عمل زوجي يجي البيت بعد المغرب
فقلت لازم اتفنن بالطبخ مليت الكبسات
بعدين شريت كتاب اطباق النخبه
وحملت طبخات من منتدانا الغالي
وربي صرت طباخة حتى اهل زوجي دايما انزل لهم من غدانا ويعجبهم مره
وكل هذا في شهر ونص وزي ماقلت ثلاث مرات بالاسبوع بس
اجل لو بأطبخ يوميا مع التكرار بأصير الشيف حجازية
لاتتحطمين يا قلبي وشدي حيلك
بس الي انا مستغربه منه عيالك بالمدرسة وانتي للحين ماتعلمتي!!!
10-04-1432 هـ, 02:47 صباحاً
 
العيال يدرسون !!!!!!!!!!!!
10-04-1432 هـ, 02:57 صباحاً
 
بقولك عن اثنين من اخواني تزوجو وحريمهم الشاي ما يعرفون يسونه

وكانو متضايقين مره من هالنقطه ومعروف عن حريم العايله كل وحده تطبخ طبخ ما شاء الله يعني كلهم فنانات

وكانت امي تقول لهم اصبرو الوحده اذا حبت زوجها بسوي المستحيل علشان وهذا غير الغيره الحرمه بطبيعتها ما تحب

احد يكون احسن منها وبالفعل كل وحده صارت كل شوي تدق علي وتسال عن حاجه غير خواتهم و امهاتهم اذبحوهم بالاتصالات

ياخذن منهم كل شوي طريقه والحين كل وحده احسن من الثانيه ووحده منهم خطيره في التقديم صارت تتعلم الطبخ وفن التطبيق

فانتي اذا تحبين زوجك وخايفه عليه وماتبينه يقارن بينك وبين حريم اصدقاه او اقاربه ابدي من اليوم

عندك المنتدى صدقيني بتحصلين كل الي تبين وبالصور والشرح المفصل وتقدرين تسالين صاحبة الموضوع عن كل حاجه *** ما تتقنيق الطبخه

بتحصلين البسيط والسهل والصعب وعلشان تتشجعين شوفي منتدى الاطباق المجربه بعد رهيب

وعندك كتاب ام عبدالعزيز و ام ريام ياكثر البنات الي ما يعرفون وتعلمون من كتبهم جزاهم الله كل خير

واي شي يجي في بالك من طبخه او استفسار صدقين ماراح احد يقصر بالي يعرفه وبعضهم ما تعرف وتسوي بحث

في قوقل علشان تفيد غيرها وبس ان شاء الله ما كون طولت عليك بهذرتي

واي حاجه انا في الخدمه رساله على الخاص وابشري بالي تبينه

والتوفيق
10-04-1432 هـ, 03:36 صباحاً
 


الساعة الآن 05:27 .