موظفة وارجع البيت 4 العصر .. موب عارفه انظم بيتي ونفسي؟

اب لعيونك

هلا حبيبتي انا مثلك اداوم في الكليه واجي خلالاص مااقدر اسوي شيء بس بقولك علي شيء يمكن يريحك بس انا والله ارتحت مااااره الحمدلله اسوي سلطه حقت اسبوع كامل بدون ملح وليمون في وبعد المغرب اسوي الغداء الليوم الثاني اسلق اللحمه وعلي طول في الثلاجه اذا جيت بس اسخنه واحط الرز واخرج السلطه بعدين اضيف اي اضافه ثانيه وصراحه عندي شغاله الي بساعات تجي تكنس وتغسل وتنظف البيت وكذا والله تخففين عنك شوي ويوم الخميس الصباح قومي علي بيتك مثل الخميس المطبخ الخميس الي بعده المجالس وهكذا وخذي غساله اتوماتيك اريح لك والمجالس قفليها لاحد يدخلها ياحلوة لو عجبك ردي ادعي ان الله يرزقني الذريه الصالحه

حبيبتي تقولين موظفه وترجعين للبيت 4احسلك جيبي شغاله تنظف البيت عنك وتسويلك الغداء حتي تحسين بطعم الراحه هذا رئيي ومجربه

خلي غسيل الملابس والكوي وترتيب المجالس يوم الخميس او الجمعه والايام الباقيه شغل البيت اليومي ,,,
ولا تنامين وفيه شي حايس بالبيت قبل النوم مري على الغرف غرفه غرفه ورتبيها وشيلي حوستها ,,,,
الحمامات فيه طريقه ماشيه عليها مريحه اغسل الحمامات مرتين في الاسبوع غسيل دقيق فرك بالمكنسه وبالصابون والكلوركس ,,, الايام الباقيه عندي علبه فيها كلوركس يوميا امسح بالمنديل طبعا .. ابخ وامسح وارمي ثواني وانا مخلصه كل الحمامات وهالطريقه تلاحظينها في المستشفيات والفنادق وتنفع حتى لضيوف الفجاءه
مجالس الضيوف مره في الاسبوع نظفيها ومسحيها وبخريها وسكر ي الباب حتى لو ما جوك ضيوف تعودي كل اسبوع مره علشان اذا احد جاك ما تهتمين بالمجلس المكان نظيف

الاكل ياكثر الاكلات الي ممكن تتسوى من الليل اريح لك مثل المكرونه اذا حطيتي الباشيمل لا تدخلينها الفرن غطيها و دخليها الثلاجه خليها اليوم الثاني بعد الدوام ,,, البروستد قطعي الدجاج وتبليه وحطيه بكيس بلاستك بالثلاجه واليوم الثاني اقليه هذي طريقتي له وانا مو موظفه لكن احب ارتاح بعض الايام من حوسه الغدا ,, الصواني كلها ممكن تسوينها من الليل ,,,, الهريس ممكن تسوينه في الليل نص سواء واليوم الثاني تكملينه ساعه ,,, الايدامات بانواعها الذا و اطعم لما تكون بايته ,,, ولا تنسين المفرزنات ( سميوسك ,, كبه ,, كفته ,,, بف ,,, سبرنغ رول ) سويها يوم خميس وخليها بالفريزر اذا ما تقدرين تسوينها ياكثر الحريم الي يسوون ويوصلونها لك لبيتك بعد وعليك قليها ,,,,,,,,,,,,,,,,,,,,,, وسلامتك

تعجبني المرأة العصامية .. ما شاء الله عليك

بالنسبة لي.. الشغالة آآآآآآآآآآخر الحلول .. إذا ما كانت هي مشكلة بكبرها

كلام الأخت اللي فوقي كله درر .. و انا تقريبا أعمل مثل ما هي قايلة.. و فيه حاجة أسمها قانون العشر دقائق .. بعد كل وجبة على طول أنا و زوجي نسوي أيّ أعمال ترتيب بالبيت .. بس عادة ما نطبقها بالصباح

تنفع كثير