السلام عليكم ورحمت الله وبركاته
بنات ترى انا ميح بالمره بالطباخ وبخاطري اعرف اشلون ينطبخ المجبوس واللي يعافيكم ترى بتطلق

السلام عليكم
فالج طيب ماطحتي ألا بيد تينة المتينة أمهر طباخة للمجبوس
نتدخل بالمفيد
المقادير: دجاج , بهارات عبارة عن ( مكعب ماجي + بهارات حب مشكلة يعني مو مطحونة مثلا هيل, قرنفل , فلفل اسود , دارسين , ورق غار + كركم مطحون + دارسين مطحون )فلفل أخضر رومي( بارد ) + جزرة >>>> علشان ازفرة الدجاج تروح بالحمسة ,,’بصل ,زيت عيش( أرز ) <<< ويفضل ماركة كنتري>>>>

الطريقة : تحمسين الدجاج( بالكويتي دياي) بالجدر مع البصل والفلفل والبهاروالجزر الى أن يكسب الدجاج لون البهارات لاتنسين تحطين زيت بقاع الجدر وشوية ملح على الدجاج

2- ضعي الماء الساخن على الدجاج وأتركية الى أن ينضج >>>> يسلام على اللغة العربية ههههه

3 -بعد ساعة ونصف تقريبا تاكدي من نضج الدجاج ثم ضعي المقلاة على النار وفيها زيت غزير لكي تقلي الدجاج ويكسب اللون الاحمر الشهي >>> يعني تاخذين المقلاة وتحمرين الدجاج أوكيييييييييييي يييي

*** بعد التحمير تكونين غاسلة العيش ومنقعتة ( منقع ) بالماء الى أن يتحول لونة الى الابيض وكل ما تنقع أكثر صار أحسن

5 - أختي ماي الدجاج الي سلقتي فية الدجاج لا تقطينة لانج راح تسوين فية العيش سخنية الى ان يغلي ثم صفي العيش من ماي التنقيع بعدين حطية بجدر السلق مع ماء الدجاج

********** أختي أحسن طريقة علشان يطلع عيشج مضبوط يعني مو معجون ولا حب أتبعي طريقتي وهي شخل العيش بالمشخال يعني تخلينة يغلي بالماي عندما ينضج نصف استواة شخلية وبعدين رجعية وحطية على نار هادئة لكي يتهدر بواسطة البخار ثم حطي علية بصل مقلي مع لوز ,, صنوبر , وزبيب , وشوية كركم
أختي العيش ما يبيي وقت وايد بالسلق يعني من 5-10 دقايق فقط وعلى نار هادية 5-10 دقايق وبس خلا ص

وسلامتكم أذا مو فاهمة شي أنا حاضرة أفهمج أي شي ......................
الملح اللي احطه على الدجاج كم يكون ملعقه صغيره مثلا
الماي اللي احطه على حمسه الدجاج كميته كم
زين لم احط الماي في العيش وطلع شويه عادى ازيده والا شلون
العيش كميته في الجدر يكون نص لجدر والا لاخر الجدر

ادري دوختج يمكن اسئلتي تكون سخيفه بس اقسم لج ولا مره مسكت دجاجه وطبختها
يعطيييييييييييي ييييييييييييييي يييييييك العافيه اختي على المجهود اللى بذلتيهمن اجلي
حاضرين للطيبين ......
1- تقريبا ملعقة طعام الكبيرة ويمكن أكثر عاد انتي ذوقي لما يستوي الدجاج وزيدي على حسب الطعم فهمتيني
2- لما تخلصين حمس...... زيدي ماي حتى نصف الجدر يعني غطي الدجاج بالكامل بس مو الجدر بالكامل لا بس غطي الدجاج بالماي
3- أي تقدرين أتزيدين ماي بحيث تقدرين بعدين تشخلينة ولما تزيدين ماي زيدي معاه شوية كركم

4- لا أختي لازم يكون الجدر كبير يعني مو ضيق على العيش علشان تطلع كل عيشة بروح
وما يتكسر العيش يعني يكون العيش تقريبا نص الجدر فهمتني

أختي اتمنى تكونين فاهمتني لاني ودي تسوينها باجر وتقوللي رايج وأكون فايدج

وأنا حاضرة لاي أستفسار
بنقل لاطباق عالم حواء


اسألك يارب باسمك الأعظم .. وبصفاتك العلى .. أن تفرش لهذه الغالية دربا من .. نور
وتجعل وجهها دائما مسرور .. وتملأ قلبها بذكرك يا غفور ..
وتجعل لها الصراط سهلا للعبور .. وتجعلها في الجنة أجمل من الحور . .

ولك بالمثل يالغاليه ...







الساعة الآن 11:16 .